કળિયુગની શ્રવણ બની દીકરીઓ, જોધપુરથી અ'વાદ લાવીને માતાને પીડામુક્ત કરી

જ્યારે મીનાબેન સિવિલ પહોચ્યા ત્યારે ગાયનેક વિભાગના તબીબોએ તેમના રિપોર્ટસ કરાવ્યા હતા. જેમાં યુટ્રસમાં ઓપરેશન કરવા જેવી કોઈપણ જાતની આવશ્યકતા લાગતી ન હતી. જેથી તેઓએ મીનાબહેનને 15 દિવસની દવા લખી આપી હતી. તેની સાથે તેમને ગળાના ભાગમાં પણ તકલીફ ધ્યાને આવી. તેમના કફમાં લોહી નીકળતું હતું. જેના માટે સિવિલ હોસ્પિટલના ઈ. એન. ટી. વિભાગ દ્વારા 15 દિવસની દવા લખી આપવામાં આવી. જોધપુરની હોસ્પિટલે તો ઓપરેશન કરવાનું કહ્યું હતું પરંતુ અમદાવાદની સિવિલ હોસ્પિટલમાં મહિલા દવાથી જ સાજા થઈ ગયા હતા.

મીનાબેને જણાવ્યું કે, 'અમદાવાદ સિવિલ હોસ્પિટલના વિવિધ તબીબોએ મળીને ઓપરેશન વગર ફકત દવાથી મારી શ્રેષ્ઠ સારવાર કરી મને વિવિધ પીડાઓમાંથી મુક્તિ આપી છે.' સિવિલ હોસ્પિટલના સુપરિટેન્ડન્ટ સિવિલ હોસ્પિટલ એશિયાની સૌથી મોટી હોસ્પિટલ હોવાની સાથે-સાથે એક્સપર્ટ ડૉક્ટર્સની ટીમ પણ ધરાવે છે. સિવિલ હોસ્પિટલના એક્સપર્ટ ડૉક્ટર્સ દ્વારા વર્લ્ડમાં ન થતાં હોય તેવા ઓપરેશન કરવામાં આવે છે. અહિંયા આવનાર દરેક દર્દીને એક્સપર્ટ ટીમ દ્વારા સારવાર આપવામાં આવે છે.

જોધપુરમાં સંબંધીએ અમદાવાદ સિવિલમાં બતાવવાનું કહેતા બંને દીકરીઓ માતાને લઈને સિવિલ હોસ્પિટલ ખાતે પહોંચ્યા હતા. દર્દીની દીકરીના જણાવ્યા મુજબ જોધુપરની વિવિધ હોસ્પિટલમાં 3થી 4 વર્ષ ફર્યા હતા પરંતુ ઓપરેશનનું જ કહેતા હતા. ઓપરેશન કરાવવા નહોતા માંગતા એટલે સલાહ લેવા માટે સિવિલ આવ્યા હતા. અહીનાં ગાયનેક વિભાગના ડૉક્ટરે જણાવ્યું કે, યુટ્રુસની કોઈ સમસ્યા નથી અને ઓપરેશનની જરૂર નથી અને તેમને 15 દિવસની દવા લખી આપી હતી અને તેમને રાહત મળી રહી છે.