અમદાવાદઃ શહેરમાં ફૂડ ડિલીવર કરવાના વ્યવસાયમાં અનેક યંગસ્ટર્સ કામ કરી રહ્યા છે. ડિલીવરી બોય્ઝ ઓર્ડર કરનારાઓને ઘરે જઈને તેમની મનપસંદનું ફૂડ પહોંચાડતા હોય છે. ત્યારે આવા ફૂડ ડિલીવરી બોય સાથે મારઝૂડ થવાના કેસમાં વધારો થઈ રહ્યો છે. આવો જ એક કિસ્સો અમદાવાદના થલતેજ વિસ્તારમાંથી સામે આવ્યો છે. અહીં આવેલી એક સોસાયટીમાં ફૂડ ડિલીવર કરલા પહોંચેલા બોયને સિક્યુરિટી ગાર્ડે પટ્ટેને પટ્ટે માર માર્યો હતો. સોસાયટીમાં પાર્કિંગ કરવાના સમાન્ય મુદ્દે સિક્યુરિટી ગાર્ડે ડિલીવરી બોયને ઝૂડી નાખ્યો હતો. જે બાદ આખો મામલો પોલીસ સ્ટેશનમાં પહોંચ્યો હતો. પોલીસે આ મામલે આગળની કાર્યવાહી હાથ ધરી છે.
બોડકદેવ વિસ્તારમાં રહેતો 21 વર્ષીય નિલેષ સેનમા થલતેજમાં પિઝા ડિલીવરીનું કામ કરે છે. નિલેષે પોલીસને જણાવ્યા મુજબ, તે થલતેજમાં છેલ્લાં દોઢ વર્ષથી પિઝા ડિલીવરીનું કામ કરે છે. સોમવારે બપોરે તેને થલતેજમાં આવેલી એક સોસાયટીમાં પિઝા ડિલીવર કરવા માટે કહેવામાં આવ્યું હતું. ઓર્ડર મળતા બાદ તે થલેજમાં આવેલી સોસાયટીએ પહોંચ્યો હતો. સોસાયટીમાં આવેલી સિક્યુરિટી ગાર્ડની કેબિન પાસે તેણે પોતાનું બાઈક પાર્ક કર્યુ હતુ અને પિઝા ડિલીવર કરવા માટે ગયો હતો.
સિક્યુરિટી ગાર્ડ પાર્કિંગ મુદ્દે ઉશ્કેરાયો
ગ્રાહકને પિઝા ડિલીવર કરીને તે તરત પરત ફર્યો હતો. એ સમયે તેણે પાર્ક કરેલા તેના બાઈકની સામે કોઈએ પોતાનું વાહન પાર્ક કરી દીધુ હતુ. જેથી બાઈક કાઢવું મુશ્કેલ હતું. એટલે તેણે સિક્યુરિટી ગાર્ડને આ વાહન હટાવવા માટે વિનંતી કરી હતી. ત્યારે એક સિક્યુરિટી ગાર્ડ ઉશ્કેરાઈ ગયો હતો. બાદમાં તણે તેની પાસેના પટ્ટાથી તેને માર માર્યો હતો. જેના કારણે ડિલીવરી બોયને માથાના ભાગે ઈજા પહોંચી હતી અને લોહી નીકળ્યુ હતુ.
માર મારતા ડિલીવરી બોય ઈજાગ્રસ્ત
લોહી નીકળતા તેણે 108 એમ્બ્યુલન્સને ફોન કરીને ઘટના સ્થળે બોલાવી હતી. બાદમાં પ્રાથમિક સારવાર આપ્યા બાદ નિલેષને સોલા સિવિલ હોસ્પિટલમાં સારવાર માટે ખસેડવામાં આવ્યો હતો. બાદમાં આ મામલે મેડિકો લીગલ કેસ દાખલ કરવામાં આવ્યો હતો. ત્યારે પોલીસે પણ આ મામલે આગળની કાર્યવાહી હાથ ધરી છે. મહત્વનું છે કે, આ પહેલો કેસ નથી કે કોઈ ફૂડ ડિલીવરી બોયને આ રીતે માર મારવામાં આવ્યો હોય. ભૂતકાળમાં પણ આવા અનેક કિસ્સાઓ સામે આવી ચૂક્યા છે.
Read Latest Ahmedabad news And Gujarati News
બોડકદેવ વિસ્તારમાં રહેતો 21 વર્ષીય નિલેષ સેનમા થલતેજમાં પિઝા ડિલીવરીનું કામ કરે છે. નિલેષે પોલીસને જણાવ્યા મુજબ, તે થલતેજમાં છેલ્લાં દોઢ વર્ષથી પિઝા ડિલીવરીનું કામ કરે છે. સોમવારે બપોરે તેને થલતેજમાં આવેલી એક સોસાયટીમાં પિઝા ડિલીવર કરવા માટે કહેવામાં આવ્યું હતું. ઓર્ડર મળતા બાદ તે થલેજમાં આવેલી સોસાયટીએ પહોંચ્યો હતો. સોસાયટીમાં આવેલી સિક્યુરિટી ગાર્ડની કેબિન પાસે તેણે પોતાનું બાઈક પાર્ક કર્યુ હતુ અને પિઝા ડિલીવર કરવા માટે ગયો હતો.
સિક્યુરિટી ગાર્ડ પાર્કિંગ મુદ્દે ઉશ્કેરાયો
ગ્રાહકને પિઝા ડિલીવર કરીને તે તરત પરત ફર્યો હતો. એ સમયે તેણે પાર્ક કરેલા તેના બાઈકની સામે કોઈએ પોતાનું વાહન પાર્ક કરી દીધુ હતુ. જેથી બાઈક કાઢવું મુશ્કેલ હતું. એટલે તેણે સિક્યુરિટી ગાર્ડને આ વાહન હટાવવા માટે વિનંતી કરી હતી. ત્યારે એક સિક્યુરિટી ગાર્ડ ઉશ્કેરાઈ ગયો હતો. બાદમાં તણે તેની પાસેના પટ્ટાથી તેને માર માર્યો હતો. જેના કારણે ડિલીવરી બોયને માથાના ભાગે ઈજા પહોંચી હતી અને લોહી નીકળ્યુ હતુ.
માર મારતા ડિલીવરી બોય ઈજાગ્રસ્ત
લોહી નીકળતા તેણે 108 એમ્બ્યુલન્સને ફોન કરીને ઘટના સ્થળે બોલાવી હતી. બાદમાં પ્રાથમિક સારવાર આપ્યા બાદ નિલેષને સોલા સિવિલ હોસ્પિટલમાં સારવાર માટે ખસેડવામાં આવ્યો હતો. બાદમાં આ મામલે મેડિકો લીગલ કેસ દાખલ કરવામાં આવ્યો હતો. ત્યારે પોલીસે પણ આ મામલે આગળની કાર્યવાહી હાથ ધરી છે. મહત્વનું છે કે, આ પહેલો કેસ નથી કે કોઈ ફૂડ ડિલીવરી બોયને આ રીતે માર મારવામાં આવ્યો હોય. ભૂતકાળમાં પણ આવા અનેક કિસ્સાઓ સામે આવી ચૂક્યા છે.
Read Latest Ahmedabad news And Gujarati News