ગાંધીનગર: 'બાપના ઘરેથી 5 લાખ રૂપિયા લેતી આવજે, નહીંતર ઘરમાં રહેવા નહીં દઉં'

ગાંધીનગર: લગ્ન જીવનના 17 વર્ષ બાદ પતિ પત્નીનો ત્રાસ આપતો હોવાની ચિલોડા પોલીસ સ્ટેશનમાં ફરિયાદ નોંધાઈ છે. પ્રાપ્ત માહિતી અનુસાર ચિલોડાના ગિયોડ ગામમાં રહેતી પરિણીતાને પતિએ ડેરીમાથી આવેલા રૂપિયા બાબતે તકરાર કરીને મારત માર્યો હતો અને બાપના ઘરેથી 5 લાખ રૂપિયા લેતી આવજે, નહીંતર ઘરમાં નહીં રહેવા દઉં તેવી ધમકી આપીને ત્રાસ ગુજાર્યો હતો.

લગ્નના 17 વર્ષ બાદ પતિનો પત્નીને ત્રાસ
સમગ્ર મામલે પોલીસ સૂત્રો પાસેથી પ્રાપ્ત માહિતી અનનસાર ચિલોડાના ગિયોડ ગામમાં રહેતી પરિણાતાએ ફરિયાદ નોંધાવી હતી કે, તેના લગ્ન વર્ષ 2005માં થયા હતા અને આ લગ્નજીવનથી બે બાળકોને જન્મ આપ્યો હતો. શરૂઆતથી જ પતિ દ્વારા નાની-નાની બાબતોમાં તકરાર કરવામાં આવતી હતી અને તાજેતરમાં ડેરીમાંથી આવેલા દૂધના વધારાના રૂપિયા પતિએ માંગી લીધા હતા.

પતિના અન્ય સ્ત્રી સાથે સંબંધ હાવોની શંકાજો કે, પરિણીતાએ કહ્યું હતું કે, બાળકોની સ્કૂલની ફી ભરવાની બાકી છે. ત્યારે પતિ ઉશ્કેરાયો હતો મારવા લાગ્યો. તેમજ ધમકી આપી કે, બાપના ઘરેથી રૂપિયા લેતી આવજે. સમગ્ર મામલે સ્થાનિક પોલીસે પતિ સામે ગુનો દાખલ કરીને ધરપકડ સહિતની કાર્યવાહી હાથ ધરી હોવાનું જાણવા મળ્યું છે. મીડિયા રિપોર્ટ અનુસાર પતિને માણસા તાલુકામાં રહેતી એક મહિલા સાથે પણ સંબંધ હોવાનું પરિણીતાને લાગી રહ્યું છે.