કોકલીયર ઈમ્પ્લાનટ માટેનો ખર્ચ રી-એમ્બર્સ કરી અપાશે

નવગુજરાત સમય > અમદાવાદ

રાજ્ય સરકારે હવેથી તેના કર્મચારીઓ અને અધિકારીઓના આશ્રિતો માટેની ‘કોકલીયર ઈમ્પ્લાન્ટ’ સારવાર અંગેનો ખર્ચ સંખ્યાબંધ શરતોને આધિન રહીને રીએમ્બર્સમેન્ટ મંજૂર કરવાનો નિર્ણય કર્યો છે. જોકે, અલગઅલગ વયમર્યાદાના બાળકો-કિશોરો માટે કોકલીયર ઈમ્પ્લાન્ટનો અલગઅલગ ખર્ચ રીએમ્બર્સમેન્ટ મંજૂર કરવાનું નક્કી કરાયું છે અને એમાં પણ 16 વર્ષથી વધુ વયના કિશોરોને આ લાભ નહીં આપવાની પણ સરકારે જાહેરાત કરી છે.

જન્મજાત સાંભળી ન શકતા બાળકોની બહેરાશ દૂર કરવા માટે ‘કોકલીયર ઈમ્પ્લાન્ટ સિસ્ટમ’ બેસાડવાનું ઓપરેશન કરવું પડે છે. જેની સારવાર અમદાવાદ સિવિલ હોસ્પિટલ ખાતે ઉપલબ્ધ હોવા છતાં અને અહીં લીધેલી સારવારનો ખર્ચ રી-એમ્બર્સમેન્ટના પાત્ર હોવા છતાં સરકારના નિયમોમાં કોકલીયર ઈમ્પ્લાન્ટનો ઉલ્લેખ ન હોવાથી તે ખર્ચ મજરે લેવા સરકારની મંજૂરી લેવી પડતી હતી એટલે હવે, સરકારે આ નિર્ણય લીધો છે. સારવારનો ખર્ચ રીએમ્બર્સમેન્ટ મેળવવા કોર્ટ કેસોના કિસ્સામાં અરજદારો દ્વારા પિટિશન પરત ખેંચાયાની શરતે જ રીએમ્બર્સમેન્ટ મંજૂર કરી શકાશે.

મંજૂરી માટેની શરતો કઈ? કોકલીયર ઈમ્પ્લાન્ટ સર્જરીનો લાભ 1થી 16 વર્ષની વય સુધી જ મળી શકશે સરકારી હોસ્પિટલો,સિવિલ હોસ્પિટલ-અમદાવાદના તજજ્ઞ ડોકટરો દ્વારા ભલામણ જરૂરી માત્ર સરકારી હોસ્પિટલોમાં જ ઓપરેશન માન્ય રહેશે ઓપરેશન પહેલાં પ્રિ-ઈન્વેસ્ટિગેશન, જરૂરી ટેસ્ટ કરાવવાના રહેશે ઓપરેશન પૂર્વ આયોજિત હોવાથી પૂર્વ મંજૂરી સિવાયના ઓપરેશન માટે રકમ રીએમ્બર્સમેન્ટ નહીં