મહિલાએ બાળક દત્તક લીધા બાદ પુત્રીને સોંપ્યું, પરંતુ જમાઈએ ભર્યું ભયાનક પગલું

પોતાને પુત્ર ન હોવાના કારણે પુત્ર ઘેલછામાં 54 વર્ષીય મહિલાએ પાંચ વર્ષના બાળકને દત્તક લીધો હતો. જોકે, મહિલા બાળકનો ઉછેર કરવી શકે તેમ ન હતી જેના કારણે તેણે તે બાળકને પોતાની પુત્રી અને જમાઈને સોંપી દીધો હતો. જોકે, પોતાનું સંતાન ન થતું હોવાના કારણે જમાઈએ પાંચ વર્ષના બાળકને મોતને ઘાટ ઉતારી દીધો હતો.

24 જાન્યુઆરીએ બહેરામપુરામાં રહેતો પાંચ વર્ષનો રિયાન હુસૈન શેખ ગુમ થઈ ગયો હતો. બાળક ગુમ થયો હોવાની ફરિયાદ નોંધાતા દાણીલીમડા પોલીસે તપાસ શરૂ કરી હતી. પોલીસ તપાસમાં જાણવા મળ્યું હતું કે બાળકના ઉછેરને લઈને તેના પાલક માતા-પિતા વચ્ચે અવાર-નવાર ઝઘડા થતા હતા.
શક્તિપીઠ અંબાજી મંદિરના દ્વાર 1 ફેબ્રુઆરીથી ખૂલશે, દર્શન કરવા ઓનલાઈન બુકિંગ ફરજિયાતજેના કારણે તેનો ઉછેર કરી રહેલા બહેરામપુરામાં રહેતા તેના 21 વર્ષીય પાલક પિતા સોહીલ શેખની પૂછપરછ કરવામાં આવી હતી. જોકે, બાળકનો કોઈ પત્તો ન લાગતા દાણીલીમડાના ઈન્ચાર્જ પીઆઈ આઈએજે પાંડવ અને તેમની ટીમે સીસીટીવીની મદદ લીધી હતી. તેમણે સીસીટીવી ફૂટેજ ચકાસવાનું શરૂ કર્યું હતું.

તેવામાં એક સીસીટીવી ફૂટેજમાં જોવા મળ્યું હતું કે એક રિક્ષામાં સોહીલ અને બાળક બેટા હતા. જેની મદદથી પોલીસે રિક્ષાચાલકને શોધી કાઢ્યો હતો. પોલીસે રિક્ષા ચાલકની પૂછપરછ કરતા જાણવા મળ્યું હતું કે તેણે સોહેલ અને બાળકને શાસ્ત્રી બ્રિજ કેનાલ પાસે ઉતાર્યા હતા. પોલીસે બાદમાં રિક્ષા ચાલકને સાથે રાખીને સોહીલની પૂછપરછ કરી હતી. ત્યારે સમગ્ર હકિકત બહાર આવી હતી.
કોરોનાઃ ગુજરાતમાં 11794 નવા કેસ સામે 21655 દર્દીઓ સાજા થયા, 33ના મોતથી ચિંતા વધીસોહીલે પૂછપરછમાં જણાવ્યું હતું કે તેણે શાસ્ત્રી બ્રિજ કેનાલ પાસે બાળક રિયાનને કેનાલમાં ફેંકી દીધો હતો. પોલીસે બાદમાં મૃતદેહ શોધવા કામગીરી શરૂ કરી હતી. અંતે બાળક રિયાનનો મૃતદેહ ચાંગોદર પાસે કેનાલમાંથી મળી આવ્યો હતો.