ઘોર કળિયુગ! રાખડી બંધાવ્યા બાદ ભાઈઓએ મળીને બહેનની ઘાતકી હત્યા કરી

અમદાવાદઃ શહેરમાં 4 ઓગસ્ટે રામોલમાં એક મહિલાની કરાયેલી કરપીણ હત્યા મામલે ક્રાઈમબ્રાન્ચે રવિવારે તેના જ બે ભાઈઓની અટકાયત કરી છે. સૌકી ઉર્ફે મીરા રામસ્વરૂપ સાધુ નામની મહિલાની 4 ઓગસ્ટે રામોલની સરીતા રેસિડેન્સીમાં તેના જ બે ભાઈઓ સજિજુલ શેખ અને રોજૌલી શેખે ઘાતકી હત્યા કરી હતી.

ક્રાઈમ બ્રાન્ચના સીનિયર સુપ્રીટેન્ડન્ટ ઓફ પોલીસ દીપન ભદ્રને કહ્યું કે, બંને ભાઈએ રક્ષાબંધન પહેલા જ બહેનના ઘરે જઈને તેની હત્યા કરવાનો પ્લાન બનાવ્યો હતો. ભદ્રને આગળ કહ્યું, તેમણે રાખડી બંધાવી, બહેનના હાથની બનેલી ચા પીધી અને બાદમાં તેને છરાના ઘા મારીને હત્યા કરી દીધી. આ બાદ તેમણે કબાટ તોડીને તેમાં રાખેલા સોના-ચાંદીનાના રૂપિયા 6 લાખના દાગીનાની લૂંટ કરી.

SOPએ વધુમાં કહ્યું, બંને આરોપીઓ 2 ઓગસ્ટે મળ્યા અને તેમણે મોટી બહેનની હત્યા કરવાનો પ્લાન બનાવ્યો હતો. બંને ભાઈઓ માનતા હતા કે બહેન સૌકીના કારણે સજિજુલની પત્નીએ તેને ડિવોર્સ આપી દીધા અને હવે તેને અન્ય કોઈ છોકરી નહીં મળે. સૌકીએ બે વખત આંતરધર્મીય લગ્નો કર્યા હતા. ઘરના કબાટમાં દાગીના હોવાની જાણ થતા બંનેએ બહેનની હત્યા કરીને દાગીનાની લૂંટ કરવાનું ષડયંત્ર બનાવ્યું.

ક્રાઈમ બ્રાન્ચના ACP બી.વી ગોહિલે કહ્યું કે, બંને ભાઈઓ કોલકાતાથી પોતાની મોટી બહેન સૌકીને અમદાવાદ લાવ્યા હતા. અને તેના કારણે બંનેના ઘરમાં સતત ઝઘડા થઈ રહ્યા હતા.

સુરત: બાઈકચાલકને હેરાન કરી રહેલા ટ્રાફિક બ્રિગેડકર્મીનો વિડીયો વાયરલ, બંને જવાનો સસ્પેન્ડ