એપશહેર

મોલ તેમજ મલ્ટિપ્લેક્સમાં પાર્કિંગનો ચાર્જ નહીં લઈ શકાય, ગુજરાત હાઈકોર્ટે આપ્યો આદેશ

નવરંગ સેન | I am Gujarat 10 Jul 2019, 1:09 pm
અમદાવાદ: સમગ્ર ગુજરાતમાં મોટાભાગના મોલ અને મલ્ટિપ્લેક્સમાં પાર્કિંગ માટે ચાર્જ લેવાતો હોય છે. જોકે, ગુજરાત હાઈકોર્ટે તેને બંધ કરવાનો આદેશ આપ્યો છે. કોર્ટે પોતાના આદેશમાં જણાવ્યું છે કે, મોલ તેમજ મલ્ટિપ્લેક્સના સંચાલકોએ પોતાને ત્યાં આવતા મુલાકાતીઓને ફ્રીમાં પાર્કિંગની સુવિધા આપવી પડશે. ઉલ્લેખનીય છે કે, ગુજરાત સરકારે પાર્કિંગ ફી બંધ કરાવતા મોલવાળાઓ હાઈકોર્ટમાં ગયા હતા. હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો અમદાવાદમાં ગેરકાયદે પાર્કિંગ સામે પોલીસે થોડા સમય પહેલા મોટી કાર્યવાહી શરુ કરી હતી. જે દરમિયાન મોલ્સમાં પાર્કિંગ ફ્રી કરાવાયું હતું, અને તેના માટે મોલના સંચાલકોને ફરજ પાડવામાં આવી હતી. ગુજરાત સરકારે પણ મોલના સંચાલકો પાર્કિંગ ફી ન લઈ શકે તેવો આદેશ કર્યો હતો, જેની સામે હાઈકોર્ટમાં અપીલ થઈ હતી. મોલના સંચાલકોની દલીલ હતી કે તેઓ મોલને મેઈન્ટેઈન રાખવા માટે પાર્કિંગની ફી વસૂલે છે. 2018માં આ મામલે સુનાવણી કરતા હાઈકોર્ટે હંગામી ધોરણે મોલ સંચાલકોને પહેલો 1 કલાક પાર્કિંગ ફ્રી રાખી ત્યારબાદ ટુ વ્હીલર માટે 20 અને ફોર વ્હીલર માટે 30 રુપિયા પાર્કિંગ ચાર્જ લઈ શકાશે તેવું કહ્યું હતું. જોકે, કોર્ટે પોતાના હાલના આદેશમાં પાર્કિંગ ચાર્જને ગેરકાયદે ઠેરવી તેના પર પ્રતિબંધ ફરમાવ્યો છે.
લેખક વિશે
નવરંગ સેન
નવરંગ સેન 2013થી ટાઈમ્સ ગ્રુપ સાથે સંકળાયેલા છે. ડિજિટલ જર્નાલિઝમમાં 14 વર્ષનો અનુભવ ધરાવતા નવરંગ સેને અગાઉ દિવ્ય ભાસ્કર તેમજ GSTVમાં કામ કર્યું છે. અર્થકારણ, રાજકારણ તેમજ ટેક્નોલોજી અને ઓટોમોબાઈલ તેમના રસના વિષય છે.... વધુ વાંચો

Read Next Story

Gujarati News - I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો IamGujaratની એપ
તમામ તાજી ખબરો માટે I am Gujarat ફેસબૂકપેજને લાઈક કરો