લાભ પાંચમ બાદ શનિ-રવિ હોવાથી દિવાળી વેકેશન લંબાયું, લોકોએ પ્લાન કરી મિનિ ટ્રિપ

નિયતિ પરીખ, અમદાવાદ: દિવાળી, બેસતું વર્ષ અને ભાઈબીજના તહેવારો પૂરા થયા છે છતાં શહેરમાં સામાન્ય દિવસો કરતાં શાંતિ અને ઓછી ભીડ જોવા મળે છે. શહેરમાં મોટાભાગની દુકાનો અને ધંધાકીય એકમો લાભ પાંચમ સુધી બંધ રહેવાના છે ત્યારે ઘણા લોકો મિનિ વેકેશન પર કે નજીકના શહેરમાં રહેતા પોતાના સગા-સંબંધીઓને મળવા પહોંચી ગયા છે. શાળા-કોલેજોમાં વેકેશન અને બજારો પણ બંધ હોવાથી અમદાવાદના રસ્તા પર ચહલપહલ ઓછી જોવા મળે છે. જો કે, લાભ પાંચમ શુક્રવારે એટલે કે વીકએન્ડના અગાઉ દિવસે હોવાથી નોકરી-ધંધાવાળા લોકોએ રજાનો ઉપયોગ કરવાનું મન બનાવી લીધું હોય તેવું લાગે છે. રોજિંદા જીવનમાં ગોઠવાતા પહેલા હજુ પણ વેકેશનનો આનંદ માણવાનું નક્કી કરી લીધું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોસાઉથ બોપલના રહેવાસી નિશિથા દવે (નામ બદલ્યું છે)એ કહ્યું, “મેં મારી દિવાળીની રજાઓ વાંચવામાં, આરામ કરવામાં અને થાક દૂર કરવામાં વિતાવી છે. અમારી ઓફિસ લાભ પાંચમથી શરૂ થાય છે. જો કે, આ વખતે લાભ પાંચમના બીજા દિવસે જ શનિ-રવિ છે એટલે આખા અઠવાડિયાની રજા છે. હાલ શહેરમાં ટ્રાફિક અને ભીડ ઓછી છે એટલે રહેવાની મજા આવે છે.”જે લોકોએ ફટાકડા ફોડવાનો પ્લાન બનાવ્યો હતો તે ઘણી જગ્યાએ વરસાદને લીધે ધોવાઈ ગયો હતો. અમુક લોકોએ તો જાતે જ ફટાકડા ના ફોડવાનું નક્કી કર્યું હતું. સ્થાનિક મધીષ પરીખએ કહ્યું, “છેલ્લા પાંચ વર્ષથી હવા અને અવાજના પ્રદૂષણને ધ્યાનમાં રાખીને ફટાકડા ફોડવાનું છોડી દીધું છે. મારા માટે દિવાળી એટલે મિત્રો અને પરિવાર સાથે ક્વોલિટી ટાઈમ વિતાવવો. આ રજાઓમાં મેં એ જ કર્યું છે. સોશિયલ મીડિયાના યુગમાં આપણે સમાજમાં ભળવાનું ઓછું કરી દીધું છે. એટલે દિવાળી એવો સમય છે જેમાં લોકો એકબીજાને મળવાનો સમય કાઢી લે છે.”તો કેટલાક લોકોએ આસપાસના સ્થળોએ ફરવા જવાનું નક્કી કરી લીધું છે. અમદાવાદના બિઝનેસમેન જયેશ મોદીએ કહ્યું, “મેં મારા પરિવાર સાથે રાજસ્થાનમાં રજાઓ ગાળવાનું નક્કી કર્યું છે. અમદાવાદમાં રોજિંદી જિંદગી જીવવા કરતાં બહાર નીકળીને નવી જગ્યા જોવાની અને ફરીથી તાજગી મેળવવા માટે આ સમય સૌથી સારો છે. પરિવાર સાથે ક્વોલિટી ટાઈમ વિતાવવાની મજા આવી રહી છે.”શહેરમાં મોટાભાગના બજારો રવિવાર સુધી બંધ રહેશે કારણકે વેપારીઓ સાતમથી મુહૂર્ત કરવાનું વિચારી રહ્યા છે. ગુજરાત ટ્રે઼ડર ફેડરેશન (GTF)ના પ્રમુખ જયેન્દ્ર તન્નાએ કહ્યું, “સાામાન્ય રીતે લાભ પાંચમે વેપારીઓ મુહૂર્ત કરીને વેપારનો પ્રારંભ કરે છે. પરંતુ આ વર્ષે લાભ પાંચમ શનિવારે આવે છે ત્યારે મોટાભાગના વેપારીઓ રવિવારે સાતમના દિવસે મુહૂર્ત કરશે તેવું લાગી રહ્યું છે.”PM મોદીએ સ્ટેચ્યૂ ઓફ યુનિટી ખાતે સરદાર પટેલની પ્રતિમાને પુષ્પાંજલિ અર્પણ કરી