રાજ્ય સરકારના ફિક્સ પગારદાર કર્મચારીઓ માટે આવ્યા મહત્વના સમાચાર

અમદાવાદ: રાજ્ય સરકારના ફિક્સ પગારદાર કર્મચારીઓ માટે આજે એક મહત્વના સમાચાર જાણવા મળ્યા છે. રાજ્ય સરકારના ફિક્સ પગારના કર્મચારીઓ 5 વર્ષની સેવા દરમિયાન એકત્રિત થયેલી માંદગીની રજાઓને નિયમિત નિમણૂક મળ્યા પછી આગળ લઈ જઈ શકશે. હિસાબ અને તિજોરી નિયામકની કચેરીના પરિપત્રથી હાલ રાજ્ય સરકારના ફિક્સ પગારદાર કર્મચારીઓની દિવાળી સુધારી ગઈ છે.

રાજ્ય સરકારના ફિક્સ પગારના કર્મચારીઓને ફિક્સ પગારમાં મળતી મેડિકલ રજાઓ જે વણવપરાયેલી છે એટલે કે જે મેડિકલ રજાનો વપરાશ થયો નથી તે રજાઓ પૂરા પગારમાં આવ્યા પછી જમા થશે. ફિક્સ પગારમાં ફરજ બજાવતા કર્મચારીઓ ફિક્સ પગારમાં 5 વર્ષની સંતોષકારક સેવા પૂર્ણ કરી, નિયમિત નિમણુકમાં આવતા તેઓના ફિક્સ પગારમાં પાંચ વર્ષના સેવાકાળ દરમિયાન જમા થયેલી માંદગીની રજાની સિલક નિયમિત નિમણૂક મળ્યા પછી આગળ લઈ જઈ શકે છે. હિસાબ અને તિજોરી નિયામક કચેરીએ આ મુદે સ્પષ્ટતા કરતો પરિપત્ર પણ જાહેર કર્યો છે.