એપશહેર

ખેડૂતોને પાક નુકસાનમાં મદદ માટે ભાજપ દિલ્હી મોડેલનો અમલ કરે

I am Gujarat 28 Jul 2016, 12:20 am
નવગુજરાત સમય > અમદાવાદ
I am Gujarat delhi model should be impelented to help farmers
ખેડૂતોને પાક નુકસાનમાં મદદ માટે ભાજપ દિલ્હી મોડેલનો અમલ કરે


ગુજરાતમાં ખેડૂતોના પાકને અવારનવાર ભારે નુકસાન થતું હોય છે છતાં મોટાભાગના કિસ્સાઓમાં વળતર ચૂકવાતું નથી અથવા અપૂરતું ચૂકવાતું હોવાથી ખેડૂતોને આત્મહત્યા કરવી પડે તેવી સ્થિતિ ઊભી થતી હોય છે તેવો દાવો કરતા આમ આદમી પાર્ટી દ્વારા જણાવાયું છે કે, ગુજરાત સરકારે આ માટે દિલ્હીની આમ આદમી પાર્ટીનું મોડેલ સ્વીકારવાની જરૂર છે. જેમાં તાજેતરમાં હેકટર દીઠ ૫૦ હજાર રૂપિયાનું વળતર ખેડૂતોને આપવામાં આવ્યું હતું તે ગુજરાતમાં દાખલ કરવું જોઇએ.

છેલ્લા ૨૦ દિવસમાં અમરેલીમાં જ બે ખેડૂતોએ ખેતીમાં નુકસાન જશે તેવા ભયથી આત્મહત્યા કરી હોવાનું આપના નેતા ડો. કનુભાઇ કલસરિયાએ જણાવ્યું છે. સાવરકુંડલાના અંબરડી ગામે ગોવર્ધનભાઇ સાવલિયા નામના ખેડૂતે ઝેરી દવા ખાઇને આત્મહત્યા કરી હતી તેમના પરિવારની તેમણે મુલાકાત લીધી હતી. તે પછી રાજયના ખેડૂતોમાં જેમનો પાક નિષ્ફળ જાય તેમને કોઇ મદદ કરાતી નહીં હોવાનું જણાવતા કહ્યું હતું કે, કમોસમી વરસાદથી ગત વર્ષે નુકસાન થયું હતું અને આ વખતે વરસાદ ખેંચાતા ફરીથી નુકસાન જશે તેવી ચિંતામાં ખેડૂતે આત્મહત્યા કરી હતી.

જેમની મુલાકાત લેવાની ગતિશીલ સરકારના પ્રતિનિધિ કે ભાજપના કોઇ નેતાને ફુરસદ મળી નથી. દિલ્હી રાજયમાં ગત વર્ષે આવી સ્થિતિ જયાં સર્જાઇ ત્યાં ખેડૂતોને સારૂ વળતર ચૂકવવામાં આવ્યું હતું. જો કે ભાજપ સરકારની ઊંઘ હજુ ઊડી નથી. તેમણે વધુમાં જણાવ્યું હતું કે, દલિતો, વેપારીઓ, પાટીદારો અને સામાન્ય નાગરિક સહિત તમામ વર્ગ હવે ભાજપથી કંટાળી ગયો છે ત્યારે ભાજપે વિરોધીઓને પરેશાન કરવાના બદલે નાગરિકો માટે કામ શરૂ કરવાની જરૂર છે.

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો