ગુજરાતી કરતા અંગ્રેજી મીડિયમના વિદ્યાર્થીઓનું પરિણામ 29.21% ઊંચું

અમદાવાદઃ ગુજરાત બોર્ડનું ધોરણ-10નું પરિણામ જાહેર થઈ ગયું છે. આ વર્ષે પરિણામની ટકાવારી પાછલા વર્ષ કરતા 6.33% ઘટીને 60.64% રહી છે. આ સાથે અંગ્રેજી માધ્યમના વિદ્યાર્થીઓનું પરિણામ ગુજરાત માધ્યમના વિદ્યાર્થીઓ કરતા ઊંચી રહી છે.ગુજરાતી માધ્યમના વિદ્યાર્થીઓના પરિણામની ટકાવારી 57.54% છે જ્યારે અંગ્રેજી માધ્યમના વિદ્યાર્થીઓની ટકાવારી 70.13% રહી છે. આ બન્ને માધ્યમ વચ્ચે 29.21%નો ફરક છે. હિન્દી માધ્યમનું પરિણામ પણ ગુજરાતી માધ્યમના પરિણામ કરતા ઊંચું રહ્યું છે. આ માધ્યમનું પરિણામ 63.94% રહ્યું છે.ધોરણ-10ના જાહેર થયેલા પરિણામમાં 291 શાળા એવી છે જેના પરિણામ 100% રહ્યા છે જ્યારે 174 શાળાઓ એવી છે જેના પરિણામ 0% રહ્યા છે. પાછલા વર્ષે આવી શાળાઓની સંખ્યા માત્ર 63 જ હતી.આ વર્ષે કોરોના વાયરસના ફેલાવા અને લોકડાઉનના કારણે પરિણામ 15 દિવસ મોડું જાહેર કરવામાં આવ્યું છે. પાછલા વર્ષે ધોરણ-10નું પરિણામ 21મી મેના રોજ જાહેર કરવામાં આવ્યું હતું. જેમાં અંગ્રેજી મીડિયામના વિદ્યાર્થીઓનું પરિણામ ઊંચું રહ્યું હતું.પાછલા વર્ષની જેમ આ વર્ષે પણ સુરતે સૌથી વધુ પરિણામ ધરાવતા જિલ્લા તરીકે બાજી મારી છે. સુરતના પરિણામમાં પાછલા વર્ષ કરતા ઘટાડો નોંધાયો છે. પાછલા વર્ષે પણ સૌથી સારું પરિણામ ધરાવતા જિલ્લામાં સુરતનો નંબર આવ્યો હતો. વર્ષ 2019માં સુરતનું પરિણામ 79.63% રહ્યું હતું જે આ વર્ષ 74.66% થયું છે. જ્યારે સૌથી નબળું પરિણામ ધરાવતો જિલ્લો દાહોદ છે જ્યાંનું પરિણામ 47.47 આવ્યું છે. વર્ષ 2019માં છોટા ઉદેપુર સૌથી નબળો જિલ્લો રહ્યો હતો અને તેનું પરિણામ 46.38% રહ્યું હતું.