I am GujaratEVM નહીં ATM ખરાબ થયા હોત તો લોકોનું ભલું થાતઃ હાર્દિક પટેલ
EVM ગરબડી મામલે હાર્દિકનો BJP પર પ્રહાર
ગુજરાતમાં વિધાનસભા ચૂંટણીની રસાકસી વધી રહી છે. જ્યાં એક બાજુ કોંગ્રેસ ઉપાધ્યક્ષ રાહુલ ગાંધી બીજેપી સરકાર પર હુમલા કરી રહ્યા છે, તો બીજી તરફથી PAAS નેતા હાર્દિક પટેલ પણ સતત બીજેપી પર નિશાનો સાધી રહ્યો છે. હાર્દિકે શનિવારે ટ્વીટ કરતા બીજેપી પર ફરીથી નિશાન સાધ્યું છે.
ટ્વીટ કરીને સાધ્યું નિશાન
હાર્દિકે ઈવીએમને લઈને વિપક્ષની આપત્તિઓના સમર્થનમાં બીજેપીને ટોણો મારતા ટ્વીટમાં કહ્યું કે, ‘વારંવાર EVM કેમ ખરાબ થાય છે. ક્યારે ક્યારે ATM ખરાબ થાય તો લોકોનું ભલું થયું હોત.’ હકિકતમાં યુપીમાં નગર પાલિકાની ચૂંટણી દરમિયાન કેટલીક જગ્યાઓ પરથી ઈવીએમમાં ગરબડીની થઈ હોવાની ફરિયાદો મળી હતી.
કોંગ્રેસે તપાસની માંગણી કરી
આ પહેલા કોંગ્રેસે ગુરુવારે માંગણી કરી હતી કે ઈલેક્ટ્રોનિક વોટિંગ મશીનની સુપ્રીમ કોર્ટના હાલના કે રિટાયર્ડ જજ દ્વારા સ્વતંત્ર તપાસ કરાવવામાં આવે. જેથી સ્વતંત્ર અને નિષ્પક્ષ ચૂંટણી યોજાઈ શકે.
UPની ચૂંટણીમાં સામે આવી સમસ્યા
ઉત્તર પ્રદેશમાં નગર પાલિકાની ચૂંટણીમાં ઘણી જગ્યાઓ પર ઈવીએમ સરખી રીતે કામ નહોતા કરતા અને કોઈપણ બટન દબાવવા છતાં બીજેપીને જ વોટ જવાની વિપક્ષે દલીલ કરી હતી. મીડિયામાં આવેલી ખબરોને આધાર બતાવતા કોંગ્રેસ પ્રવક્તા અભિષેક સિંધવીએ પત્રકારોને કહ્યું કે, માત્ર ઈવીએમની સ્વતંત્ર સમીક્ષા બાદ જ ગુજરાતમાં નિષ્પક્ષ રીતે ચૂંટણી સુનિશ્ચિત થઈ શકશે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
