અમદાવાદઃ લગ્ન જીવન પછી આડા સંબંધોના કારણે ભંગાણ પડતું હોય છે, આવામાં વ્યક્તિ પોતાના લગ્નેત્તર સંબંધોને મહત્વ આપવાના બદલે બહારના સંબંધોને મહત્વ આપે ત્યારે પાર્ટનર માનસિક ત્રાસ પણ અનુભવતી હોય છે. અમદાવાદના વટવામાં આવો એક કિસ્સો બન્યો છે જેમાં પતિએ પત્નીને પોતે પર સ્ત્રી સાથે સંબંધ રાખશે તેવી વાત કરી દેતા મહિલાએ પોલીસ ફરિયાદ નોંધાવી છે.
વટવામાં રહેતી 21 વર્ષની પાયલ (નામ બદલ્યું છે)ના લગ્ન ભાવનગરના યુવક સાથે થયા હતા. લગ્નના થોડા સમય પછી પત્નીને પતિનું બીજે લફડું ચાલતું હોવાનું માલુમ પડ્યું હતું. જ્યારે પાયલે આ અંગે પતિને વાત કરી તો પતિએ પોતાની ભૂલ કબૂલવાના બદલે તેની સાથે ઝઘડો કરીને મારામારી કરી હતી. આ સિવાય પાયલના સાસુ અને દિયર તેને કહેતા કે આસપાસની વહુઓ કેટલું દહેજ લાવી છે તું તો તારા મા-બાપના ઘરેથી કશું નથી લાવી. આ બધી બાબતોથી પાયલને માનસિક અને શારીરિક ત્રાસ મળવાનું શરુ થયું હતું.
પાયલે પોતાનો પરિવાર તૂટે નહીં તે માટે બધું મૂંગા મોઢે સહન કરવાનું શરુ કર્યું હતું. તો બીજી તરફ પતિએ તેને કહ્યું કે, તું મને ગમતી નથી, તારી સાથે મારે રહેવું નથી, તેવું કહીને માનસિક ત્રાસ આપતો હતો, જેના લીધે પાયલ પિયરમાં રહેવા માટે ચાલી ગઈ હતી. આ પછી પણ પતિ તેને અવાર-નવાર ફોન કરીને હું તને લેવા માટે આવવાનો નથી તેમ કહીને માનસિક ત્રાસ આપતો રહેતો હતો.
પતિએ પત્નીને એવી પણ ધમકી આપી હતી કે, હું તને તડપાવી-તડપાવીને મારી નાખીશ, તું તડપે છે એમાં જ મને મજા આવે છે.
પોતાના પતિ અને સાસરિયાના ત્રાસથી કંટાળીને આખરે પાયલે વટવા પોલીસ સ્ટેશનમાં ફરિયાદ નોંધાવી છે. પોલીસે પતિ, સાસુ અને દિયર સામે પોલીસ ફરિયાદ કરીને કાર્યવાહી કરી છે.
વટવામાં રહેતી 21 વર્ષની પાયલ (નામ બદલ્યું છે)ના લગ્ન ભાવનગરના યુવક સાથે થયા હતા. લગ્નના થોડા સમય પછી પત્નીને પતિનું બીજે લફડું ચાલતું હોવાનું માલુમ પડ્યું હતું. જ્યારે પાયલે આ અંગે પતિને વાત કરી તો પતિએ પોતાની ભૂલ કબૂલવાના બદલે તેની સાથે ઝઘડો કરીને મારામારી કરી હતી. આ સિવાય પાયલના સાસુ અને દિયર તેને કહેતા કે આસપાસની વહુઓ કેટલું દહેજ લાવી છે તું તો તારા મા-બાપના ઘરેથી કશું નથી લાવી. આ બધી બાબતોથી પાયલને માનસિક અને શારીરિક ત્રાસ મળવાનું શરુ થયું હતું.
પાયલે પોતાનો પરિવાર તૂટે નહીં તે માટે બધું મૂંગા મોઢે સહન કરવાનું શરુ કર્યું હતું. તો બીજી તરફ પતિએ તેને કહ્યું કે, તું મને ગમતી નથી, તારી સાથે મારે રહેવું નથી, તેવું કહીને માનસિક ત્રાસ આપતો હતો, જેના લીધે પાયલ પિયરમાં રહેવા માટે ચાલી ગઈ હતી. આ પછી પણ પતિ તેને અવાર-નવાર ફોન કરીને હું તને લેવા માટે આવવાનો નથી તેમ કહીને માનસિક ત્રાસ આપતો રહેતો હતો.
પતિએ પત્નીને એવી પણ ધમકી આપી હતી કે, હું તને તડપાવી-તડપાવીને મારી નાખીશ, તું તડપે છે એમાં જ મને મજા આવે છે.
પોતાના પતિ અને સાસરિયાના ત્રાસથી કંટાળીને આખરે પાયલે વટવા પોલીસ સ્ટેશનમાં ફરિયાદ નોંધાવી છે. પોલીસે પતિ, સાસુ અને દિયર સામે પોલીસ ફરિયાદ કરીને કાર્યવાહી કરી છે.