ST વિભાગમાં કંડક્ટરની 2389 જગ્યા માટે ભરતી, 10 પાસ પણ કરી શકશે એપ્લાય

ગુજરાત રાજ્ય માર્ગ વાહન વ્યવહાર નિગમ દ્વારા કંડક્ટરની ખાલી પડેલી 2000થી વધુની જગ્યા માટે ભરતીની જાહેરાત કરવામાં આવી છે. કંડક્ટરની ખાલી જગ્યાઓ પર ભરતી થવાથી વિભાગની કામગીરી વધુ ઝડપી બનશે. ઉપરાંત શિક્ષિત-બેરોજગાર ધો.10 પાસ થયેલા યુવાનોને પણ રોજગારી મળશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ગુજરાત એસ.ટી વિભાગ દ્વારા 2389 ખાલી જગ્યાઓ પર કંડક્ટરની ભરતી કરવા જાહેરાત બહાર પડાઈ છે. આ ભરતી અંગેની માહિતી https://gsrtc.in વેબસાઈટ પર મુકવામાં આવી છે. તથા અરજી કરવાનો સમયગાળો 1 નવેમ્બર 2019થી 30 નવેમ્બર 2019 સુધી રાખવામાં આવ્યો છે. ઓનલાઈન અરજી કરવા માટે ઉમેદવારે https://ojas.gujarat.gov.in વેબસાઈટ પર ફોર્મ ભરવાનું રહેશે. ભરતી અંગેની વિગતો કંડક્ટર માટેની ભરતી માટે લઘુતમ શૈક્ષણિક લાયકાત ધોરણ 10 પાસ રાખવામાં આવી છે. ઉમેદવારની ઉંમર 18થી વધારે અને 35 વર્ષથી ઓછી ન હોવી જોઈએ. અનામત અને માજી સૈનિક તથા મહિલા ઉમેદવારોને ઉંમરમાં 5 વર્ષની વધારાની છૂટ આપવામાં આવી છે. ઉપરાંત તેની પાસે પ્રાદેશિક વાહન વ્યવહાર કચેરી તરફથી મળેલ કંડક્ટર લાયસન્સ તથા બેઝ હોવા જરૂરી છે. આ ભરતીમાં ધોરણ 12 અથવા સ્નાતક થયેલા ઉમેદવારોને અગ્રતા આપવામાં આવશે. પગાર ધોરણ પસંદગી પામનાર ઉમેદવારોને કંડક્ટરની કક્ષામાં પ્રથમ પાંચ વર્ષ માટે માસિક રૂ. 16000 ફીક્સ પગારના કરારથી નિમણુંક અપાશે. પાંચ વર્ષની સંતોષકારક સેવાઓ પૂરી થયા બાદ પે-મેટ્રીક્સ રૂ.15700-50000ના પગાર ધોરણમાં નિયમિત નિમણુંક મળવા પાત્ર રહેશે. ભરતી અંગેની વધુ માહિતી માટે અહીં ક્લિક કરો