જો વ્યક્તિ સ્વેચ્છાએ ઘર છોડી ગઈ હોય તો હેબિયસ કોર્પસ કરનારને 25 હજારનો દંડઃ હાઈકોર્ટ

અમદાવાદ: ગુજરાત હાઇકોર્ટે પ્રેમી સાથે ભાગી જવાના કિસ્સામાં હેબિયસ કોર્પસ પિટિશનનો આશરો લેનારા અરજદારો સામે કડક વલણ અપનાવ્યું છે. જેમાં સંબંધિત મહિલાઓ જો પોતાની મરજીથી ભાગી ગઈ હોય અને તેમની સાથે કોઈ બળજબરીથી બંધ કરવામાં ન આવી હોય તેવા કિસ્સામાં કોર્ટે અરજદારોને દંડિતત કર્યા છે.ઉનાળુ વેકેશન સમાપ્ત થયું છે, આ તરફ હાઈકોર્ટની નિયમિત બેન્ચે કામ કરવાનું શરું કરતાં જ જસ્ટિસ વિપુલ પંચોલી અને જસ્ટિસ આરએમ સરીનની ખંડપીઠે હેબિયસ કોર્પસના અરજદારોને 25,000 રૂપિયાના દંડની ચેતવણી આપતા કહ્યું છે કે જો તેઓ જે મહિલાઓની કસ્ટડીની અરજી કરી રહ્યા છે તે કોર્ટને જણાવશે કે પોતે સ્વેચ્છાએ ઘર છોડી ભાગી ગઈ છે તેવા કિસ્સમાં આ દંડ કરવામાં આવશે. હેબિયસ કોર્પસ પિટિશન ત્યારે કરવામાં આવે છે જ્યારે કોઈ વ્યક્તિને તેની ઇચ્છા વિરુદ્ધ રાખવામાં આવ્યા હોય ત્યારે તે વ્યક્તિને કોર્ટ સમક્ષ લઈ આવવા માટે આ અરજી કરવામાં આવે છે.
જામનગરમાં દર્દીના સગાએ ફડાકાવાળી કરતાં ડોક્ટરનો કાનનો પડદો ફાટી ગયો
બેન્ચે હેબિયસ કોર્પસ પિટિશન દ્વારા કોર્ટ મશીનરીના દુરુપયોગની ટીકા કરતા કેટલાક વકીલોને કહ્યું, “કોર્ટ મશીનરીનો દુરુપયોગ કરવાનું બંધ કરો. એવી 1,400 અપીલ છે જેની સુનાવણી થઈ રહી નથી જ્યાં લોકો 10 વર્ષથી જેલમાં છે. જો 'ગુમ થયેલી' મહિલાઓ ગેરકાયદેસર રીતે અટકાવી રાખવામાં ન આવી હોય તો અદાલતે વકીલોને દંડ અંગે ચેતવણી આપી હતી. જે બાદ કેટલાક વકીલોએ તેમના ક્લાયન્ટ્સ સાથે કેસ ચલાવવા માટે પૂછપરછ કરવા માટે વધુ સમય માંગ્યો હતો. ત્યારે ગાંધીનગર જિલ્લાના કેસનું પ્રતિનિધિત્વ કરતા એક વકીલે કોર્ટને જણાવ્યું હતું કે તેમના અસીલ ખર્ચ ઉઠાવવા તૈયાર છે. અરજદાર ખોટા સાબિત થવા પર દંડ ભરવા માટે સંમત થયા પછી જ બેન્ચે નોટિસ ફટકારી હતી.
​PSIની ભરતી પ્રક્રિયા મામલે ગુજરાત હાઈકોર્ટનો મોટો નિર્ણય, હવે મુખ્ય પરીક્ષા યોજાશે
હાલના કિસ્સામાં એક પરિણીત મહિલા તેના પતિ અને એક વર્ષના પુત્રને છોડીને ચાલી ગઈ હતી અને બે અઠવાડિયાથી વધુ સમય સુધી તેનો કોઈ પતો નહોતો. ન્યાયાધીશોએ વકીલને કહ્યું કે છેલ્લા ત્રણ દિવસમાં બેન્ચને ત્રણ કેસ સામે આવ્યા છે જેમાં પરિણીત મહિલાઓએ પોતાના પતિ અને પરિવારને છોડીને સ્વેચ્છાએ ઘર છોડી દીધું છે. ન્યાયાધીશોએ સ્પષ્ટ કર્યું કે સ્વેચ્છાએ ઘર છોડી ગયેલા પુખ્ત વયના લોકોની શોધ માટે પોલીસ પર દબાણ કરવા હેબિયસ કોર્પસ અરજીઓનો દુરુપયોગ કોર્ટ સહન કરશે નહીં.