માંડવિયાનો પ્રિયંકા પર કટાક્ષ, "દાદીમા જેવું નાક હોય એટલે સત્તા ના મળી જાય"

I am Gujarat

‘વિજય સંકલ્પ સંમેલન’માં માંડવિયાનો વાર

આણંદઃ ગુજરાત રાજ્યમાં ફરી 26 બેઠકો પર ભગવો લહેરાતો કરવા માટે પાર્ટી દ્વારા રાજકીય પ્રચારનો જોરશોરથી પ્રારંભ કરી દેવામાં આવ્યો છે. જેમાં “વિજય સંકલ્પ સંમેલન” કરીને વડાપ્રધાન નરેન્દ્ર મોદીને 2019માં ફરી વડાપ્રધાન બનાવવાનો સંકલ્પ લઈને રાજ્યમાં ઠેરઠેર સભાઓ યોજવામાં આવી રહી છે. આ સભાઓ દરમિયાન કેન્દ્રીય મંત્રી અને મોદીના ખાસ ગણાતા રોડ ટ્રાન્સપોર્ટ અને હાઈવે, શિપિંગ કેન્દ્રીય મંત્રી મનસુખ માંડવિયાએ આણંદમાં વિજય સંકલ્પ સંમેલન દરમિયાન કોંગ્રેસના નેતા અને પૂર્વોત્તર યુપીના જનરલ સેક્રેટરી પ્રિયંકા ગાંધી પર વાર કર્યા છે. તેમણે પ્રિયંકા ગાંધી પર કટાક્ષ કર્યો છે. મનસુખ માંડવિયાએ કહ્યું કે, દાદીમા જેવું નાક હોય એટલે સત્તા નથી મળી જતી. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

આણંદમાં પ્રિયંકા ગાંધી પર કટાક્ષ

ભરુચમાં પણ સંબોધી સભા

તેઓ વિજય સંકલ્પ સંમેલન કાર્યક્રમ દરમિયાન તેમણે મંગળવારે ભરુચ અને આણંદમાં સભાઓ સંબોધી હતી આ દરમિયાન તેમણે કોંગ્રેસ નેતા પ્રિયંકા ગાંધીના નાક પર કટાક્ષ કરીને નાક હોય તો સત્તા ના મળી જાય તેમ કહ્યું હતું.

પ્રિયંકા ગાંધીની ચર્ચા વધી

નોંધનીય છે કે, પ્રિયંકા ગાંધીને પૂર્વત્તર ઉત્તર પ્રદેશના જનરલ સેક્રેટરી બનાવ્યા ત્યારથી કોંગ્રેસ અને કોંગ્રેસના કાર્યકર્તાઓમાં અલગ જોશ આવી ગયો છે, કોંગ્રેસના કાર્યકર્તાઓને પ્રિયંકા ગાંધીમાં તેમના દાદી ઈન્દિરા ગાંધીનું રૂપ દેખાય છે માટે તેમને વડાપ્રધાન પદના ઉમેદવાર જાહેર કરવાની પણ ઘણી વખત માંગ ઉઠી છે.

કોંગ્રેસના કાર્યકર્તાઓમાં આક્રોશ

પ્રિયંકા ગાંધીમાં ઈન્દિરા ગાંધીની ઝલક દેખાય છે, અને તેમની બોલવાની છટાથી લઈને ડ્રેસિંગ સેન્સ અને નાક નક્શો પણ દાદી ઈન્દિરા ગાંધીને મળતો આવે છે, પ્રિયંકાની ઈન્દિરા સાથેની સરખામણી વચ્ચે મનસુખ માંડવિયાએ આણંદમાં કરેલા કટાક્ષથી રાજકારણમાં ચર્ચાઓ વધી રહી છે. કોંગ્રેસ પણ આ મનસુખ માંડવિયાને જવાબ આપે તેવું કાર્યકર્તાઓ ઈચ્છી રહ્યા છે.