અમદાવાદઃ સાબરમતીમાં છોડાયું પાણી, રિવરફ્રન્ટ બંધ કરાયો

I am Gujarat

ધરોઈ ડેમમાંથી પાણી છોડાયું

અમદાવાદઃ સતત પાંચ દિવસથી અમદાવાદમાં અવિરત વરસાદ વરસી રહ્યો છે. હાલ પણ અમદાવાદમાં વરસાદ ચાલું જ છે. ધરોઈ ડેમમાં ભરાઈ જતા 50 હજારથી 1 લાખ ક્યૂસેક પાણી છોડવામાં આવ્યું છે. આ પાણી સાબરમતી રિવરફ્રન્ટ પર મંગળવારે વહેલી સવારે 5 વાગે પહોંચશે. તકેદારીના પગલા રૂપે અમદાવાદ મ્યુનિસિપલ કોર્પોરેશન દ્વારા શહેરીજનોને અપીલ કરી છે કે જ્યાં સુધી જાણકારી આપવામાં ન આવે ત્યાં સુધી રિવરફ્રન્ટ ન જવા માટે સલાહ આપી છે.

વાસણા બેરેજના પણ દરવાજા ખોલાયા

સાબરમતી નદીમાં પાણીના પ્રવાહમાં વધારાને ધ્યાનમાં રાખીને વાસણા બેરેજના ચાર દરવાજા ખોલવામાં આવ્યા છે. હવામાન ખાતાની આગાહી મુજબ હજુ ત્રણ દિવસ સુધી ભારે વરસાદની આગાહી છે.

અમદાવાદની તમામ પ્રાથમિક શાળાઓમાં રજા

ભારે વરસાદને કારણે અમદાવાદ તેમજ ગાંધીનગરની તમામ પ્રાથમિક શાળાઓમાં રજા રાખવાની જાહેરાત કરી દેવામાં આવી છે. આ ઉપરાંત તમામ શિક્ષકોને શાળામાં હાજર રહી લોકોને મદદ માટે કહેવામાં આવ્યું છે.