એપશહેર

અમદાવાદ: સોમવારથી ભક્તો માટે ખુલશે કેમ્પ હનુમાન મંદિર, જાણો દર્શનનો સમય

હનુમાન દાદાના ભક્તો માટે આવ્યા રાહતના સમાચાર, કોરોનાની ગાઈડલાઈન મુજબ મંદિરમાં પ્રવેશ અપાશે, ભક્તો શ્રીફળ કે કોઈ વસ્તુ લઈ શકશે નહીં.

I am Gujarat 18 Nov 2020, 8:11 am
અમદાવાદ: કોરોના લોકડાઉનથી બંધ રહેલું અમદાવાદ સ્થિત સુપ્રસિદ્ધ કેમ્પ હનુમાન મંદિર આગામી સોમવારથી ફરીથી ભક્તો માટે ખુલ્લુ મુકવામાં આવશે. મીડિયા રિપોર્ટ મુજબ મંદિરમાં સવારે 9થી સાંજના 4 વાગ્યા દરમિયાન હનુમાન દાદાના દર્શનનો લાભ લઈ શકાશે. એટલું જ નહીં, કોરોનાની સંપૂર્ણ ગાઈડલાઈન સાથે જ ભક્તોને મંદિરમાં પ્રવેશ આપવામાં આવશે. મળતી માહિતી પ્રમાણે માત્ર મોબાઈલ અને આઈ કાર્ડ લઈ જવાશે જ્યારે મંદિરમાં શ્રીફળ કે કોઈ વસ્તુ લઈ જઈ શકાશે નહીં.
I am Gujarat 7
ફાઈલ તસવીર


એક સમયે 200ને પ્રવેશ અપાય તેવી શક્યતા
આગામી સોમવારથી કેમ્પ હનુમાન મંદિરમાં ભક્તોને દર્શનનો લાભ લઈ શકશે.સવારે 9થી સાંજના 4 વાગ્યા સુધી ભક્તો કોરોનાની ગાઈડલાઈન પ્રમાણે દાદાના દર્શન કરી શકશે. મીડિયા રિપોર્ટ મુજબ હનુમાન મંદિર કેમ્પસમાં એક જ સમયે માત્ર 200 લોકોને પ્રવેશ આપવામાં આવે તેવી શક્યતા છે.

કોરોનાની ગાઈડલાઈન પ્રમાણે અપાશે પ્રવેશ
મીડિયા રિપોર્ટ મુજબ કેમ્પ હનુમાન મંદિરમાં ભક્તોના દર્શન માટે મંદિર ટ્રસ્ટ તરફથી કોરોનાના ગાઈડલાઈન્સના પાલન માટેની પૂરતી તૈયારીઓ કરી દેવામાં આવી છે. સોશિયલ ડિસ્ટન્સ જળવાય તેના સર્કલ પણ બનાવવામાં આવ્યા છે. આ ઉપરાંત થર્મલ ગનથી ચેકિંગ અને સેનિટાઈઝ વગેરેની સુવિધા પણ ઉભી કરવામાં આવી છે. કોરોનાની ગાઈડલાઈન્સ મુજબ ભક્તો માત્ર દર્શન જ કરી શકશે, પહેલાની જેમ મંદિરમાં બેસી પાઠ કરી શકશે નહીં.

કેમ્પ હનુમાન મંદિરને સાબરમતી રિવરફ્રન્ટ ફેઝ-2 ખાતે ખસેડાશે!
અમદાવાદના શાહીબાગ વિસ્તારમાં આવેલું સુપ્રસિદ્ધ કેમ્પ હનુમાન મંદિર કેન્ટોન્મેન્ટ વિસ્તારમાં આવતા ભક્તો માર્ચ મહિનાથી અત્યાર સુધીમાં એકપણ વખત દાદાના દર્શન કરી શક્યા નથી. બીજીતરફ ભક્તો દ્વારા પણ મંદિરને ખોલવા બાબતે અનેકવાર રજૂઆતો કરવામાં આવી હતી. જો કે, આર્મીના અધિકારીઓ અને ટ્રસ્ટી મંડળ વચ્ચે મીટિંગ બાદ મંદિર ફરીથી સોમવારથી ખુલવા જઈ રહ્યું છે. પરંતુ આ વર્ષો જૂના કેમ્પ હનુમાન મંદિરને રિવરફ્રન્ટ ફેઝ-ટુમાં ખસેડવા અંતે ગંભીર વિચારણા ચાલી રહી હોવાનું જાણવા મળ્યું છે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો