અમદાવાદીઓના પંખાને હજી નથી મળ્યો આરામ, નવેમ્બર પતવા આવ્યો પણ નથી થઈ શિયાળાની એન્ટ્રી

અમદાવાદ- 25મી નવેમ્બરના રોજ અમદાવાદ શહેરનું મહત્તમ તાપમાન 36.5 ડિગ્રી સેલ્સિયસ હતું. પાછલા પાંચ વર્ષમાં શહેરનો આ સૌથી ગરમ નવેમ્બર છે. વર્ષ 2021માં નવેમ્બર મહિનામાં તાપમાન 35.5 ડિગ્રી, 2020માં 35.1 ડિગ્રી, 2019માં 34 ડિગ્રી અને 2018માં 36.3 ડિગ્રી હતું. ચાર મહિનામાં નવેમ્બર મહિનો પતી જશે, પરંતુ હજી સુધી શહેરમાં જાણે શિયાળાની એન્ટ્રી નથી થઈ. દિવસે જ નહીં રાતના સમયે પણ તાપમાન સામાન્ય અથવા સામાન્યથી વધારે નોંધાય છે.

IMDની આગાહી હતી કે આ ‘હૂંફાળા નવેમ્બર’ની આગાહી કરી હતી. શુક્રવારના રોજ કરવામાં આવેલી આગાહી અનુસાર, શનિવાર અને રવિવારના રોજ મહત્તમ તાપમાનમાં વધારો થશે. IMD ગુજરાતના પ્રમુખ મનોરમા મોહાંતી જણાવે છે કે, રાજ્યમાં હજી સુધી કોલ્ડ વેવની શરુઆત નથી થઈ. મહિનાની શરુઆતમાં મહત્તમ તાપમાન 36.5 ડિગ્રી નોંધાયુ હતું, ધીરે ધીરે તેમાં ઘટાડો થયો અને ઘણી જગ્યાએ હવે 31 ડિગ્રી તાપમાન નોંધાય છે. શુક્રવારના રોજ અમદાવાદ શહેરનું મહત્તમ તાપમાન 31.4 ડિગ્રી હતું અને લઘુત્તમ તાપમાન 14.8 ડિગ્રી હતું. આ એક સામાન્ય તાપમાનનો આંકડો છે.

'તમારા માટે રિપેરિંગ કરતાં વધુ અગત્યના ટિકિટના ભાવ હતા', કંપનીની રજૂઆતને અવગણનારી મોરબી નગરપાલિકાને હાઈકોર્ટનો ઠપકો
ગુજરાતના એક પણ વેધર સ્ટેશનમાં તાપમાન 10 ડિગ્રીથી નીચે નથી ગયું. સૌથી ઓછું તાપમાન કચ્છના નલિયામાં નોંધાયુ, જે 11.6 ડિગ્રી હતું. ઉલ્લેખનીય છે કે નલિયામાં મોટાભાગે તાપમાન સૌથી ઓછું નોંધાતુ હોય છે. અમદાવાદ શહેરની વાત કરીએ તો 12 નવેમ્બરના રોજ લઘુત્તમ તાપમાન 20.2 ડિગ્રી હતું જ્યારે 16મી નવેમ્બરના રોજ લઘુત્તમ તાપમાન 17.5 હતું, જ્યારે 21મી નવેમ્બરના રોજ 16 ડિગ્રી હતું. 25મી નવેમ્બર એટલે શુક્રવારના રોજ તે ઘટીને 14.8 ડિગ્રી થયુ હતું.

આ વર્ષે વાતાવરણમાં આ પ્રકારની પેટર્ન જોવા મળી છે. ઉનાળામાં ગરમીએ પાછલા ચાર વર્ષનો રેકોર્ડ તોડ્યો હતો. ચોમાસાની વાત કરીએ તો, એક દિવસમાં સૌથી વધારે વરસાદ પડવાનો રેકોર્ડ પણ તૂટ્યો હતો. અને હવે જ્યારે શિયાળો આવ્યો છે ત્યારે તેની શરુઆત પણ ફીકી થઈ છે. નવેમ્બર મહિનામાં સામાન્યપણે ઠંડી શરુ થઈ જાય છે, પરંતુ હજી સુધી મોટા ભાગના લોકોને સ્વેટર, રજાઈની જરૂર નથી પડતી.