નિયતિ રાણા, અમદાવાદઃ ક્યારેય એવું વિચાર્યું છે કે કોઈ પી.એચડી કરનાર કે પછી એન્જિનિયરનું ભણતા પોતાનો સમય બચાવીને ફૂડ કાફેમાં જઈ કામ કરે? જો તમે ગાંધીનગર IITમાં આવેલ સાબરમતિ કાફેમાં જશો તો જોઈને આશ્ચર્યમાં પડી જશો કે આ કાફે કેમ્પસમાં વિદ્યાર્થીઓ દ્વારા અને વિદ્યાર્થીઓ માટે ચાલે છે. અહીં બધા વિદ્યાર્થીઓ પોતપોતાના બિઝી શેડ્યુલમાંથી સમય બચાવીને રાંધે છે, પીરસે છે, ડિશ ક્લીન કરે છે, ખરીદી કરે છે અને કાફેના એકાઉન્ટનું પણ ધ્યાન રાખે છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
વિદ્યાર્થીઓ દ્વારા અને વિદ્યાર્થીઓ માટે ચાલતું કાફે
સામાન્ય રીતે IIT જેવા ઉચ્ચ શૈક્ષણિક સંસ્થાનમાં ભણતા વિદ્યાર્થીઓ માટે લોકોના મનમાં પુસ્તકિયા કીડા હોવાનો અભિપ્રાય હોય છે. જોકે અહીંનું દ્રશ્ય બિલકુલ અલગ છે. આ કાફેનો આઈડિયા કર્ણાટકથી અહીં ભણવા આવેલ ભારતેષ રાયપ્પા(27)નો છે. જેણે કોંગ્નિટિવ સાયન્સમાં માસ્ટર ડીગ્રીનો અભ્યાસ કર્યો છે. આ કાફેમાં કોઈ પરમેનન્ટ એમ્પ્લોયી નથી. કાફેમાં કામ કરવા માગતા વિદ્યાર્થીને આમંત્રણ પાઠવતો ઈ-મેઇલ નિયમિત રુપે મોકલી દેવામાં આવે છે. દૈનિક 5 કલાક માટે આ કાફે ખુલ્લું રહે છે. જોકે તેનો આધાર ક્લાસિસના શેડ્યુલ પર રહે છે. હાલ અહીં કામ કરતા સ્ટાફને એક ન્યુયતમ રકમ ચૂકવવામાં આવે છે. જોકે દરેક લોકોને પ્રતિ કલાકના 120 રુપિયા ચુકવવા માટેનો વિચાર કરવામાં આવી રહ્યો છે.
ફોરેન વિદ્યાર્થીઓ પણ કામ કરવા આતુર
કેમ્પસમાં ભણતર દમિયાન કમાવવાની આ તક ભારતીય જ નહીં ફોરેન વિદ્યાર્થીઓને પણ આકર્ષી રહી છે. એવા ઇન્ટર્ન્સ અને રીસર્ચ સ્કોલર જેમને સ્ટાઇપેન્ડ નથી મળતું તેઓ એક દિવસમાં રુ.1400 જેટલા કમાઈ શકે છે. કાફે માટે ફૂડ વિદ્યાર્થીઓ બનાવે છે કે પછી કોઈ સ્ટાફ પાસેથી ખરીદવામાં આવે છે. તેમજ જે વિદ્યાર્થીઓ નાસ્તો બનાવાને કાફેમાં વેચવા માગે તેમને પણ મંજૂરી આપવામાં આવી છે.
આ રીતે વિદ્યાર્થીઓને મળી રહે છે ટાઇમ
IITના આ કાફેમાં 1200 જેટલા વિદ્યાર્થીઓ અભ્યાસ કરે છે. ત્યારે હોસ્ટેલ અને સ્ટાફ ક્વાર્ટર્સમાં મેસ તેમજ ઇટરીઝ છે પરંતુ એકેડમિક બ્લોકમાં માત્ર આ એક જ કાફે છે. ત્યારે રોજ કઈ રીતે કાફેમાં કામ કરવા માટે વિદ્યાર્થીઓની ગોઠવણ કરવામાં આવે છે તેના પર જવાબ આપતા પહેલા વર્ષના વિદ્યાર્થી કાર્તિક હિલાલ કે જે વિદ્યાર્થી અને કાફેના એડિમિનિસ્ટ્રેશન વચ્ચે ઇન્ટરમિડિએટ જેવું કામ કરે છે. તેણે કહ્યું કે પહેલા વર્ષમાં વિદ્યાર્થીઓના ચાર ગ્રુપ છે. દરરોજ કોઈ એક ગ્રુપના ક્લાસ નથી હોતા. જેના કારણે તેઓ કાફેમાં કામ કરવા માટે ફ્રી હોય છે.
વિદ્યાર્થીઓની પહેલી પસંદ છે આ કાફે
કાફમાં કામ કરતા વિદ્યાર્થીઓ જ ખુશ છે તેટલું નહીં પરંતુ અહીં આવતા ગ્રાહક વિદ્યાર્થીઓ પણ ખૂબ ખુશ છે. રિસર્ચ સ્કોલર અબિરામસુંદરી કે જેઓ નિયમિતરુપે કાફેની ગ્રાહક છે તેમણે કહ્યું કે, ‘મને અહીં ખૂબ ગમે છે. વિદ્યાર્થીઓ દ્વારા આટલા ટાઇટ એકેડમિક શેડ્યુલમાં પણ જે રીતે કાફેનું સંચાનલ થાય છે તે કાબિલ-એ-તારિફ છે. બીજા કાફેની જેમ નહીં અહીં તો લગભગ તમામ ફૂડ આઈટમ ફ્રેશ અને ઓર્ડર મુજબ જ બને છે પછી તે ચા હોય કે નાસ્તો. એટલે અહીં નાસ્તોપાણી કરવા ગમે છે. મને અહીંની ચા અને વડા ખૂબ ભાવે છે.’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.