AMCમાં સહાયક જૂનિયર ક્લાર્કની ભરતીનો વિવાદ, મ્યુનિસિપલ કમિશનરે આપી સ્પષ્ટતા

અમદાવાદ: હાલમાં જ એએમસીમાં સહાયક જૂનિયર ક્લાર્કની ભરતીને લઈને વિવાદ છેડાયો હતો. 38 સહાયક જૂનિયર ક્લાર્કની નિમણૂકનું લિસ્ટ સોશિયલ મીડિયા પર વાયરલ થયું હતું. કથિત રીતે અમદાવાદ મ્યુનિસિપલ કોર્પોરેશન (AMC) દ્વારા એવા ઉમેદવારોની ભરતી કરવામાં આવી હતી જેઓ જાણીતા અથવા એકબીજાના સંબંધી હતા. મતલબ કે, એક જ પરિવારમાંથી બે-ત્રણ લોકોને સરકારી નોકરી મળી હોવાના આરોપ મૂકાયા હતા.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોઆ મુદ્દે હવે અમદાવાદ મ્યુનિસિપલ કોર્પોરેશનના કમિશનર વિજય નહેરાએ સ્પષ્ટતા આપી છે. વિજય નહેરાએ કહ્યું, કેટલાક કિસ્સામાં ઉમેદવારોના પિતાના નામ એકસરખા હતા પરંતુ તેમની માતાના નામ અને એડ્રેસ ભિન્ન હતા. બાદમાં નિયુક્ત કરાયેલા સહાયક જૂનિયર ક્લાર્કના નામની વિગતવાર યાદી જાહેર કરાઈ હતી. જેમાં તેમની માતાના નામ અને ઘરના એડ્રેસ પણ હતા. જણાવી દઈએ કે, મ્યુનિસિપલ કોર્પોરેશને તાજેતરમાં જ 434 સહાયક જૂનિયર ક્લાર્કની ભરતી પ્રક્રિયા કરી હતી. પરીક્ષા બાદ ઉમેદવારોના ઈન્ટરવ્યૂ લેવામાં આવ્યા હતા. ત્યારે છેલ્લા થોડા દિવસથી સોશિયલ મીડિયા પર 38 ઉમેદવારોની એક યાદી ફરતી થતાં વિવાદ સર્જાયો હતો.ઉલ્લેખનીય છે કે, અમદાવાદ મ્યુનિસિપલ કોર્પોરેશનમાં વિરોધ પક્ષના નેતા દિનેશ શર્માએ મ્યુનિસિપલ કમિશનર વિજય નહેરાને એક પત્ર લખ્યો હતો. જેમાં ઉમેદવારોના પિતાના નામ સમાન હોવાથી ભરતી શંકાસ્પદ હોવાની વાત કરી હતી. દિનેશ શર્માએ પત્રમાં લખ્યું કે, ત્રણ ઉમેદવારો એવા હતા જેમના પિતાનું નામ સુરેશભાઈ હતું, જ્યારે બે કેસમાં ઉમેદવારોના પિતાનું નામ રસિકભાઈ અને બીજા બે કેસમાં પિતાનું નામ વિષ્ણુભાઈ હતું.આઝમગઢમાં નરાધામે દીકરી અને માતા પર આચર્યું દુષ્કર્મ