'તમારો નંબર 36મો છે...' અમદાવાદના સ્મશાનગૃહોમાં ચાલી રહ્યું છે કલાકોનું વેઈટિંગ
સરકારી હોસ્પિટલમાં બોડીનો કબજો લેવા ઉપરાંત અંતિમવિધિ કરવા માટે પણ કલાકો સુધી રાહ જોવી પડે છે
અમદાવાદ: એલિસબ્રિજ વિસ્તારમાં રહેતા શિવમ રાજગોરને સિવિલ હોસ્પિટલમાંથી શુક્રવારે સવારે સાત વાગ્યે ફોન આવ્યો કે છેલ્લા એક સપ્તાહથી હોસ્પિટલમાં કોરોનાની સારવાર લઈ રહેલા તેમના મોટા બહેનનું મોત થયું છે.
મૃતદેહનો કબજો લેવા માટે શિવમ અને તેના પરિવારજનો તાત્કાલિક હોસ્પિટલ પહોંચ્યા, અને ચાર કલાકની કાર્યવાહી બાદ સવારે 11.30 કલાકે તેમને બોડી સોંપી દેવાઈ. પરંતુ મૃતદેહ મેળવવા માટે કલાકો રાહ જોયા બાદ હવે શિવમને બહેનના અંતિમ સંસ્કાર કરવા માટે પણ ભારે હ્રદયે કલાકો રાહ જોવાની બાકી હતી.
બહેનની અંતિમક્રિયા કરવા માટે શિવમના પરિવારજનો વાડજ સ્મશાનગૃહ ગયા, પરંતુ ત્યાં તેમને કહેવાયું કે વેઈટિંગ વધારે હોવાથી ત્રણ-ચાર કલાક રાહ જોવી પડશે. ત્યારબાદ તેમણે વીએસ સ્મશાનગૃહનો સંપર્ક કર્યો, જ્યાં લાઈન થોડી ઓછી હોવાનું જાણવા મળતા તેઓ ત્યાં પહોંચ્યા.
શુક્રવારની આ ઘટના વિશે શિવમે જણાવ્યું હતું કે, સ્મશાનમાં તેમને કહેવામાં આવ્યું કે તેમનો નંબર 36મો છે. આજના દિવસમાં સવારથી કોરોના અને 35 નોન-કોરોના એમ બંને પ્રકારની ડેડબોડીના અંતિમ સંસ્કાર કરાયા છે. આખરે પાંચ કલાક બાદ સાંજે 4.30 કલાકે શિવમ પોતાની બહેનના અંતિમ સંસ્કાર કરી શક્યા.
આમ તો સ્મશાનગૃહોમાં પુરુષો જ જતાં હોય છે, પરંતુ કોરોનાએ આ સ્થિતિ પણ બદલી નાખી છે. વીએસ સ્મશાનગૃહમાં પોતાના સસરાના અંતિમ સંસ્કાર માટે આવેલા એક મહિલાએ જણાવ્યું હતું કે તેમના પતિ અને સાસુ બંનેને કોરોના થયો હોવાથી તેઓ પોતાના સસરાનો પાર્થિવ દેહ લઈ અંતિમ સંસ્કાર માટે આવ્યા છે.
શહેરમાં મૃતકોની સંખ્યામાં થયેલા વધારાને કારણે કેટલાક સ્મશાનગૃહોએ કામકાજના કલાકો પણ વધાર્યા છે, જેથી વધુમાં વધુ મૃતદેહોની અંતિમવિધિ થઈ શકે. એક સૂત્રના જણાવ્યા અનુસાર, કોરોનથી કેટલા લોકોના મોત થયા તેનો ચોક્કસ આંકડો મેળવવો મુશ્કેલ છે, કારણકે ઘણા દર્દીઓના ડેથ સર્ટિમાં કોરોનાનો ઉલ્લેખ નથી હોતો.
પોતાના કાકાની અંતિમવિધિ કરવા આવેલા સરસપુરના એક યુવકે જણાવ્યું હતું કે તેના કાકાને ડાયાબિટિસ હતો, અને તેમની કોરોનાની સારવાર ચાલી રહી હતી. સારવાર દરમિયાન મૃત્યુ થતાં તેમના ડેથ સર્ટિમાં મૃત્યુના કારણમાં કશુંય લખવામાં નહોતું આવ્યું.
મૃતદેહનો કબજો લેવા માટે શિવમ અને તેના પરિવારજનો તાત્કાલિક હોસ્પિટલ પહોંચ્યા, અને ચાર કલાકની કાર્યવાહી બાદ સવારે 11.30 કલાકે તેમને બોડી સોંપી દેવાઈ. પરંતુ મૃતદેહ મેળવવા માટે કલાકો રાહ જોયા બાદ હવે શિવમને બહેનના અંતિમ સંસ્કાર કરવા માટે પણ ભારે હ્રદયે કલાકો રાહ જોવાની બાકી હતી.
બહેનની અંતિમક્રિયા કરવા માટે શિવમના પરિવારજનો વાડજ સ્મશાનગૃહ ગયા, પરંતુ ત્યાં તેમને કહેવાયું કે વેઈટિંગ વધારે હોવાથી ત્રણ-ચાર કલાક રાહ જોવી પડશે. ત્યારબાદ તેમણે વીએસ સ્મશાનગૃહનો સંપર્ક કર્યો, જ્યાં લાઈન થોડી ઓછી હોવાનું જાણવા મળતા તેઓ ત્યાં પહોંચ્યા.
શુક્રવારની આ ઘટના વિશે શિવમે જણાવ્યું હતું કે, સ્મશાનમાં તેમને કહેવામાં આવ્યું કે તેમનો નંબર 36મો છે. આજના દિવસમાં સવારથી કોરોના અને 35 નોન-કોરોના એમ બંને પ્રકારની ડેડબોડીના અંતિમ સંસ્કાર કરાયા છે. આખરે પાંચ કલાક બાદ સાંજે 4.30 કલાકે શિવમ પોતાની બહેનના અંતિમ સંસ્કાર કરી શક્યા.
આમ તો સ્મશાનગૃહોમાં પુરુષો જ જતાં હોય છે, પરંતુ કોરોનાએ આ સ્થિતિ પણ બદલી નાખી છે. વીએસ સ્મશાનગૃહમાં પોતાના સસરાના અંતિમ સંસ્કાર માટે આવેલા એક મહિલાએ જણાવ્યું હતું કે તેમના પતિ અને સાસુ બંનેને કોરોના થયો હોવાથી તેઓ પોતાના સસરાનો પાર્થિવ દેહ લઈ અંતિમ સંસ્કાર માટે આવ્યા છે.
શહેરમાં મૃતકોની સંખ્યામાં થયેલા વધારાને કારણે કેટલાક સ્મશાનગૃહોએ કામકાજના કલાકો પણ વધાર્યા છે, જેથી વધુમાં વધુ મૃતદેહોની અંતિમવિધિ થઈ શકે. એક સૂત્રના જણાવ્યા અનુસાર, કોરોનથી કેટલા લોકોના મોત થયા તેનો ચોક્કસ આંકડો મેળવવો મુશ્કેલ છે, કારણકે ઘણા દર્દીઓના ડેથ સર્ટિમાં કોરોનાનો ઉલ્લેખ નથી હોતો.
પોતાના કાકાની અંતિમવિધિ કરવા આવેલા સરસપુરના એક યુવકે જણાવ્યું હતું કે તેના કાકાને ડાયાબિટિસ હતો, અને તેમની કોરોનાની સારવાર ચાલી રહી હતી. સારવાર દરમિયાન મૃત્યુ થતાં તેમના ડેથ સર્ટિમાં મૃત્યુના કારણમાં કશુંય લખવામાં નહોતું આવ્યું.