આજે દિલ્હીમાં વાઈબ્રન્ટ સમિટનો પ્રથમ રોડ શો, CM ભૂપેન્દ્ર પટેલ હાજર રહેશે

ગુજરાત રાજ્ય સરકાર વાઈબ્રન્ટ સમિટની તૈયારીઓમાં વ્યસ્ત થઈ ગઈ છે. આજે રાજ્યના મુખ્યમંત્રી ભૂપેન્દ્ર પટેલ દિલ્હી ખાતે સમિટ-2022 અંતર્ગત થનારા પ્રથમ રોડ-શોમાં હાજર રહેશે. દિલ્હી ખાતે કર્ટેન રેઈઝર સહિતના અનેક કાર્યક્રમોનું આયોજન કરવામાં આવ્યું છે, જેમાં ઉદ્યોગપતિઓ અને રાજદૂતોને સમિટમાં ભાગ લેવા માટે આમંત્રણ આપવામાં આવશે. નોંધનીય છે કે ગૃહમંત્રી અમિત શાહ આ રોડ શોના કાર્યક્રમમાં વર્ચ્યુઅલ માધ્યમથી જોડાશે. આ સિવાય વિદેશમંત્રી એસ. જયશંકર પરણ વિદેશી રાજદૂતોની બેઠકમાં હાજર રહેશે.ઉલ્લેખનીય છે કે મંત્રીમંડળની બેઠકમાં આ વાઈબ્રન્ટ ગુજરાત ગ્લોબલ સમિટ શ્રેષ્ઠ બને તે માટે ચર્ચા કરવામાં આવી હતી. સરકાર તરફથી સચિવોને પણ સૂચના આપવામાં આવી હતી કે સમિટની સફળતા માટે સંપૂર્ણ તાકાત લગાવવામાં આવે. ભારતીય જનતા પાર્ટીના પ્રવક્તા અને મંત્રી જીતુ વાઘાણીએ આ બાબતે માહિતી આપતા જણાવ્યું કે, મુખ્યમંત્રી ભૂપેન્દ્ર પટેલ ગુરુવારે નવી દિલ્હીમાં સવારે નવથી સાંજે સાત દરમિયાન ઉદ્યોગકારો સાથે સમિટ સંદર્ભે બેઠકો યોજશે. હોટલ લીલા પેલેસ ખાતે રોડ-શો દરમિયાન કેન્દ્રીય ગૃહમંત્રી અમિત શાહ પણ તેમાં વર્ચ્યુઅલી જોડાશે. સાંજના સેશનમાં વિદેશમંત્રી એસ. જયશંકર પણ જોડાશે.

મુકેશ અંબાણીને પાછળ છોડી ગૌતમ અદાણી બન્યા એશિયાની સૌથી અમીર વ્યક્તિ
ઉલ્લેખનીય છે કે કોરોના મહામારીને કારણે દુનિયાભરમાં વેપાર-ધંધા પ્રભાવિત થયા છે. મુખ્યમંત્રી ભૂપેન્દ્ર પટેલ કોરોના મહામારી પછી પણ ગુજરાતમાં મૂડી રોકાળ સામે ઉજળી સંભવાનાઓની ચર્ચા વેપાર-જગતના અગ્રણીઓ સાથે કરશે. કેટલાક ઉદ્યોગપતિઓ સાથે વન-ટુ-વન બેઠકો પણ યોજાશે. આમંત્રિત મહેમાનોને સરકારની ઉદ્યોગલક્ષી નીતિઓ બાબતે માહિતી આપવામાં આવશે. મુખ્યમંત્રી આજે વિવિધ દેશના રાજદૂતોને મળીને સમિટની માહિતી આપશે.

'કોરોનાના ખોટા મૃત્યુઆંક જાહેર કરી ગુજરાતને બદનામ કરવાનું બંધ કરે', જીતુ વાઘાણીના કોંગ્રેસ પર ચાબખા
આ બેઠકોમાં મુખ્ય અગ્ર સચિવ કૈલાસનાથન, મુખ્ય સચિવ પંકજ કુમાર, ઉદ્યોગ અને ખાણના અધિક મુખ્ય સચિવ ડોક્ટર રાજીવ કુમાર ગુપ્તા તથા સીએમઓના એસીએસ પંકજ જોશી સહિતના ઉચ્ચ અધિકારીઓ પણ હાજર રહેશે. મુખ્યમંત્રી ભૂપેન્દ્ર પટેલ આઠ અને નવ ડિસેમ્બરના રોજ દુબઈ અને અબુધાબીમાં રોડ શોમાં ઉપસ્થિત રહેશે. અમેરિકા, જર્મની, નેધરલેન્ડ, યુ.કે., ફ્રાન્સ, જાપાન, દુબઈ, અબુધાબી અને મિડલ-ઈસ્ટના દેશોમાં વિવિધ વિભાગના સચિવો રોડ શો માટે જશે. મુંબઈ, લખનઉ, હૈદરાબાદ, ચેન્નાઈ અને બેંગ્લોર ખાતે યોજાનારા રોડ શોમાં મંત્રીમંડળના સભ્યો પણ હાજર રહેશે.