અમદાવાદ: શહેરના સરખેજ વિસ્તારના ઉજાલા સર્કલ પાસે રાતના સમયે એક કાર બ્રિજ ઉપરથી પલટી ગઈ હતી. આ દુર્ઘટનામાં કારમાં સવાર બે મિત્રોના મોત થયા હોવાનું જાણવા મળે છે. સમગ્ર મામલે ટ્રાફિક પોલીસે ગુનો નોંધીને વધુ તપાસ હાથ ધરી છે. મળતી માહિતી મુજબ, ઉજાલા સર્કલ પાસે સર્જાયેલી આ દુર્ઘટનામાં કારમાં જઈ રહેલા બે મિત્રો સંદીપ (ઉંમર 35 વર્ષ) અને જિગ્નેશ (ઉંમર 28 વર્ષ)ના મોત નીપજ્યા છે. તેઓ રાત્રે એસજી હાઈવે પર ઉજાલા બ્રિજ પરથી કાર લઇને જઈ રહ્યા હતા. દરમિયાન તેમની કાર બે વખત પલટી ખાઇ ગઇ હતી, જેથી કાર બ્રિજ ઉપરથી નીચે પટકાઇ હતી.
આ ઘટનામાં વધુ મળતી માહિતી મુજબ, જિગ્નેશ નામનો 28 વર્ષીય યુવક પાનના ગલ્લા પર નોકરી કરતો હતો અને તેનો મિત્ર 35 વર્ષીય મિત્ર સંદીપ ભાડે કાર ચલાવતો હતો. સંદીપની ઈનોવા કારમાં સાથે બેસીને જિગ્નેશ અને સંદીપ જઈ રહ્યા હતા ત્યારે સરખેજના ઉજાલા બ્રિજ પરથી પૂરપાટ ઝડપે જઈ રહેલી તેઓની કાર પલટી મારીને નીચે પટકાઈ હતી. કાર પલટી મારતા જ બંને મિત્રો ગંભીરરીતે ઈજાગ્રસ્ત થયા હતા. આ કાર કઈ રીતે પલટી ખાઈ ગઈ તે હજુ સુધી સામે આવ્યું નથી. તેમજ આ બંને મિત્રો ક્યાં જઈને આવ્યા હતા અથવા ક્યાં જઈ રહ્યા હતા તે પણ હજુ સ્પષ્ટ થયું નથી.
આ ઘટનામાં વધુ મળતી માહિતી મુજબ, જિગ્નેશ નામનો 28 વર્ષીય યુવક પાનના ગલ્લા પર નોકરી કરતો હતો અને તેનો મિત્ર 35 વર્ષીય મિત્ર સંદીપ ભાડે કાર ચલાવતો હતો. સંદીપની ઈનોવા કારમાં સાથે બેસીને જિગ્નેશ અને સંદીપ જઈ રહ્યા હતા ત્યારે સરખેજના ઉજાલા બ્રિજ પરથી પૂરપાટ ઝડપે જઈ રહેલી તેઓની કાર પલટી મારીને નીચે પટકાઈ હતી. કાર પલટી મારતા જ બંને મિત્રો ગંભીરરીતે ઈજાગ્રસ્ત થયા હતા. આ કાર કઈ રીતે પલટી ખાઈ ગઈ તે હજુ સુધી સામે આવ્યું નથી. તેમજ આ બંને મિત્રો ક્યાં જઈને આવ્યા હતા અથવા ક્યાં જઈ રહ્યા હતા તે પણ હજુ સ્પષ્ટ થયું નથી.