વિસ્મય શાહ કેસમાં હાઈ કોર્ટે સુનવણી 11 નવેમ્બર સુધી મુલતવી રાખી

અમદાવાદઃ BMW હિટ એન્ડ રન કેસના આરોપી વિસ્મય શાહે પાંચ વર્ષની સજા સામે અપીલ ફાઈલ કરી છે. ગુજરાત હાઈકોર્ટે સોમવારે તેની સુનવણી 11 નવેમ્બર સુધી મુલતવી રાખી હતી. ઉલ્લેખનીય છે કે 2013માં થયેલા આ હિટ એન્ડ રન કેસમાં રાહુલ પટેલ અને શિવમ દવેએ જીવ ગુમાવ્યો હતો.હવે ટેલિગ્રામ પર મેળવો દરેક મહત્વના સમાચાર, શરુ કરવા અહીં ક્લિક કરોછેલ્લે જજ સોનિયા ગોકાણીએ શાહની સજા સામેની અપીલ અને મૃતકના સ્વજન દ્વારા વિસ્મયની સજા લંબાવવાની અરજી અંગે સુનવણી કરી હતી. શાહને 2015માં સેશન્સ કોર્ટે બેજવાબદાર ડ્રાઈવિંગ બદલ પાંચ વર્ષની જેલની સજા ફટકારી હતી. 2018માં સુનવણીના ત્રણ વર્ષ બાદ મૃતકના પરિવારે શાહ સાથે સમાધાન કર્યું હતું અને હાઈ કોર્ટને સમાધાન અંગે જાણ કરી હતી.ડિસેમ્બર 2018માં શાહ તેની પત્ની અને મિત્રો સાથે અડાલજના ફાર્મ હાઉસ ખાતે દારુની મહેફિલ માણતો ઝડપાયો હતો. તેની ગુજરાત પ્રોહિબિશન એક્ટ હેઠળ ધરપકડ કરવામાં આવી હતી અને તેને જેલ ભેગો કરવામાં આવ્યો હતો. જામીન પર છૂટ્યા બાદ હાઈ કોર્ટે તેને છ મહિના સુધી દરેક વીકેન્ડ પર સમાજસેવા કરવાનો આદેશ આપ્યો હતો.