Number Of Coronavirus Tests In Gujarat Crossed 2 Lakh
ગુજરાતમાં કોરોના ટેસ્ટની સંખ્યા 2 લાખને પાર, સૌથી વધુ ટેસ્ટ કરનારા રાજ્યોમાં સાતમાં નંબરે
Agencies30 May 2020, 11:59 am
ગુજરાતમાં કોરોનાના 2.01 લાખ ટેસ્ટ થયા
શુક્રવારે રાજ્ય સરકારે જાહેર કરેલા આંકડા મુજબ ગુજરાતમાં કોરોના ટેસ્ટની સંખ્યા 2 લાખને પાર થઈ ગઈ છે. રાજ્યના અલગ-અલગ જિલ્લાઓમાં અત્યાર સુધી 201,481 ટેસ્ટ કરવામાં આવ્યા છે. સમગ્ર દેશમાં સૌથી વધુ ટેસ્ટ કરનારા રાજ્યોમાં ગુજરાત સાતમા સ્થાને છે. તામિલનાડુમાં સૌથી વધુ 4.66 લાખ, મહારાષ્ટ્રમાં 4.34 લાખ ટેસ્ટ થઈ ચૂક્યા છે. શુક્રવારની સ્થિતિ પ્રમાણે ગુજરાતમાં પ્રતિ મિલિયન વસ્તીએ સરેરાશ 2966 ટેસ્ટ થયા છે.
મીડિયા રિપોર્ટ મુજબ ગુરૂવાર રાતની સ્થિતિએ ગુજરાતમાં અમદાવાદમાં સૌથી વધુ 76668 ટેસ્ટ, સુરતમાં 30283 અને વડોદરામાં 9252 ટેસ્ટ કરવામાં આવ્યા છે. અન્ય જિલ્લાઓની વાત કરવામાં આવે તો ગાંધીનગરમાં 5424, ભાવનગરમાં 5347, જામનગરમાં 4942, બનાસકાંઠામાં 3897, કચ્છમાં 2966, અમરેલીમાં 2782, આણંદમાં 2180 અને ડાંગમાં 617 ટેસ્ટ થયા છે.
24 કલાકમાં 372 નવા પોઝિટિવ કેસ
છેલ્લા 24 કલાકમાં રાજ્યમાં જે નવા 372 કેસ નોંધાયા છે. તેમાં અમદાવાદમાં સૌથી વધુ કોરોનાનો કહેર જોવા મળ્યો છે. અમદાવાદમાં 24 કલાકમાં 253, અરવલ્લી અને પંચમહાલમાં 1-1, સુરતમાં 45, મહીસાગર અને ખેડામાં 1-1, વડોદરામાં 34, ભરુચ અને સાબરકાંઠામાં 1-1, ગાંધીનગરમાં 8, જુનાગઢ અને સુરેન્દ્રનગરમાં 1-1, મહેસાણા અને છોટાઉદેપુરમાં 7-7, વલસાડમાં 1, કચ્છમાં 4, નવસારીમાં 2, બનાસકાંઠા અને રાજકોટમાં 1-1 કેસનો સમાવેશ થાય છે.
છેલ્લા 10 દિવસમાં રાજ્યમાં 46 હજારથી વધુ ટેસ્ટ
ગુજરાતમાં છેલ્લા 10 દિવસમાં (20થી 29 મે) દરમિયાન કુલ 46807 ટેસ્ટ કરવામાં આવ્યા છે. જેમાં 22મી મેના રોજ સૌથી વધુ 6410 જ્યારે 26મી મેના રોજ સૌથી ઓછા 2952 ટેસ્ટનો સમાવેશ થાય છે. અમદાવાદમાં અત્યાર સુધી 9414.65 ટેસ્ટ પ્રતિ મિલિયન કરવામાં આવ્યા છે. રાજ્ય સરકારની અખબાર યાદી મુજબ ગુજરાતમાં 31 લેબોરેટરીમાં કોરાનાના ટેસ્ટ કરવામાં આવી રહ્યા છે. જે પૈકી 19 લેબોરેટરી સરકારી છે જ્યારે 12 પ્રાઈવેટ લેબોરેટરીનો સમાવેશ થાય છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.