અમદાવાદમાં આવકવેરા વિભાગના 16 સ્થળે દરોડા, કરોડોની રોકડ ઝડપાઈ

અમદાવાદ: દિવાળીના તહેવાર નજીકમાં છે, તે સમયે આઈટી વિભાગ દ્વારા અમદાવાદમાં સર્ચ ઓપરેશન હાથ ધરવામાં આવ્યું છે. ટેક્સટાઈલ વેપારીઓ, બિલ્ડરો અને બ્રોકરો પર આઈટીની તવાઈથી ફફડાટ ફેલાઈ ગયો છે. અમદાવાદમાં કુલ 16 જેટલા સ્થળોએ આવકવેરા વિભાગે દરોડા પાડ્યા હોવાની માહિતી મળી રહી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: https://t.me/iamgujaratofficial માત્ર બે જ સ્થળેથી મળી આટલી બધી રોકડ, હજુ વધુ રકમ બહાર આવવાી શક્યતા… મળતી માહિતી મુજબ, આ દરોડામાં આવકવેરા વિભાગે 7 કરોડની રોકડ અને સોનાના ઘરેણાં જપ્ત કર્યા છે. માત્ર બે સ્થળોએથી જ આવકવેરા વિભાગને આટલી મોટી રકમ હાથ લાગી છે. આવકવેરા વિભાગ જપ્ત કરાયેલા અન્ય ડોક્યુમેન્ટ્સની ચકાસણી કરી રહી છે. દિવાળી સમયે જ દરોડાથી ફેલાયો ફફડાટ જાણવા મળ્યા મુજબ, શહેરમાં બિલ્ડરો અને જમીન દલાલો ઉપરાંત કાપડના વેપારી અને ફાઈનાન્સરોની ઓફિસો અને ઘર પર પણ દરોડા પડાયા છે. આવકવેરા વિભાગે એસ જી હાઈવે અને સિંધુ ભવન રોડ પર વિવિધ સ્થળોએ દરોડા પડાયા હતા. સારંગપુર વિસ્તારમાં આવેલા સફલ-3 બિઝનેસ કોમ્પ્લેક્ષમાં પણ સર્ચ ઓપરેશન હાથ ધરાયું હતું.