અમદાવાદ: રાજ્યમાં મનરેગા કૌભાંડમાં વધુ એક પ્રકરણનો ખુલાસો થયો છે. આ વખતે ઓસ્ટ્રેલિયામાં રહેતા ખેડાના એક NRIને મનરેગા યોજના હેઠળ કામ કરવા બદલ રુપિયા ચૂકવવામાં આવ્યા છે. ચોંકાવનારી વાત એ છે કે, આ NRI ખેડા જિલ્લાના નડિયાદ તાલુકામાં આવેલા પોતાના વતન અલિન્દ્રા ગામમાં છેક 2012થી કાગળ પર તળાવ ખોદી રહ્યા છે.
અલિન્દ્રા ગામના સરપંચ રજનીકાંત પટેલે મનરેગામાં ગોલમાલ ચાલતી હોવાનો સ્વીકાર કર્યો હતો, પરંતુ બાબતને ભૂલમાં ખપાવી હતી. તેમણે જણાવ્યું હતું કે, ડીડીઓએ આ કેસમાં તપાસનો આદેશ આપતા ચાર વર્ષ પહેલા આ ગેરરીતિ ધ્યાને આવી હતી. તેમણે કહ્યું હતું કે, અર્પિત ઓસ્ટ્રેલિયા જતો રહ્યો હતો પરંતુ તેનું નામ મનરેગાના મજૂર તરીકે બોલતું હતું. તપાસમાં એવું પણ બહાર આવ્યું હતું કે તેના પરિવારજનો પણ મનરેગાના મજૂર તરીકે નોંધાયેલા છે.
ખેડાના ડીડીઓ એમ.કે. દવેએ આવા વધુ મામલા હોઈ શકે છે તે શંકાએ તપાસનો આદેશ આપ્યો છે. તેમણે ટાઈમ્સ ઓફ ઈન્ડિયા સાથે વાત કરતાં જણાવ્યું હતું કે તપાસને એકાદ સપ્તાહમાં પૂરી કરી દેવામાં આવશે અને ત્યારબાદ આરોપી સામે કાયદાકીય પગલાં લેવામાં આવશે. આ મામલે ટાઈમ્સ ઓફ ઈન્ડિયાએ અર્પિતના ભાઈ કિંજલ પટેલનો સંપર્ક કરવા માટે અનેક પ્રયાસ કર્યા હતા, પરંતુ તેમાં સફળતા નહોતી મળી. ઉલ્લેખનીય છે કે, અગાઉ ઓગષ્ટ અને સપ્ટેમ્બર 2020માં મનરેગાના મોટા કૌભાંડ બહાર આવ્યા હતા. જેમાં મૃતકો, ડૉક્ટર, સરકારી કર્મચારીઓ, પોલીસકર્મીઓ અને સ્કૂલે જતા બાળકોને પણ મનરેગામાં નોંધાયેલા મજૂર બતાવીને તેમના નામે મહેનતાણું ચૂકવી દેવામાં આવ્યું હતું.
અલિન્દ્રા ગામના સરપંચ રજનીકાંત પટેલે મનરેગામાં ગોલમાલ ચાલતી હોવાનો સ્વીકાર કર્યો હતો, પરંતુ બાબતને ભૂલમાં ખપાવી હતી. તેમણે જણાવ્યું હતું કે, ડીડીઓએ આ કેસમાં તપાસનો આદેશ આપતા ચાર વર્ષ પહેલા આ ગેરરીતિ ધ્યાને આવી હતી. તેમણે કહ્યું હતું કે, અર્પિત ઓસ્ટ્રેલિયા જતો રહ્યો હતો પરંતુ તેનું નામ મનરેગાના મજૂર તરીકે બોલતું હતું. તપાસમાં એવું પણ બહાર આવ્યું હતું કે તેના પરિવારજનો પણ મનરેગાના મજૂર તરીકે નોંધાયેલા છે.
ખેડાના ડીડીઓ એમ.કે. દવેએ આવા વધુ મામલા હોઈ શકે છે તે શંકાએ તપાસનો આદેશ આપ્યો છે. તેમણે ટાઈમ્સ ઓફ ઈન્ડિયા સાથે વાત કરતાં જણાવ્યું હતું કે તપાસને એકાદ સપ્તાહમાં પૂરી કરી દેવામાં આવશે અને ત્યારબાદ આરોપી સામે કાયદાકીય પગલાં લેવામાં આવશે. આ મામલે ટાઈમ્સ ઓફ ઈન્ડિયાએ અર્પિતના ભાઈ કિંજલ પટેલનો સંપર્ક કરવા માટે અનેક પ્રયાસ કર્યા હતા, પરંતુ તેમાં સફળતા નહોતી મળી. ઉલ્લેખનીય છે કે, અગાઉ ઓગષ્ટ અને સપ્ટેમ્બર 2020માં મનરેગાના મોટા કૌભાંડ બહાર આવ્યા હતા. જેમાં મૃતકો, ડૉક્ટર, સરકારી કર્મચારીઓ, પોલીસકર્મીઓ અને સ્કૂલે જતા બાળકોને પણ મનરેગામાં નોંધાયેલા મજૂર બતાવીને તેમના નામે મહેનતાણું ચૂકવી દેવામાં આવ્યું હતું.