ગાંધીનગર: રાજ્યમાં ડિસેમ્બર 2022માં થયેલી વિધાનસભા ચૂંટણી બાદ આજે પહેલીવાર ગૃહનું બજેટ સત્ર શરુ થયું હતું. સત્રના પહેલા તમામ ધારાસભ્યો વિધાનસભા પહોંચ્યા હતા. આ વખતે પહેલીવાર ચૂંટાયેલા હોય તેવા ધારાસભ્યોની સંખ્યા પણ મોટા પ્રમાણમાં છે. બજેટ સત્રના પહેલા દિવસે કેટલાક ધારાસભ્યો પોતાની લક્ઝુરિયસ ગાડીમાં પહોંચ્યા હતા. જોકે, મોંઘીદાટ કાર્સની ભીડ વચ્ચે ટુ-વ્હીલર પર આવેલા એક ધારાસભ્યએ સૌનું ધ્યાન ખેંચ્યું હતું. તેમાંય પાછા આ ધારાસભ્યએ ઈલેક્ટ્રીક ટુ-વ્હીલર પર સવાર થઈને પર્યાવરણની રક્ષાનો પણ મેસેજ આપ્યો હતો. સચિવાલયના મેઈન ગેટથી ટુ-વ્હીલર પર હેલ્મેટ પહેરીને આવી રહેલા આ ધારાસભ્યને પહેલા તો કોઈ ઓળખી નહોતું શક્યું, પરંતુ તેઓ નજીક આવ્યા ત્યારે બધાને ખબર પડી હતી કે તેઓ બીજા કોઈ નહીં, પરંતુ વેજલપુર વિધાનસભાના ધારાસભ્ય અમિત ઠાકર હતા.
ચૂંટણી બાદ ગુજરાત વિધાનસભાનું પહેલું સત્ર મળી રહ્યું છે, ત્યારે આ વખતે આમ આદમી પાર્ટીના પાંચ ધારાસભ્યો પણ પહેલીવાર વિધાનસભામાં પ્રવેશ્યા હતા. તો બીજી તરફ, કોંગ્રેસને આ વખતે પહેલીવાર વિરોધ પક્ષના નેતાનું પદ નથી મળી શક્યું. ઉલ્લેખનીય છે કે, કોંગ્રેસે મોટા ઉપાડે અમિત ચાવડાનું નામ ગૃહમાં પક્ષના નેતા તરીકે જાહેર કરી દીધું હતું, પરંતુ સરકારે નિયમોનો હવાલો આપી કોંગ્રેસને વિરોધ પક્ષના નેતાનું પદ આપવાનો જ ઈનકાર કરી દીધો હતો. ગુજરાતના રાજકીય ઈતિહાસમાં પહેલીવાર એવું થયું છે કે જ્યારે ગૃહનું કામકાજ વિરોધ પક્ષના નેતા વિના જ ચાલી રહ્યું છે. વિધાનસભા ચૂંટણીમાં 17 બેઠકો મેળવનારી કોંગ્રેસને માત્ર એક બેઠક ઓછી પડતાં વિરોધ પક્ષના નેતાનું પદ ગુમાવવાનો વારો આવ્યો છે.
પહેલીવાર ધારાસભ્ય બન્યા છે અમિત ઠાકર
ભાજપે આ ચૂંટણીમાં વેજલપુર વિધાનસભા બેઠકના બે ટર્મના ધારાસભ્ય કિશોર મકવાણાની ટિકિટ કાપીને અમિત ઠાકરને મેદાનમાં ઉતાર્યા હતા, અને તેમની જંગી બહુમતિ સાથે જીત પણ થઈ હતી. અમિત ઠાકર ભાજપ સાથે વર્ષોથી સંકળાયેલા છે, પરંતુ તેમને વિધાનસભા ચૂંટણી લડવાનો મોકો છેક 2022માં મળ્યો હતો. તેઓ અમિત શાહના નજીકના પણ ગણાય છે. અમદાવાદ શહેરમાં આ વિધાનસભા ચૂંટણીમાં ભાજપે જગદીશ વિશ્વકર્મા અને ભૂપેન્દ્ર પટેલ સિવાય તમામ સિટિંગ ધારાસભ્યોની ટિકિટ કાપી હતી. રાજ્યના મોટાભાગના શહેરી વિસ્તારોમાં જ આ પેટર્ન લાગુ કરાઈ હતી, જેના પ્રતાપે પક્ષને અતૈહાસિક 156 બેઠકો પર જીત મળી હતી.
વિપક્ષો કયા મુદ્દા પર સરકારને ઘેરવા તૈયાર?
આ બજેટ સત્રમાં વિરોધ પક્ષોએ પેપર લીક, બેરોજગારી અને મોંઘવારીના મુદ્દે સત્તામાં રહેલા ભાજપને ઘેરવાનો પ્લાન બનાવ્યો છે. ચાલુ સત્રમાં માનવ તસ્કરી, સરકારી ભરતીના પેપર ફોડવા પર નિયંત્રણ મૂકતા કાયદા ઉપરાંત ધોરણ 1થી 8માં ગુજરાતી ભાષા ફરજિયાત ભણાવવાને લઈને ખરડા રજૂ કરવામાં આવશે. 24 ફેબ્રુઆરીએ રાજ્યનું બજેટ રજૂ થઈ રહ્યું છે. આ સિવાય પ્રોપર્ટીના સ્ટેમ્પ ડ્યૂટી અને રજિસ્ટ્રેશન ફીમાં ઘટાડા, ઈમ્પેક્ટ ફીની ડેડલાઈન વધારવા તેમજ પ્રિ-પ્રાઈમરી સ્કૂલમાં ત્રણ સ્તરિય વર્ગો બનાવવાને લગતા બિલ પણ ચાલુ સત્રમાં રજૂ કરાશે. 23 ફેબ્રુઆરીથી શરુ થયેલું બજેટ સત્ર 29 માર્ચ સુધી ચાલશે, અને આ ગાળામાં વિધાનસભાની 25 બેઠકો મળશે.
ચૂંટણી બાદ ગુજરાત વિધાનસભાનું પહેલું સત્ર મળી રહ્યું છે, ત્યારે આ વખતે આમ આદમી પાર્ટીના પાંચ ધારાસભ્યો પણ પહેલીવાર વિધાનસભામાં પ્રવેશ્યા હતા. તો બીજી તરફ, કોંગ્રેસને આ વખતે પહેલીવાર વિરોધ પક્ષના નેતાનું પદ નથી મળી શક્યું. ઉલ્લેખનીય છે કે, કોંગ્રેસે મોટા ઉપાડે અમિત ચાવડાનું નામ ગૃહમાં પક્ષના નેતા તરીકે જાહેર કરી દીધું હતું, પરંતુ સરકારે નિયમોનો હવાલો આપી કોંગ્રેસને વિરોધ પક્ષના નેતાનું પદ આપવાનો જ ઈનકાર કરી દીધો હતો. ગુજરાતના રાજકીય ઈતિહાસમાં પહેલીવાર એવું થયું છે કે જ્યારે ગૃહનું કામકાજ વિરોધ પક્ષના નેતા વિના જ ચાલી રહ્યું છે. વિધાનસભા ચૂંટણીમાં 17 બેઠકો મેળવનારી કોંગ્રેસને માત્ર એક બેઠક ઓછી પડતાં વિરોધ પક્ષના નેતાનું પદ ગુમાવવાનો વારો આવ્યો છે.
પહેલીવાર ધારાસભ્ય બન્યા છે અમિત ઠાકર
ભાજપે આ ચૂંટણીમાં વેજલપુર વિધાનસભા બેઠકના બે ટર્મના ધારાસભ્ય કિશોર મકવાણાની ટિકિટ કાપીને અમિત ઠાકરને મેદાનમાં ઉતાર્યા હતા, અને તેમની જંગી બહુમતિ સાથે જીત પણ થઈ હતી. અમિત ઠાકર ભાજપ સાથે વર્ષોથી સંકળાયેલા છે, પરંતુ તેમને વિધાનસભા ચૂંટણી લડવાનો મોકો છેક 2022માં મળ્યો હતો. તેઓ અમિત શાહના નજીકના પણ ગણાય છે. અમદાવાદ શહેરમાં આ વિધાનસભા ચૂંટણીમાં ભાજપે જગદીશ વિશ્વકર્મા અને ભૂપેન્દ્ર પટેલ સિવાય તમામ સિટિંગ ધારાસભ્યોની ટિકિટ કાપી હતી. રાજ્યના મોટાભાગના શહેરી વિસ્તારોમાં જ આ પેટર્ન લાગુ કરાઈ હતી, જેના પ્રતાપે પક્ષને અતૈહાસિક 156 બેઠકો પર જીત મળી હતી.
વિપક્ષો કયા મુદ્દા પર સરકારને ઘેરવા તૈયાર?
આ બજેટ સત્રમાં વિરોધ પક્ષોએ પેપર લીક, બેરોજગારી અને મોંઘવારીના મુદ્દે સત્તામાં રહેલા ભાજપને ઘેરવાનો પ્લાન બનાવ્યો છે. ચાલુ સત્રમાં માનવ તસ્કરી, સરકારી ભરતીના પેપર ફોડવા પર નિયંત્રણ મૂકતા કાયદા ઉપરાંત ધોરણ 1થી 8માં ગુજરાતી ભાષા ફરજિયાત ભણાવવાને લઈને ખરડા રજૂ કરવામાં આવશે. 24 ફેબ્રુઆરીએ રાજ્યનું બજેટ રજૂ થઈ રહ્યું છે. આ સિવાય પ્રોપર્ટીના સ્ટેમ્પ ડ્યૂટી અને રજિસ્ટ્રેશન ફીમાં ઘટાડા, ઈમ્પેક્ટ ફીની ડેડલાઈન વધારવા તેમજ પ્રિ-પ્રાઈમરી સ્કૂલમાં ત્રણ સ્તરિય વર્ગો બનાવવાને લગતા બિલ પણ ચાલુ સત્રમાં રજૂ કરાશે. 23 ફેબ્રુઆરીથી શરુ થયેલું બજેટ સત્ર 29 માર્ચ સુધી ચાલશે, અને આ ગાળામાં વિધાનસભાની 25 બેઠકો મળશે.