શું ફેલ થઈ રહ્યો છે નવો મોટર વ્હીકલ એક્ટ? ભાજપ શાસિત રાજ્યો પણ અસહમત

અમદાવાદઃ એક સપ્ટેમ્બરથી કેન્દ્ર સરકાર દ્વારા નવો મોટર વ્હીકલ એક્ટ લાગુ કરી દેવામાં આવ્યો છે. નવા એક્ટના કારણે મેમોની રકમ પણ મોટી થઈ રહી છે. દિલ્હીથી રોજ નવા કિસ્સા સામે આવી રહ્યા છે. લોકો આ એક્ટનો વિરોધ પણ કરી રહ્યા છે. ગુજરાતમાં એક્ટ આવે તે પહેલાથી જ જંગી દંડના વિરોધના સૂર ઉઠવા લાગ્યા હતા. પણ રાજ્ય સરકારે કેન્દ્રએ તૈયાર કરેલી વિવિધ દંડની રકમ સામે મોટી છૂટ આપી અને દંડમાં મોટો ઘટાડો કરીને તેને લાગુ કર્યું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: મહત્વનું છે કે, ગુજરાતની સાથે મહારાષ્ટ્ર, ઉત્તરાખંડે પણ દંડની રમકમાં ઘટાડો કર્યો છે. ઉત્તરાખંડે 50 ટકા દંડમાં ઘટાડો કરીને એક્ટને લાગું કર્યો છે. ભાજપ શાસિત રાજ્યો દ્વારા દંડની રકમમાં મોટો ઘટાડો કરીને તેને લાગુ કરવામાં આવ્યો છે ત્યારે દેશમાં એવી ચર્ચાઓ વધી છે કે ભાજપ શાસિત રાજ્યો પર કેન્દ્રના નવા મોટર વ્હીકલ એક્ટ સાથે સહમત નથી. મહત્વનું છે કે, ભાજપ સાશિત ઉત્તર પ્રદેશ, કર્ણાટક અને હરિયાણાએ આ એક્ટને હજુ લાગુ નથી કર્યો જ્યારે પશ્ચિમ બંગાળ, ઝારખંડમાં તેનો વિરોધ થઈ રહ્યો છે.રાજ્યો દ્વારા દંડની રમકમાં કરાઈ રહેલા ઘટાડા અંગે કેન્દ્રીય માર્ગ પરિવહન અને રાજમાર્ગ મંત્રી નિતિન ગડકરીએ કહ્યું છે કે, “પહેલી વાત એ છે કે મોટર વ્હીકલ એક્ટ સમવર્તી સૂચીમાં આવે છે. કેન્દ્ર અને રાજ્ય સરકારોને આ વિષયમાં કાયદો બનાવવાનો અધિકાર છે. રાજ્ય એ જ નિર્ણય લેશે જે તેમને યોગ્ય લાગશે. જો રાજ્ય દંડની રમક ઘટાડો છે તો તે આમ કરી શકે છે, પણ લોકોના જીવન બચવા જોઈએ અને અકસ્માતોમાં ઘટાડો થવો જોઈએ.” સરકારી તિજોરી ભરવાના આરોપ પર તેમણે કહ્યું, “સરકારનો ઈરાદો તિજોરી ભરવાનો નથી. જો દંડ વધવાથી તિજોરી ભરાય છે તો તે રાજ્યોને મળશે.”મોટર વ્હીકલ એક્ટર હેઠળ દંડના વધારાનો બચાવ કરતા ગડકરીએ કહ્યું- દુર્ઘટનાઓમાં ઘટાડો કરીને લોકોનું જીવન બચાવવું જરુરી છે. દેશમાં દર વર્ષે 5 લાખ દુર્ઘટનાઓ સર્જાય છે, જેમાં અઢી લાખ લોકોના મોત થાય છે, અને ત્રણ લાખ અન્ય ઘાયલ થાય છે.