રાજ્યભરમાં ઠંડીનું જોર યથાવત્, અમદાવાદમાં પારો ગગડીને 11 ડિગ્રીએ પહોંચવાની આગાહી

અમદાવાદઃ અમદાવાદમાં આ વખતે હાડ થીજવતી ઠંડી પડી રહી છે. મોર્નિંગ વોક માટે નીકળતાં લોકો સ્વેટર-શાલ પહેરીને નીકળે છે. માતા-પિતા પણ વહેલી સવારે સ્કૂલે જતાં બાળકોને લઈને ચિંતા વ્યક્ત કરી રહ્યા છે. ત્યારે આ વીકએન્ડમાં એટલે કે શનિવાર અને રવિવારે (આજે અને આવતીકાલે) ઠંડીનો પારો 11 ડિગ્રી સેલ્સિઅસે પહોંચશે, તેવી આગાહી હવામાન વિભાગે આપી છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: રાજ્યભરમાં લઘુત્તમ તાપમાનનો પારો 2થી 3 ડિગ્રી સેલ્સિઅસ નીચો જશે. રાજકોટ અને કચ્છ જિલ્લાના કેટલાક ભાગોમાં ઠંડા પવનનો અનુભવ પણ થશે, તેમ હવામાન વિભાગના અધિકારીએ જણાવ્યું હતું. ઉત્તર ભારતમાં પડી રહેલી ઠંડી અને ઉત્તરપૂર્વ દિશા તરફથી આવતા પવનના કારણે રાજ્યભરનાં તાપમાનમાં ઘટાડો થયો છે.શુક્રવારે, છેલ્લા 24 કલાકનું મહત્તમ તાપમાન 23.6 ડિગ્રી સેલ્સિઅસ અને લઘુત્તમ તાપમાન 13.5 ડિગ્રી સેલ્સિઅસ હતું, જે અનુક્રમે સરેરાશ કરતાં 3.9 ડિગ્રી ઓછું અને 1.2 ડિગ્રી વધારે હતું.IMDના રિજનલ ડાયરેક્ટર જયંત સરકારે કહ્યું કે, વીકએન્ડ બાદ પવનની દિશા બદલાતાં તાપમાનમાં ફરી વધારો થશે.શુક્રવારે 9 ડિગ્રી સાથે ભુજ ઠંડુગાર બન્યું હતું. જ્યારે નલિયામાં 9.2, અમરેલીમાં 10, ગાંધીનગરમાં 11 તેમજ અમદાવાદમાં 13.5 ડિગ્રી સેલ્સિઅસ તાપમાન નોંધાયું હતું. જ્યારે રાજ્યના દરિયા કિનારે આવેલા વિસ્તારોમાં લઘુત્તમ તાપમાન 13થી 16 ડિગ્રીની વચ્ચે હતું.અમદાવાદમાં મોર્નિંગ વોક માટે બેસ્ટ છે આ જગ્યા