પાછળ બેસનારે પણ હેલમેટ પહેરવી ફરજિયાત

નવગુજરાત સમય > ગાંધીનગર

ગુજરાત સરકારે હવેથી તમામ પ્રકારના દ્વિચક્રી વાહનો અને પાછળ બેસનારાઓ માટે પણ હેલમેટ પહેરવી ફરજિયાત બનાવી છે. રાજ્ય સરકારે જારી કરેલા પરિપત્રમાં જણાવાયું હતું કે અત્યાર સુધી પાછળ બેસનારા, સ્ત્રીઓ અને ૧૨ વર્ષની નીચેના બાળકો અને 50 સીસીથી ઓછી ક્ષમતા ધરાવતા વાહન ચાલકને હેલમેટ પહેરવામાંથી મુક્તિ આપવામાં આવતી હતી, પરંતુ આ મુક્તિ આપતા જાહેરનામાને રદ કરવામાં આવે છે. તેનો મતલબ એમ થયો કે તમામ દ્વિચક્રી વાહનચાલકોએ અને તેની પાછળ બેસનારા લોકોએ હેલમેટ પહેરવી પડશે.