એપશહેર

અમદાવાદમાં ચોમાસાની સારી શરૂઆત, અત્યાર સુધીમાં સીઝનનો 35% વરસાદ નોંધાયો

શિવાની જોષી | TNN 10 Jul 2020, 9:53 am

અમદાવાદ: શહેરમાં ગુરુવારે બપોરે બે કલાક માટે ધમધોકાર વરસાદ પડ્યો. ગુરુવારે શહેરમાં 12.4 mm વરસાદ (સવારે 6થી રાતના 9 વાગ્યા સુધીમાં) નોંધાયો હતો. આ સાથે જ શહેરમાં સીઝનનો 285.33 mm અથવા 35% વરસાદ નોંધાયો. સીઝનમાં અહીં સરેરાશ વાર્ષિક 798 mm વરસાદ પડતો હોય છે. 2015થી અત્યાર સુધીમાં આ વર્ષે અમદાવાદમાં ચોમાસાની સૌથી સારી શરૂઆત થઈ છે. છેલ્લા પાંચ વર્ષની વાત કરીએ તો, 9 જુલાઈ સુધીમાં સૌથી સારો વરસાદ 2017માં નોંધાયો હતો. એ વખતે 183mm વરસાદ નોંધાયો હતો.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

હવામાન વિભાગના અધિકારીઓના મતે, આ વખતનો વરસાદ ભૂતકાળની જેમ ખૂબ ભારે નહોતો પરંતુ મધ્યમ અને મોટાભાગના વિસ્તારોમાં પડ્યો હતો. ગુરુવારે આશ્રમ રોડ પર RBIના જૂના બિલ્ડિંગ નજીક વિશાળ વૃક્ષ પડી જતાં રસ્તો બ્લોક થયો હતો. કાર, રિક્ષા અને પેડલ રિક્ષા એમ કુલ ત્રણ વાહનો આ વૃક્ષ નીચે દબાયા હતા. AMCના કંટ્રોલ રૂમ પ્રમાણે, આ ઘટનામાં કોઈ જાનહાનિ થઈ નથી. ટ્રાફિક જામની સ્થિતિ ના સર્જાય તે માટે ટ્રાફિક રિવરફ્રંટ રોડ તરફ ડાયવર્ટ કરાયો હતો.

તસવીર- યોગેશ ચાવડા

ગુરુવારે અમદાવાદમાં કુલ 6 ઝાડ પડી ગયા. જેમાંથી બે-બે સેન્ટ્રલ અને વેસ્ટ ઝોનમાં પડ્યા જ્યારે એક-એક નોર્થ વેસ્ટ અને નોર્થ ઝોનમાં પડ્યું હતું. AMCના કંટ્રોલ રૂમે આપેલી માહિતી પ્રમાણે, ફાયર વિભાગની ટીમ ઝાડ હટાવવા માટે મોડી રાત સુધી કાર્યરત હતી. AMCના કંટ્રોલ રૂમને નોર્થ ઝોનમાંથી પાણી ભરાઈ જવાની પણ 6 ફરિયાદ મળી હતી. શહેરના ઉત્તર ઝોનમાં રાત્રે ભારે વરસાદ પડ્યો હતો.

ગોતા, મેમકો, મણિનગર, દાણાપીઠ, ઉસ્માનપુરામાં રાત્રે વરસાદ પડ્યો હતો. નર્મદા કેનાલમાંથી સાબરમતીમાં 592 ક્યૂસેક પાણી છોડાયું હતું. જેથી સાબરમતી નદીનું જળસ્તર જાળવી રાખવા 7,790 ક્યૂસેક પાણી ફતેહવાડી કેનાલમાં છોડવામાં આવ્યું હતું. હવામાન વિભાગે શહેરમાં ગાજવીજ સાથે હળવાથી મધ્યમ વરસાદની આગાહી કરી છે. ગુરુવારે શહેરનું મહત્તમ તાપમાન 34.4 ડિગ્રી જ્યારે લઘુત્તમ તાપમાન 26.2 ડિગ્રી સેલ્સિઅસ નોંધાયું હતું, જે સામાન્ય કરતાં 0.1 ડિગ્રી નીચું હતું.

જુનાગઢઃ વરસાદી માહોલ વચ્ચે જંગલનો રાજા ‘સિંહ’ લટાર મારવા નીકળ્યો

લેખક વિશે
શિવાની જોષી
શિવાની જોષી છેલ્લા સાત વર્ષથી વધુ સમય કરતાં પત્રકારત્વના ક્ષેત્રમાં છે. કારકિર્દીની શરૂઆતથી જ તેઓ ન્યૂઝ એડિટિંગના કામનો અનુભવ ધરાવે છે. તેમણે ગુજરાત યુનિવર્સિટી સંલગ્ન કોલેજમાંથી ગ્રેજ્યુએશન (બીકોમ) કર્યું છે. ત્યારબાદ ગુજરાત યુનિવર્સિટીના જ માસ કમ્યુનિકેશન, જર્નાલિઝમ એન્ડ પબ્લિક રિલેશન ડિપાર્ટમેન્ટમાંથી પોસ્ટ ગ્રેજ્યુએશનની ડિગ્રી મેળવી અને પત્રકારત્વના ક્ષેત્રે જોડાયા. તેઓ વીટીવી ન્યૂઝ, એબીપી અસ્મિતા જેવી ન્યૂઝ ચેનલ સાથે કામ કરી ચૂક્યા છે.... વધુ વાંચો

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો