બાર ડાન્સરે ગુજરાતી વેપારી પાસેથી પડાવ્યા રુ.27 લાખ
અમદાવાદઃ વાપીના ફર્નિચર વેપારીને મુંબઈની એક બારગર્લે બ્લેકમેઇલ કરીને રૂ.27 લાખ પડાવ્યાની ફરિયાદ નોંધાવી છે. ત્રણ વર્ષ પહેલા વેપારીને મુંબઈના એક ડાન્સબારમાં આ યુવતિનો સંપર્કમાં થયો હતો. જેણે બાદમાં વોટ્સએપ અને ફેસબૂક ઉપર ફોટોગ્રાફ્સ મુકીને બદનામ કરવાની ધમકી આપી વેપારી પાસેથી રુ.15 લાખ પડાવ્યા હતા.
વેપારીએ અમદાવાદ પાલડી ખાતે નોંધાવી ફરીયાદ
યુવતીએ પાલડી પાસેના ગાર્ડનમાં પૈસા પડાવ્યા હોવાની ફરિયાદ પાલડી પોલીસ સ્ટેશનમાં નોંધાવવામાં આવી છે. આરોપી તરીકે અરૂણા ઉર્ફે સોનાલી શમ્મીકપુર, હિના કપુર અને શામુ ચૌધરી દર્શાવાયા છે. પાલડી પોલીસે વધુ તપાસ શરૂ કરી છે.
વાપીમાં છે ફર્નિચરનો બિઝનેસ
વાપીમાં રહેતા અને ફર્નિચરનો ધંધો કરતા નરેશભાઈ નંદાએ ફરિયાદમાં જણાવ્યું છે કે, ત્રણેક વર્ષ પહેલા ધંધાના કામે મુંબઈ ગયા ત્યારે બેલાપુરના માયા ડાન્સબાર અને થાણેના આઈકોન ડાન્સ બારમાં ગયા હતા. ત્યાં ડાન્સ ગર્લ તરીકે કામ કરતી અરૂણા ઉર્ફે સોનાલી શમ્મી કપૂર સાથે મિત્રતા થઈ હતી. આ કારણે નરેશભાઈએ તેમની BMW કાર રુ.12.50 લાખમાં સોનાલીને વેચી આપી હતી. જોકે સોનાલીએ આપેલ રુ. 9 લાખનો ચેક રિટર્ન થતા અને કારના પૈસા ન ચૂકવાતાં બન્ને વચ્ચે સંબંધ બગડ્યા હતા.
બાર ડાન્સરે ફોટા વાયરલ કરી દેવાની ધમકી આપી પડાવ્યા રુપિયા
નરેશભાઈએ વકીલ મારફતે સોનાલીને નોટિસ પણ ફટકારી હતી. જે બાદ સોનાલી દ્વારા પછી અવારનવાર ફોન કરીને ગાળો આપીને ‘તારી સાથેના ફોટા ફેસબૂક અને વોટ્સએપ ઉપર મુકી દઈશ. તારા ફર્નિચરના શો રૂમ ઉપર આવીને ચોંટાડી તને બદનામ કરી દઈશ’ તેવી ધમકી આપીને રુ.17 લાખ માગવામાં આવ્યા હતા. બદનામીના ડરથી નરેશભાઈએ સોનાલીને અમદાવાદ આવીને પૈસા લઈ જવા કહ્યું હતું.
BMW કાર અને 15 લાખ લીધા બાદ પણ માગણી ચાલુ રહેતા નોંધાવી ફરીયાદ
તા. 14-9-2017ના રોજ સોનાલી અમદાવાદ આવી હતી અને પાલડી ચાર રસ્તા પાસે આવેલી મની મેનસન હોટલમાં રોકાઈ હતી. સવારે પાલડી ચાર રસ્તા પાસે ગાર્ડનમાં સોનાલી મળી હતી. મિત્ર પાસેથી રુ.15 લાખ લઈને નરેશભાઈએ ગાર્ડનમાં આ પૈસા ચૂક્વ્યા હતા. જોકે આ સિલસિલો ત્યાં ન અટકતા નવેમ્બર મહીનામાં સોનાલીની બહેન હીના કપુરે ફોન કરીને ધમકી આપી હતી કે, ‘પંદર લાખમાં શું થાય? તારે બીજા રૂપિયા આપવા પડશે.’ સોનાલી સાથે કોન્ફરન્સ ફોનમાં વાતચીત કરતાં તેણે પણ ‘મારા ઘરવાળા વધુ પૈસા માગે છે’ કહીને પૈસા ન આપે તો બદનામ કરવાની ધમકી આપી હતી.
વધુ તપાસ માટે પાલડી પોલીસ જશે મુંબઈ
જે બાદ નરેશભાઈએ અમદાવાદના પાલડી ખાતે સોનાલી અને હીના વિરુદ્ધ પોલીસ ફરીયાદ નોંધાવી હતી. પોલીસ તપાસ અધિકારી એફ.એ. પારગીએ કહ્યું કે, ‘અમારી પાસે એક આરોપીનું એડ્રેસ હોવાથી અમે વધુ તપાસ માટે મુંબઈ જઈશું. ફરીયાદીએ અમને કાર્યવાહી માટે પૂરતા પુરાવા આપ્યા છે અને તેના આધારે અમે આગળની કાર્યવાહી કરીશું’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.