બસ, હવે ટૂંક સમયમાં જ અમદાવાદમાં મળશે ભાડેથી ઈલેક્ટ્રિક સ્કૂટર

અમદાવાદઃ થોડાક જ સમયમાં અમે અમદાવાદના ટુરિસ્ટ સ્પોટ્સ, કોલેજ કેમ્પસ અને જુદી જુદી ટાઉનશિપમાં તમને એક ખાસ પ્રકારના સ્કૂટર રસ્તા પર દોડતા જોવા મળશે. આ ઈલેક્ટ્રિક સ્કૂટર હશે જે સિંગલ ચાર્જમાં 25-30 કિમીનું અંતર કાપશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ગુજરાત યુનિવર્સિટીના સ્ટાર્ટઅપ અને આંત્રપ્રેન્યોરશિપ કાઉન્સિલ દ્વારા પોષીત એક સ્ટાર્ટઅપ દ્વારા આ સ્કૂટર ડેવલોપ કરવામાં આવ્યું છે. આ સ્કૂટરને ભાડા પર આપવાની તૈયારી કરવામાં આવી રહી છે. સમગ્ર એશિયામાં ગુજરાત યુનિવર્સિટી પહેલી હશે જ્યાં કેમ્પસમાં આ પ્રકારની ટેક્નોલોજી સાથેના સ્કૂટર ભાડે મળશે. મંગળવારે લોન્ચ કરવામાં આવેલ આ સ્કૂટરને બનાવનાર સ્ટાર્ટઅપ કંપની હેલો સ્કેટ મોબિલિટીના ફાઉન્ડર ઋત્વિજ દસાડિયાએ કહ્યું કે, ‘આગામી રવિવારે સાબરમતી રિવરફ્રંટ પર ઉજવવામાં આવતા હેપ્પી સ્ટ્રીટ દરમિયાન લોકો માટે જાહેરમાં મુકવામાં આવશે.’ દસાડિયા અને તેમની ટીમ વર્ષ 2020ના મધ્ય સુધીમાં 100 જેટલા બૂઝ સ્કૂટર માર્કેટમાં ઉતારવા માગે છે. અમદાવાદ કોર્પોરેશનના કમિશનર વિજય નહેરાએ કહ્યું કે, ‘કોર્પોરેશન પ્રદૂષણ રહિત ગ્રીન મોબિલિટીને પ્રોત્સાહિત કરવા આ કંપની સાથે ભાગીદારી કરવા માટે ઉત્સાહિત છે અને શક્ય તેટલું જલદી સાબરમતી રિવરફ્રંટ પર આ સ્કૂટરને ડિપ્લોય કરવામાં આવે તેવું ઇચ્છે છે.’ આ ઈલેક્ટ્રિક સ્કૂટર અંદાજે 2.5થી 3 કલાક જેટલો સમય ફૂલ ચાર્જ થવામાં લગાડે છે. તેમજ ફૂલ ચાર્જ બાદ 25-30 કિમી જેટલું ચાલે છે. તેમજ સ્કૂટરના લોકિંગ અને અનલોકિંગ સાથે સ્કૂટરના મેપિંગ માટે ઓનલાઈન ટેક્નોલોજીનો ઉપયોગ કરે છે. ગુજરાત યુનિવર્સિટીના વાઈસ ચાન્સેલર હિમાંશુ પંડ્યાએ કહ્યું કે, ‘GUSEC ખાતે અમારું લક્ષ્ય સમાજમાં રહેલી સમસ્યાઓને ઓળખવાનો અને લાગતાવળગતાને તેનું યોગ્ય, સાચું અને ટકાઉં નિરાકરણ આપવાનો છે.’ મંગળવારે યોજાયેલ આ સ્કૂટરના લોન્ચ ઇવેન્ટમાં વાઈસ ચાન્સેલર પણ ઉપસ્થિત રહ્યા હતા.