રુ. 5.92 લાખના લૂંટ કેસમાં ટ્વિસ્ટ, 100 ગ્રામ સોનાનું બિસ્કિટનું બીલ ન હોવાથી ફરિયાદી ફસાયો
મૂળ ઉત્તર પ્રદેશના અને રિયાદમાં અઢી વર્ષથી કામ કરતા બે મુસાફર અમદાવાદ એરપોર્ટ પર ઉતર્યા હતા. ત્યારે કસ્ટમ અધિકારી તરીકેની ઓળખ આપીને કેટલાંક શખસોએ તેમની પાસેથી રૂપિયા 5.92 લાખની લૂંટ ચલાવી હતી. આ લૂંટમાં 100 ગ્રામ સોનાનું બિસ્કિટ પણ હતું. જો કે, ફરિયાદીએ હજુ સુધી આ સોનાનું બિસ્કિટનું બીલ રજૂ ન કર્યુ હોવાથી તેની વિરુદ્ધ પણ કાયદાકીય કાર્યવાહી થઈ શકે છે.
હાઈલાઈટ્સ:
- એરપોર્ટ પર ઉતરેલા મુસાફર પાસેથી રુપિયા 5.92 લાખની લૂંટ
- કસ્ટમ અધિકારી તરીકેની ઓળખ આપીને આરોપીઓએ લૂંટ ચલાવી
- પોલીસે 6 શખસોને ઝડપી પાડ્યા, એક સવાલ પોલીસને સતાવી રહ્યો છે
અમદાવાદઃ કસ્ટમ અધિકારી તરીકે પોતાની ઓળખ આપીને મુસાફર પાસેથી સોનાનું બિસ્કિટ સહિત કુલ રુપિયા 5.92 લાખની લૂંટ કરવા બદલ ( Impersonating Customs officials and looting a passenger)એરપોર્ટ પોલીસે છ આરોપીઓની ધરપકડ કરી છે. પણ આ કેસમાં જબરો ટ્વિસ્ટઆવ્યો છે. બીજી તરફ, આ ઘટનાના એક અઠવાડિયા બાદ પોલીસને એક સવાલ સતાવી રહ્યો છે. નકલી કસ્ટમ અધિકારી બનીને આવેલા શખસોને કેવી રીતે ખબર પડી કે આ મુસાફર સોનું લઈને જઈ રહ્યો છે. સાથે જ હજુ પણ પીડિત દ્વારા સોનાના (Ahmedabad News) બિસ્કિટની ખરીદીનું બીલ રજૂ કરવામાં આવ્યું નથી. બનાવની વિગતો એવી છે કે, મૂળ ઉત્તર પ્રદેશના મોહમ્મદ ફૈઝલ અને તેનો મિત્ર અબ્દુલ અહમદ છેલ્લાં અઢી વર્ષથી રિયાદમાં કામ કરે છે. ગઈ 7 જૂનના રોજ સવારે તેઓ અમદાવાદ ઈન્ટરનેશનલ એરપોર્ટ પર ઉતર્યા હતા. ત્યારે નકલી કસ્ટમ અધિકારી બનીને આવેલા શખસોએ તેમને રોક્યા હતા અને રુપિયા 5.92 લાખની લૂંટ ચલાવી હતી. આ ઘટના બાદ પીડિતોએ પોલીસ ફરિયાદ દાખલ કરી હતી. જે બાદ પોલીસે એરપોર્ટ પર સર્વિસ પૂરી પાડતી નમસ્તે-જી કંપનીના પાંચ કર્મચારીની ધરપકડ કરી હતી.
સાથે જ પોલીસે શશીકાંત તિવારી નામના છઠ્ઠા શખસની પણ ધરપકડ કરી હતી. પોલીસે તેમની પાસેથી સોનાનું બિસ્કિટ, ફોન અને રોકડ રુપિયા પણ કબજે કર્યા છે. પોલીસ પૂછપરછ દરમિયાન નમસ્તે-જી કંપનીના પાંચ કર્મચારીઓએ જણાવ્યું કે, તિવારી નામનો શખસ તેમને માહિતી આપતો કે કયા મુસાફરને શિકાર બનાવવાનો છે. જો કે, પોલીસ હજુ સુધી આ માહિતાનો સ્ત્રોત શોધી શકી નથી. સૂત્રોનું કહેવું છે કે, પોલીસ હવે દિલ્હીમાં રહેતા પુનિત તિવારી નામના શખસને શોધી રહી છે.
છ આરોપીઓ ઝડપાયા
જો કે, આ કેસમાં પોલીસે કુલ છ આરોપીઓની ધરપકડ કરી છે. બીજી તરફ, મોહમ્મદ ફૈઝલે તેની પાસેથી લૂંટી લેવામાં આવેલા 100 ગ્રામ સોનાનું બિસ્કિટનું બીલ રજૂ કર્ય નથી, એવું સૂત્રોનું કહેવું છે. જો મોહમ્મદ ફૈઝલ બીલ રજૂ ન કરી શકે તો શું તેના પર કાર્યવાહી થઈ શકે છે, એવું જ્યારે પૂછવામાં આવ્યું ત્યારે પોલીસ ઈન્સપેક્ટર આર.આર.દેસાઈએ જણાવ્યું કે, હાલ આ તપાસનો વિષય છે. જો ફરિયાદી આ બીલ રજૂ ન કરી શકે તો તેની વિરુદ્ધ કાયદાકીય કાર્યવાહી થઈ શકે છે. જ્યારે તિવારી મુસાફરોને કેવી રીતે નિશાન બનાવતો એ મામલે હાલ તપાસ ચાલી રહી છે.
સાથે જ પોલીસે શશીકાંત તિવારી નામના છઠ્ઠા શખસની પણ ધરપકડ કરી હતી. પોલીસે તેમની પાસેથી સોનાનું બિસ્કિટ, ફોન અને રોકડ રુપિયા પણ કબજે કર્યા છે. પોલીસ પૂછપરછ દરમિયાન નમસ્તે-જી કંપનીના પાંચ કર્મચારીઓએ જણાવ્યું કે, તિવારી નામનો શખસ તેમને માહિતી આપતો કે કયા મુસાફરને શિકાર બનાવવાનો છે. જો કે, પોલીસ હજુ સુધી આ માહિતાનો સ્ત્રોત શોધી શકી નથી. સૂત્રોનું કહેવું છે કે, પોલીસ હવે દિલ્હીમાં રહેતા પુનિત તિવારી નામના શખસને શોધી રહી છે.
છ આરોપીઓ ઝડપાયા
જો કે, આ કેસમાં પોલીસે કુલ છ આરોપીઓની ધરપકડ કરી છે. બીજી તરફ, મોહમ્મદ ફૈઝલે તેની પાસેથી લૂંટી લેવામાં આવેલા 100 ગ્રામ સોનાનું બિસ્કિટનું બીલ રજૂ કર્ય નથી, એવું સૂત્રોનું કહેવું છે. જો મોહમ્મદ ફૈઝલ બીલ રજૂ ન કરી શકે તો શું તેના પર કાર્યવાહી થઈ શકે છે, એવું જ્યારે પૂછવામાં આવ્યું ત્યારે પોલીસ ઈન્સપેક્ટર આર.આર.દેસાઈએ જણાવ્યું કે, હાલ આ તપાસનો વિષય છે. જો ફરિયાદી આ બીલ રજૂ ન કરી શકે તો તેની વિરુદ્ધ કાયદાકીય કાર્યવાહી થઈ શકે છે. જ્યારે તિવારી મુસાફરોને કેવી રીતે નિશાન બનાવતો એ મામલે હાલ તપાસ ચાલી રહી છે.