રાહુલ નાયર, અમદવાદઃ રેસિંગ એટલે મેન્સ વર્લ્ડ આ સ્ટીરીયોટાઇપ માન્યતાને તોડીને દેશમાં ગુજરાતનું નામ રોશન કરવાવાળી માત્ર 17 વર્ષીય મીરા એરડાએ અમારા સહયોગી અમદાવાદ મિરર સાથે વાતચીત કરી હતી. જેમાં તેણે પોતાનું બિગ રેસિંગ સ્વપ્ન અંગે પણ જણાવ્યું હતું.
રેસિંગની દુનિયાની અનેક માન્યતાઓને તોડી
વિશ્વના અનેક ખૂણે એવું માનવામાં આવે છે કે ‘મહિલા અને ડ્રાઇવિંગ બની જ ન શકે’ કદાચ આ જ કારણે મોટર રેસિંગના ગોલ્ડન પિરિયડમાં પણ ફોર્મ્યુલા 1 જેવી કાર રેસમાં વિશ્વ લેવલે માત્ર ગણીગાઠી પાંચ મહિલાઓ ભાગ લેતી હતી. રેસિંગ ટ્રેકની દુનિયા એટલે પુરૂષપ્રધાન, ટ્રેક પર કોઇ ફાસ્ટેસ્ટ બને તેની સ્પર્ધા.
ભારતની પહેલી ફોર્મ્યુલા વન મહિલા રેસર
વિશ્વસ્તરે ભારતે પણ રેસિંગ ટ્રેક પર અનેક સિતારાઓ આપ્યા છે પરંતુ મહિલા પહેલીવાર છે. માત્ર 17 વર્ષની મીરાએ પોતાની ધમાકેદાર રેસિંગથી બે વસ્તુ સાબિત કરી છે કે સફળતા માટે ઊંમર અને સ્ત્રિ-પુરૂષ હોવું મહત્વનું નથી. સમજાની બધા બંધાયેલા વાડાને ફગાવીને મીરા તાજેતરમાં જ યુરો જેકે સિરિઝની રેસિંગ ચેમ્પિયનશિપમાં ભાગ લેવા માટે સાઇન કરવામાં આવી છે. આ સાથે જ દેશમાં યોજાતી હાઇએસ્ટ ક્લાસ ફોર્મ્યુલા વન રેસિંગમાં ભાગ લેવાવાળી પહેલી મહિલા બની ગઈ છે.
મીરાનું સ્પીડ વળગણ
મીરાના પિતા કિરિટ એરડા પોતે પણ રેસિંગ અને સ્પિડ ડ્રાઇવિંગ પ્રત્યે ખૂબ ખેચાંણ ધરાવતા હતા પરંતુ કેટલાક કારણોસર પોતાનો આ શોખ પૂરો કરી શક્યા નહોતા. પરંતુ મીરા 8 વર્ષની હતી ત્યારથી જ તેના પિતા વડોદરામાં આવેલ ટ્રેકિંગ રેસ પોતાનો સ્પીડ કાર શોખ પૂરો કરવા જતા હતા અને સાથે જતી મીરાને પણ સ્પિડ ડ્રાઇવિંગનો શોખ લાગ્યો. મીરાના શબ્દોમાં કહિએ તો ‘સ્પીડ મારા માટે પહેલો પ્રેમ બની ગઈ અને જ્યારે હું 10 વર્ષની થઈ ત્યારે મારા પિતાએ મને પૂછ્યું કે શું હું પ્રો રેસિંગમાં ભાગ લેવા માગુ છું’
…અને થઈ રેસિંગ કેરિયરની શરૂઆત
આ સાથે જ મીરાના રેસિંગ કેરિયરના શ્રીગણેશ થઈ ગયા. પિતા-પુત્રીની જોડી કેટલીયવાર પુનામાં યોજાતી રેસિંગ જોવા જતી હતી. મીરા કહે છે ‘આ બધી મુલાકાતમાં મે જોયું કે કોઈ એક મહિલા પણ રેસિંગ ટ્રેકમાં ભાગ લેતી નહોતી અને ત્યારથી મોટિવેશન મળ્યું કે મારે ભારતની પહેલી મહિલા રેસર બનવું છે જે રેસિંગ ટ્રેક પર ઇતિહાસ બનાવે.’ મીરાનું નેક્સ્ટ સ્ટોપ કોલ્હાપુર હતું જ્યાં તેણે 36 દિવસ સુધી કાર રેસિંગની ટ્રેનિંગ લીધી અને ત્યારબાદ વર્ષ 2010માં હૈદરાબાદ ખાતે પહેલીવાર પ્રોફેશનલ રેસિંગમાં ભાગ લીધો હતો.
ભયાનક એક્સિડેન્ટ્સ
રેસિંગ હંમેશા તેની એક કિંમત સાથે લઈને આવે છે અને મીરાએ પણ આવી કિંમત ચૂકવી છે. વિશાખાપટ્ટનમ ખાતે રેસિંગના અંતિમ તબક્કામાં તે એક ભયાનક એક્સિડેન્ટમાંથી પસાર થઈ હતી. આ એક્સિડેન્ટને યાદ કરતા મીરા કહે છે કે, ‘રેસિંગના અંતિમ તબક્કામાં એક રેસરે મારી કારને પુશ કરી હતી અને તે ટ્રેકની દિવાલ પર જઈ અથડાઈ હતી. મારા ખંભા પર ઇજા થઈ હતી અને એન્જિનને પણ નુકસાન થયું હતું. આ એક્સિડેન્ટના કારણે હું ખૂબ હચમચી ગઈ હતી. આવું બીજીવાર પણ બન્યું હતું જ્યારે એક બીજા ડ્રાઇવરે મારી કારને ટક્કર મારી મને રેસિંગ ટ્રેક પરથી દૂર ધકેલી દીધી હતી.’
દરેક વસ્તુ આવે છે એક પ્રાઇસ સાથે
આવી જ કેટલીક એક્સિડેન્સિયલ સ્ટોરીને યાદ કરતા મીરા આગળ જણાવે છે કે, ‘LGB ફોર્મ્યુલા 4 રેસિંગમાં મારી કારને ધીમી પાડી રહી હતી ત્યારે ફર્સ્ટ કોર્નર પર મે કારને બ્રેક મારી અને પાછળથી આવતી કાર મારી સાથે અથડાઈ હતી. આ ટક્કર એટલી જોરદાર હતી કે મારી કાર ગોથા ખાઈ ટ્રેકની પેલી તરફ જઈ પડી હતી. આ એક ખરેખર ભયાનક એક્સિડેન્ટ હતું.’
સેક્સિઝમ ઓન ટ્રેક
રેસિંગ ઇન્ડસ્ટ્રીમાં રહેલા જાતીય ભેદભાવ અંગે મીરા ખૂબ ખુલીને બોલે છે. તે કહે છે કે, ‘મારી સાથે ભેદભાવની શરૂઆત તો ટ્રેનિંગથી જ શરૂ થઈ ગઈ હતી. મારા પહેલા કોચે જ મને કહ્યું હતું કે હું એક ગર્લ છું એટલે થોડા સમયમાં જ રેસિંગ છોડી દઈશ.’
ટેલેન્ટને આપે છે બધા જ ‘માન’
શરૂઆતમાં કેટલાક ટ્રેક પર પણ તેની સાથે ભેદભાવ રાખવામાં આવતો હતો. કેટલાક પુરૂષ ડ્રાઇવર શરૂઆતમાં તો તેની કારને ધક્કો મારીને ટ્રેક પરથી નીચે ઉતારી દેતા હતા પરંતુ ધીમે ધીમે મીરા રેસ જીતવા લાગી અને પોડીયમ પર સ્થાન બનાવવા લાગી તેમ પુરૂષ રેસરોએ પણ તેની ટેલેન્ટનો સ્વિકાર કર્યો હતો.’ મીરા કહે છે કે ‘આજે હું રેસિંગ ફેમિલિનો ભાગ બની ગઈ છું. ટ્રેક પર અમે કોમ્પિટિટર અને ટ્રેક બહાર સારા મિત્રો છીએ.’
રેસર પણ એથલેટ્સ જ છે
રેસર એથલેટ્સ નથી તેવું લોકો કહેતા હોય છે જેનો વિરોધ કરતા મીરા કહે છે કે ‘આ સદંતર ખોટી વાત છે. આ લોકો ખબર જ નથી કે જ્યારે તમે ફૂલ સ્પીડમાં ટર્ન લ્યો છો ત્યારે રેસિંગ કાર કેટલો G-ફોર્સ અનુભવે છે. રેસના અંતિમ છોર સુધી પહોંચતા સુધીમાં રેસર કારની અંદર અતિશય વધુ ગ્રેવિટેશનલ ફોર્સ અનુભવતો હોય છે. ફિટનેસ અમારા માટે પણ ખૂબ પ્રાઇમ ફેક્ટર છે.’
ગો-કાર્ટિંગનું મહત્વ
આપણને બધાને જ રેસ ગમે છે. પરંતુ બહુ ઓછા છે જેમને એ ખબર હોય છે કે ગો કાર્ટિંગ રેસિંગ માટેનું પહેલું સ્ટેપ છે. મીરા કહે છે કે, ‘ફોર્મ્યુલા 1 રેસિંગમાં જાણીતા નામ એર્ટન સીના, માઇકલ શુમેકર, સબેસ્ટિઅન વેટલ, લુઇસ હેમિલ્ટન આ બધા એ ખૂબ નાની ઉંમરે ગો-કાર્ટિંગથી જ શરૂઆત કરી હતી. કાર્ટ તમને નેચર ઓફ સ્પીડિંગ, કઈ રીતે ટર્ન લેવા, કઈ રીતે બ્રેક મારવી, કઈ રીતે રેસિંગ લાઇનને ફોલો કરવી આ બધી જ વસ્તુ તમે ગો કાર્ટિંગ સાથે જ શીખી શકો છો.’(તસવીર સૌજન્યઃ MiraErdaOfficial/facebook)
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.