અમદાવાદઃ બોયફ્રેન્ડને મળવા માટે હોટલમાં પહોંચેલી યુવતીને તેના પિતાએ ઝડપી પાડ્યા અને થયો હંગામો
હોટલમાં પહોંચેલા પિતાએ યુવતીને જાહેરમાં ફટકારતા તેને લાગી આવ્યું અને આપઘાત કરવા માટે બ્રીજ પર ચઢી ગઈ
I am Gujarat 25 Dec 2020, 7:44 pm
અમદાવાદઃ શહેરના ઓઢવ વિસ્તારમાં રહેતી 23 વર્ષીય યુવતીને પ્રેમીએ હોટલમાં મળવા માટે બોલાવી હતી. આ સમયે યુવતીના પિતા પણ હોટલમાં પહોંચી ગયા અને યુવતીને જાહેરમાં ફટકારી હતી. આ બાબતે યુવતીને લાગી આવતા યુવતી બ્રિજ પર ચઢી ગઈને આપઘાત કરવાની ચિમકી આપી હતી. આખરે મહિલા હેલ્પલાઈનને ફોન કરતા તેમની ટીમ આવી અને યુવતીને સમજાવીને ઘરે મોકલી હતી.
મળી રહેલી માહિતી મુજબ ઓઢવ વિસ્તારમાં 23 વર્ષીય યુવતી તેના પરિવાર સાથે રહે છે. મહારાષ્ટ્રમાં રહેતા યુવક સાથે આ યુવતીને પ્રેમસંબંધ હતો. યુવક યુવતીને મળવા માટે અમદાવાદ આવ્યો હતો અને ઓઢવબ્રિજ પાસે જ આવેલી એક હોટલમાં રોકાયો હતો. પ્રેમીએ યુવતી હોટલમાં મળવા માટે બોલાવી હતી. જ્યારે યુવતી પ્રેમીને મળવા હોટલમાં આવી તે સમયે તેને કોઈ પરીચિત જોઈ ગયું.
આ અંગે યુવતીના પિતાને જાણ કરી દીધી હતી. જેથી પિતા તાત્કાલિક હોટલ પહોંચી ગયા હતા અને બંનેને પકડી પાડ્યા હતા. આ પછી બંનેને રોડ પર લાવી જાહેરમાં જ ફટકાર્યા હતા. જાહેરમાં જ ફટકારતા યુવતીને લાગી આવતાં તે બ્રિજ પર ચઢી ગઈ હતી અને આપઘાતની ચિમકી આપી હતી. જાહેરમાં જ તમાશો થતા લોકોના ટોળેટોળા ભેગા થઈ ગયા હતા. દરમિયાન કોઈએ મહિલા હેલ્પલાઇનને જાણ કરતા હેલ્પલાઇનની ટીમ આવી પહોંચી હતી. તેમજ યુવતી અને તેના માતા-પિતાને સમજાવીને સમાધાન કરાવ્યું હતું. તેમજ તેમને ઘરે મોકલી દીધા હતા.
મળી રહેલી માહિતી મુજબ ઓઢવ વિસ્તારમાં 23 વર્ષીય યુવતી તેના પરિવાર સાથે રહે છે. મહારાષ્ટ્રમાં રહેતા યુવક સાથે આ યુવતીને પ્રેમસંબંધ હતો. યુવક યુવતીને મળવા માટે અમદાવાદ આવ્યો હતો અને ઓઢવબ્રિજ પાસે જ આવેલી એક હોટલમાં રોકાયો હતો. પ્રેમીએ યુવતી હોટલમાં મળવા માટે બોલાવી હતી. જ્યારે યુવતી પ્રેમીને મળવા હોટલમાં આવી તે સમયે તેને કોઈ પરીચિત જોઈ ગયું.
આ અંગે યુવતીના પિતાને જાણ કરી દીધી હતી. જેથી પિતા તાત્કાલિક હોટલ પહોંચી ગયા હતા અને બંનેને પકડી પાડ્યા હતા. આ પછી બંનેને રોડ પર લાવી જાહેરમાં જ ફટકાર્યા હતા. જાહેરમાં જ ફટકારતા યુવતીને લાગી આવતાં તે બ્રિજ પર ચઢી ગઈ હતી અને આપઘાતની ચિમકી આપી હતી. જાહેરમાં જ તમાશો થતા લોકોના ટોળેટોળા ભેગા થઈ ગયા હતા. દરમિયાન કોઈએ મહિલા હેલ્પલાઇનને જાણ કરતા હેલ્પલાઇનની ટીમ આવી પહોંચી હતી. તેમજ યુવતી અને તેના માતા-પિતાને સમજાવીને સમાધાન કરાવ્યું હતું. તેમજ તેમને ઘરે મોકલી દીધા હતા.