'ગુજરાત છે મક્કમ...' સ્થાનિક સ્વરાજ્યની ચૂંટણી માટે ભાજપે લોન્ચ કર્યું સ્લોગન

ગાંધીનગરઃ ગુજરાતની સ્થાનિક સ્વરાજ્યની ચૂંટણી માટે ભાજપે પોતાનું સ્લોગન રજૂ કર્યું છે. ફેબ્રુઆરીના અંતમાં ગુજરાતમાં મહાનગર પાલિકા, નગર પાલિકા અને જિલ્લા તથા તાલુકા પંચાયતની ચૂંટણીઓ યોજાવાની છે. જેને લઈને ભાજપે સોમવારે પોતાનું સ્લોગન, એન્થમ અને લોગો રજૂ કર્યા છે.

ભાજપનું સ્લોગન છે, 'ગુજરાત છે મક્કમ, ભાજપ સાથે અડિખમ'. આ ઉપરાંત ભાજપે પોતાનું ગીત અથવા એન્થમ પણ રજૂ કરી છે. આ ઉપરાંત પાર્ટીએ ચૂંટણી અભિયાન માટે ગ્રાણી અને શહેરી વિસ્તારો માટે 40 શોર્ટ ફિલ્મો, 20 એડ ફિલ્મો, 19 જીઆઈએફ અને 22 અલગ-અલગ હોર્ડિંગ્સ પણ રજૂ કર્યા છે.

ગુજરાત ભાજપના વડા સીઆર પાટીલે જણાવ્યું હતું કે, કોંગ્રેસે ભાજપના ઘણા મુદ્દાઓનો વિરોધ કર્યો હતો પરંતુ બાદમાં તે વિશ્વની સૌથી ઊંચી પ્રતિમા, સ્ટેચ્યુ ઓફ યુનિટી, નર્મદા યોજના, રામ મંદિર અને અન્ય મુદ્દાઓમાં સાથે આવી હતી. આ તમામ નિર્ણયો દેશવાસીઓના હિતમાં છે. આગામી ચૂંટણીમાં અમે સ્લોગન, એન્થમ અને હોર્ડિંગ્સ દ્વારા તમામ લોકોને આ નિર્ણયોની ઝાંખી કરાવીશું.