અમદાવાદ: દક્ષિણ ગુજરાતના કેટલાક જિલ્લાઓ જેવા કે વલસાડ, નવસારી, સુરત, નર્મદા, તાપી, વગેરેમાં રવિવારે ભારે વરસાદ નોંધાયો હતો. વરસાદના આંકડાઓ પર નજર કરીએ તો સવારે 6થી 8 વાગ્યા દરમિયાન સૌથી વધારે વલસાડ જિલ્લાના ઉમરગામમાં 234 મીમી, વાપી 226 મીમી અને જલાલપોરમાં 153 મીમી વરસાદ નોંધાયો હતો. જો કે, અમદાવાદમાં હજી વરસાદ માટે રાહ જોવી પડે તેવી સંભાવના છે.
અમદાવાદ સહિત ગુજરાતના અન્ય ભાગોમાં વરસાદ માટે લાંબી રાહ જોવી પડે એમ ભારતીય હવામાન વિભાગની આગાહી દર્શાવે છે. જો કે, અન્ય જિલ્લાઓમાં આગામી ચાર દિવસોમાં હળવાથી મધ્યમ વરસાદ પડશે.
આઇએમડીના જણાવ્યા અનુસાર રવિવારે શહેરમાં વરસાદ ન પડ્યો હોવાને કારણે સોમવારે હળવો વરસાદ પડી શકે છે. શહેરનું મહત્તમ તાપમાન 32.9 ડિગ્રી સેલ્સિયસ નોંધાયું હતું, જે સામાન્ય કરતા 0.4 ડિગ્રી ઓછું હતું, જ્યારે લઘુત્તમ તાપમાન વધીને 28.3 ડિગ્રી થઈ ગયું હતું, જે સામાન્ય કરતા 2.4 ડિગ્રી વધારે છે. સૌથી વધુ અને ન્યૂનતમ તાપમાન વચ્ચેનો તફાવત ફક્ત 4..6 ડિગ્રી હતો.
વેરાવળ અને સુરત સિવાય અન્ય તમામ હવામાન મથકોમાં મહત્તમ તાપમાન 31 ડિગ્રીથી વધુ નોંધાયું હતું. મધ્ય અને ઉત્તર ગુજરાતના જિલ્લાઓમાં નોંધપાત્ર વરસાદ માટે કોઈ સિસ્ટમ સક્રિય નથી. રાજ્યને વ્યાપક વરસાદ માટે ઓછામાં ઓછા ચાર-પાંચ દિવસ રાહ જોવી પડશે એમ આઈએમડીના વરિષ્ઠ અધિકારીએ જણાવ્યું હતું.
રાજ્યમાં સીઝનનો 22 ટકા વરસાદગુજરાત સામાન્ય રીતે ચોમાસાની સીઝન દરમિયાન કુલ સરેરાશ 840 મીમી એટલે કે 33 ઈંચ જેટલો વરસાદ પડે છે અને કુલ 85.54 લાખ હેક્ટર જમીનમાં ધાન્ય, કઠોળ, મગફળી, કપાસ અન્ય તેલિબિયા ઉપરાંત અન્ય પાકોનું વાવેતર થાય છે. આંકડા પર નજર કરીએ તો 18 જુલાઈ સુધી રાજ્યમાં સીઝનનો 7 ઈંચ એટલે કે 22 ટકા વરસાદ નોંધાયો છે. જે ગત સીઝનની સરખામણીમાં આ દિવસ સુધીમાં થયેલા 36 ટકા વરસાદની સામે 14 ટકા જેટલા વરસાદની ઘટ દર્શાવે છે.
અમદાવાદ સહિત ગુજરાતના અન્ય ભાગોમાં વરસાદ માટે લાંબી રાહ જોવી પડે એમ ભારતીય હવામાન વિભાગની આગાહી દર્શાવે છે. જો કે, અન્ય જિલ્લાઓમાં આગામી ચાર દિવસોમાં હળવાથી મધ્યમ વરસાદ પડશે.
આઇએમડીના જણાવ્યા અનુસાર રવિવારે શહેરમાં વરસાદ ન પડ્યો હોવાને કારણે સોમવારે હળવો વરસાદ પડી શકે છે. શહેરનું મહત્તમ તાપમાન 32.9 ડિગ્રી સેલ્સિયસ નોંધાયું હતું, જે સામાન્ય કરતા 0.4 ડિગ્રી ઓછું હતું, જ્યારે લઘુત્તમ તાપમાન વધીને 28.3 ડિગ્રી થઈ ગયું હતું, જે સામાન્ય કરતા 2.4 ડિગ્રી વધારે છે. સૌથી વધુ અને ન્યૂનતમ તાપમાન વચ્ચેનો તફાવત ફક્ત 4..6 ડિગ્રી હતો.
વેરાવળ અને સુરત સિવાય અન્ય તમામ હવામાન મથકોમાં મહત્તમ તાપમાન 31 ડિગ્રીથી વધુ નોંધાયું હતું. મધ્ય અને ઉત્તર ગુજરાતના જિલ્લાઓમાં નોંધપાત્ર વરસાદ માટે કોઈ સિસ્ટમ સક્રિય નથી. રાજ્યને વ્યાપક વરસાદ માટે ઓછામાં ઓછા ચાર-પાંચ દિવસ રાહ જોવી પડશે એમ આઈએમડીના વરિષ્ઠ અધિકારીએ જણાવ્યું હતું.
રાજ્યમાં સીઝનનો 22 ટકા વરસાદગુજરાત સામાન્ય રીતે ચોમાસાની સીઝન દરમિયાન કુલ સરેરાશ 840 મીમી એટલે કે 33 ઈંચ જેટલો વરસાદ પડે છે અને કુલ 85.54 લાખ હેક્ટર જમીનમાં ધાન્ય, કઠોળ, મગફળી, કપાસ અન્ય તેલિબિયા ઉપરાંત અન્ય પાકોનું વાવેતર થાય છે. આંકડા પર નજર કરીએ તો 18 જુલાઈ સુધી રાજ્યમાં સીઝનનો 7 ઈંચ એટલે કે 22 ટકા વરસાદ નોંધાયો છે. જે ગત સીઝનની સરખામણીમાં આ દિવસ સુધીમાં થયેલા 36 ટકા વરસાદની સામે 14 ટકા જેટલા વરસાદની ઘટ દર્શાવે છે.