જરૂર પડશે તો હું ચૂંટણી લડીશઃ હાર્દિક પટેલ

I am Gujarat

વિસનગર કોર્ટે હાર્દકને બે વર્ષની સજા આપી

અમદાવાદઃ અનામત આંદોલન દરમિયાન વર્ષ 2015ના રાયોટિંગ કેસમાં વિસનગર કોર્ટે હાર્દિક પટેલને દોષિત ઠેરવી બે વર્ષની સજા સંભળાવી હતી. પાંચ વર્ષ કરતા ઓછી સજા હોવાથી કોર્ટે તેને કોર્ટે જ જામીન આપ્યા હતા. જામીન બાદ હાર્દિક પટેલે મીડિયા સાથે વાતચીત કરતા કહ્યું હતું કે, સરકારથી જે થાય તે કરી લે, મારાથી જે થાય તે હું કરી લઈશ અને જરૂર પડશે તો ચૂંટણી પણ લડીશ.

25 ઓગસ્ટના રોજ હાર્દિક આમરણાંત ઉપવાસ કરશે

પાટીદાર આંદોલનને ફરી વેગ આપવા માટે આગામી 25 ઓગસ્ટના રોજ હાર્દિક પટેલ આમરણાંત ઉપવાર બેસી રહ્યો છે. ચૂકાદો આવ્યા બાદ હાર્દિકે મીડિયા સાથે વાત કરતા કહ્યું કે આમરણાંત ઉપવાસ કરીશે. જેના માટે મેં અમદાવાદ પોલીસ પાસે મંજૂરી પણ માંગી છે.

જયંતી ભાનુશાળીનો કેસ દબાવવા માટે આ ચૂકાદો

હાર્દિકે વધુમાં કહ્યું કે ભાજપ સરકાર દ્વારા જયંતી ભાનુશાળીના બળાત્કાર કેસને દબાવવા માટે અને લોકોનું ધ્યાન બદલવા માટે મારી સામેના કેસમાં આવા ચૂકાદા આપવામાં આવી રહ્યા છે. સરકાર કંઈ પણ કરે મારું આંદોલન ચાલું જ રહેશે.