અમદાવાદમાં 152 નવા કેસ નોંધાયા
અમદાવાદમાં એક સમયે કેસની સંખ્યા 140ની નીચે પહોંચી ગઈ હતી પરંતુ છેલ્લા ઘણા દિવસોથી કેસની સંખ્યા 150થી ઉપર નોંધાઈ રહી છે. દૈનિક કેસ 150થી વધુ નોંધાઈ રહ્યા છે. છેલ્લા 24 કલાકમાં અમદાવાદમાં કોરોનાના 152 નવા કેસ સામે આવ્યા છે જ્યારે 180 દર્દીઓ સાજા થયા છે. અમદાવાદ જિલ્લામાં પણ કેસની સંખ્યામાં કોઈ જ ઘટાડો નોંધાઈ રહ્યો નથી. અમદાવાદ જિલ્લામાં 21 નવા કેસ નોંધાયા છે અને 23 દર્દીઓ ડિસ્ચાર્જ થયા છે. અમદાવાદ શહેરમાં કોરોનાના કારણે ત્રણ લોકોના મૃત્યુ થયા છે.
સુરતમાં 232 દર્દીઓ સાજા થયા, જિલ્લામાં 100થી વધુ કેસ
સુરત શહેરમાં કોરોનાના કેસ ઘટી રહ્યા નથી તેનાથી તંત્રની ઊંઘ ઉડેલી છે તેવામાં સુરત જિલ્લામાં પણ કેસ વધી રહ્યા છે. સુરત જિલ્લામાં દૈનિક કેસ 100થી ઉપર આવે છે. છેલ્લા 24 કલાકમાં સુરતમાં 176 નવા કેસ નોંધાયા છે. જોકે, તેની સામે ડિસ્ચાર્જ થયેલા દર્દીઓની સંખ્યા વધારે છે. સુરતમાં 232 દર્દીઓ સાજા થયા છે. સુરત જિલ્લામાં 110 નવા કેસ નોંધાયા છે અને 20 દર્દીઓ ડિસ્ચાર્જ થયા છે. કોરોનાના કારણે સુરત જિલ્લામાં ત્રણ અને શહેરમાં એક વ્યક્તિનું મૃત્યુ થયું છે.
જામનગરમાં કોરોનાના 104 નવા કેસ નોંધાયા
જામનગરમાં પણ કોરોનાના કેસ સતત વધી રહ્યા છે. જામનગરમાં પણ દૈનિક કેસની સંખ્યા 100ની ઉપર નોંધાઈ રહી છે. જામનગરમાં છેલ્લા 24 કલાકમાં કોરોનાના 104 નવા કેસ આવ્યા છે અને 101 દર્દીઓ ડિસ્ચાર્જ થયા છે. જામનગર જિલ્લામાં 25 કેસ નોંધાયા છ અને 15 દર્દીઓ સાજા થયા છે. રાજકોટ શહેરમાં પણ દૈનિક કેસની સંખ્યા 100ની નજીક પહોંચી ગઈ છે. રાજકોટ શહેરમાં 98 નવા કેસ નોંધાયા છે અને 156 દર્દીઓ ડિસ્ચાર્જ થયા છે. જ્યારે રાજકોટ જિલ્લામાં 46 કેસ નોંધાયા છે અને 54 દર્દીઓ સાજા થયા છે. રાજકોટ શહેરમાં કોરોનાના કારણે ત્રણ અને જિલ્લામાં એક વ્યક્તિએ જીવ ગુમાવ્યો છે.
વડોદરામાં 94 નવા કેસ નોંધાયા
વડોદરા શહેરમાં પણ પરિસ્થિતિમાં કોઈ ફેરફાર જોવા મળ્યો નથી. છેલ્લા 24 કલાકમાં વડોદરામાં કોરોનાના 94 નવા કેસ નોંધાયા છે અને 107 દર્દીઓ સાજા થયા છે. વડોદરા જિલ્લામાં 41 કેસ નોંધાયા છે પરંતુ એક પણ દર્દી ડિસ્ચાર્જ થયો નથી. વડોદરા શહેરમાં કોરોનાથી બે અને જિલ્લામાં એક વ્યક્તિનું મૃત્યુ થયું છે.