ગુજરાતમાં આજથી 5 દિવસ સૌથી ભારે, હવામાનની અતિભારે વરસાદની આગાહી

અમદાવાદ: ગુજરાતના વિવિધ વિસ્તારોમાં વરસાદી માહોલ વચ્ચે હવામાન વિભાગે આજથી પાંચ દિવસ (17થી 21 ઓગસ્ટ) સુધી રાજ્યના મોટાભાગના જિલ્લાઓમાં અતિભારે વરસાદની આગાહી કરી છે. જેથી ગુજરાતમાં આજથી પાંચ દિવસ સૌથી ભારે રહેશે તેમ કહી શકાય છે. આ ઉપરાંત દક્ષિણ ગુજરાત અને મધ્ય ગુજરાતમાં આગામી 48 કલાક ભારે વરસાદની આગાહી છે. રાજ્યમાં લો પ્રેશર અને સાયક્લોનિક સર્ક્યુલેશન સિસ્ટમ સક્રિય હોવાને કારણે હવામાન વિભાગની આગામી 5 દિવસ અતિભારે વરસાદની આગાહી કરી છે.

રાજ્યના આ વિસ્તારોમાં 5 દિવસ દરમિયાન ધોધમાર વરસાદ

• 17 ઓગસ્ટ: બનાસકાંઠા, આણંદ અને કચ્છમાં ભારેથી અતિભારે વરસાદ પડશે. જ્યારે પાટણ, મહેસાણા, સાબરકાંઠા, ખેડા, અમદાવાદ, પંચમહાલ, દાહોદ, વડોદરા, છોટાઉદેપુર, નર્મદા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, રાજકોટ, સુરેન્દ્રનગર, જામનગર, પોરબંદર, મોરબી, દ્વારકા અને બોટાદમાં ભારે વરસાદ પડશે.
• 18 ઓગસ્ટ : આણંદ, બનાસકાંઠા, પાટણ, સુરેન્દ્રનગર, મોરબીમાં અતિભારે વરસાદ. જ્યારે મહેસાણા, સાબરકાંઠા, ગાંધીનગર, ખેડા, સુરત, નવસારી, વલસાડ, દમણ, દાદરા નગર હવેલી, જામનગર, જૂનાગઢ અને કચ્છમાં ભારે વરસાદ પડશે.
• 19 ઓગસ્ટ : ઉત્તર ગુજરાતના પાટણમાં અતિભારે વરસાદ પડવાની શક્યતા છે. જ્યારે મહેસાણા, સાબરકાંઠા, નવસારી, વલસાડ, દમણ, દાદરા નગર હવેલી, જામનગર, મોરબી, દ્વારકા અને ગીર સોમનાથમાં ભારે વરસાદ પડશે.
• 20 ઓગસ્ટ : ઉત્તર ગુજરાતના પાટણ, બનાસકાંઠા, ખેડા, અમદાવાદ, આણંદ, સુરત, નવસારી, દમણ, દાદરા નગર હવેલી, રાજકોટ, પોરબંદર, જૂનાગઢ, દ્વારકા, ગીર સોમનાથ અને કચ્છમાં ભારે વરસાદ પડવાની આગાહી.
• 21 ઓગસ્ટ : બનાસકાંઠા, પાટણ, અરવલ્લી, પંચમહાલ, મહિસાગર, સુરત અને નવસારીમાં ભારે વરસાદ પડવાની હવામાન ખાતાએ આગાહી કરી છે.