અમદાવાદઃ પાટીદાર અનામત આંદોલનની આગેવાની કરનાર હાર્દિક પટેલને તાત્કાલીક અસરથી ગુજરાત કોંગ્રેસના કાર્યકારી પ્રમુખ બનાવાયા છે. હાર્દિક પટેલ સહિત કોંગ્રેસના 3 જિલ્લા પ્રમુખોની નિમણૂંક કરવામાં આવી છે. જેમાં આણંદ કોંગ્રેસ પ્રમુખ તરીકે મહેન્દ્રસિંહ પરમાર જ્યારે સુરત જિલ્લા કોંગ્રસ પ્રમુખ તરીકે આનંદ ચૌધરીની પણ નિમણૂંક થઈ છે.
આ જાહેરાત બાદ હાલના ગુજરાત કોંગ્રેસ પ્રમુખ અમિત ચાવડાએ ટ્વીટ કરીને હાર્દિક પટેલને અભિનંદન પાઠવ્યા અને સાથે તેમણે લખ્યું કે,’ અમારા યુવા સાથી હાર્દિક પટેલને ગુજરાત કોંગ્રેસના કાર્યકારી અધ્યક્ષ બનવા બદલ હાર્દિક શુભકામનાઓ. જનતાના હિતની લડાઈ સાથે મળીને વધારે મજબૂતીથી લડીશું. નવનિયુક્ત જિલ્લા કોંગ્રેસ અધ્યક્ષોને નવી જવાબદારી માટે શુભકામનાઓ’