અમદાવાદઃ રાજ્યમાં સૌરાષ્ટ્ર સહિત દક્ષિણ અને મધ્ય ગુજરાતમાં સારા પ્રમાણમાં વરસાદ થઈ રહ્યો છે ત્યારે આજથી શરુ થયેલા નવા અઠવાડિયામાં પણ રાજ્યમાં ભારેથી અતિભારે વરસાદ થવાની સંભાવના વ્યક્ત કરવામાં આવી છે. આજે પણ હવામાન વિભાગ દ્વારા સૌરાષ્ટ્ર સહિત દક્ષિણ ગુજરાતમાં ભારે વરસાદની આગાહી વ્યક્ત કરી છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આજે હવામાન વિભાગ દ્વારા સૌરાષ્ટ્રના અમરેલી, ભાવનગર, ગીર સોમનાથ અને દીવમાં ભારેથી અતિભારે વરસાદની આગાહી વ્યક્ત કરી છે, આ સિવાય નવસારી, વલસાડ, ડાંગ, સુરત, તાપીમાં પણ ભારેથી અતિભારે વરસાદની આગાહી વ્યક્ત કરાઈ છે.
15-16 તારીખ દરમિયાન રાજ્યના દક્ષિણ અને સૌરાષ્ટ્રના જિલ્લાઓમાં ભારેથી અતિભારે વરસાદ તૂટી પડવાની આગાહી કરવામાં આવી છે. જેમાં સુરત, નવસારી, વલસાડ, તાપી, ભરુચ, નર્મદા, ભરુચ, દમણ, દાદરા નગર હવેલી અને સૌરાષ્ટ્રના રાજકોટ, જામનગ, અમરેલી, ભાવનગર અને કચ્છમાં પણ ભારેથી અતિભારે વરસાદની આગાહી વ્યક્ત કરાઈ છે.
16 જુલાઈથી સૂર્ય અને શનિનો સમસપ્તક યોગ, આ 5 રાશિઓએ રહેવું પડશે સાવધાન
રાજ્યમાં આ વર્ષે સારા પ્રમાણમાં વરસાદ થયો છે જેના કારણે ખેડૂતોમાં આનંદની લાગણી જોવા મળી રહી છે, આ સાથે ભારે વરસાદના કારણે ચેકડેમો, તળાવ, નદીમાં નવા નીર આવ્યા છે આ સાથે ડેમોમાં પણ સારા પ્રમાણમાં પાણીની આવક થઈ છે.