આ બેઠકો પર જીત અને કોંગ્રેસ વચ્ચે છે એકહાથનું છેટું
હિમાંશુ કૌશિક, અમદાવાદઃ ગુજરાતમાં જેમણે પણ સત્તા હાંસલ કરવી છે તે રાજકીય પાર્ટીએ અહીં સારુ પ્રદર્શન કરવું પડે છે. મધ્ય ગુજરાત અથવા રર્બન બેઠકો પર જે પોતાનો કબજો જમાવશે તે જ સત્તાના સિંહાસન પર બેશસે. આ બેઠકો એટલે જે ગ્રામ્ય અને શહેરી વિધાનસભાની સંયુક્ત બેઠકો છે.
આ અર્ધ શહેરી બેઠકોના મતદારો પાસે છે સત્તાની ચાવી
આંકડાકીય સ્થિતિ જોવા બેસીએ તો 182 બેઠકો પૈકી રાજ્યમાં 39 બેઠકો પૂર્ણરુપે શહેરી બેઠકો છે જ્યાં ભાજપ ખૂબ જ વધુ મોટી વોટબેંક સાથે વર્ચસ્વ ધરાવે છે. જ્યારે અન્ય 45 જેટલી બેઠકોને ગ્રામ્ય-શહેરી બેઠકો તરીકે ગણી શકાય છે જે ક્ષેત્રમાં મતદારોમાં ગ્રામ્ય અને શહેરી મતદારોનું મિશ્રણ જોવા મળે છે. અમે નાના, મધ્ય અને મોટા કદના શહેરોની વાત કરી રહ્યા છે જ્યાં શહેરી અને ગ્રામ્ય મતાદોરો રેશીયો 30:70 થી 70:30 સુધીનો છે.
નાના અને મધ્યમ કદના નગરોથી જાય છે ગાંધીનગરનો રસ્તો
જેમ કે મહેસાણા, મોરબી, આણંદ, નડીયાદ જેવા મોટા શહેરો અને પારડી, જેતપુર, બોટાદ અને સોમનાથ જેવા નાના શહેરો. આ શહેરો એવા છે જેમની વસ્તી 1 લાખથી 3 લાખ સુધી છે. જેમાંની મોટાભાગની બેઠકો ‘A’ – ‘B’ ક્લાસની નગરપાલિકાઓ અંતર્ગત આવે છે. હવે પાછલી 6 ચૂંટણીઓના પરિણામની સમિક્ષા કરીએ તો કોંગ્રેસ કરતા ભાજપનું પલડું આ જગ્યાએ દરેક ચૂંટણીમાં ભારે રહ્યું છે.
1990થી કોંગ્રેસ નથી કરી શક્યું અહીં સારુ પ્રદર્શન
વર્ષ 1990માં ભાજપ અને જનતાદળે બંને 17-17 બેઠકો જીતી હતી અને કોંગ્રેસ 5 બેઠકો પર સમિત થઈ ગયું હતું ત્યારથી જ દરેક ચૂંટણીમાં ભાજપ સતત 30-31 બેઠક જીતતું આવ્યું છે. જ્યારે કોંગ્રેસ 7-9 બેઠક વચ્ચે સમાઈ ગઈ છે. ફક્ત 2012માં કોંગ્રેસ આવી 14 બેઠકો પર જીત નોંધાવી શક્યું હતું. તેનું પણ કારણ એવું છે કે નવા સિમાંકન બાદ ઘણી ગ્રામ્ય બેઠકો આ શહેરી-ગ્રામ્ય વિસ્તારોમાં આવી ગઈ હતી.
2015માં પણ પાટીદારોની નારાજગીનો ફાયદો ન ઉઠાવી શકી કોંગ્રેસ
જો રાજ્યની આગામી ચૂંટણીમાં સત્તાના સ્થાને બેસવું હોય તો કોંગ્રેસે આ વિસ્તારોમાં ખૂબ જ કામ કરવું પડશે. ચૂંટણીઓની વાત કરીએ તો રાજ્યમાં છેલ્લી ચૂંટણી 2015માં સ્થાનિક સ્વરાજ્યની ચૂંટણીઓ હતી જેમાં પણ પાટીદાર અનામતની આગ પૂરજોશમાં હોવા છતા કોંગ્રેસ તેનો ફાયદો ઉઠાવી શકી નહોતી. કુલ 56 નગરપાલિકાઓમાં યોજાયેલ ચૂંટણીઓમાં ભાજપે 45 પર ભગવો ફરકાવ્યો હતો જ્યારે કોંગ્રેસનો પંજો 9 નગરપાલિકાઓ પર જ ફેલાઇ શક્યો હતો. આજની સ્થિતિ જોઇએ તો રાજ્યનું કુલ 225 નગરપાલિકાઓ પૈકી 171માં ભાજપ અને 46માં જ કોંગ્રેસ સત્તા પર છે.
રાજ્યની 225 નગરપાલિકા પૈકી ભાજપ પાસે 171 જ્યારે કોંગ્રેસ પાસે માત્ર 46
હા, એટલું ચોક્કસ કહેવું પડે કે 2015માં વોટશેરની દ્રષ્ટીએ કોંગ્રેસનું પ્રદર્શન પાછલી 2010ની ચૂંટણીઓ કરતા સુધર્યું હતું. જે વધીને 10.12% થયું હતું. ભાજપના પ્રવક્તા જયનારાયણ વ્યાસે કહ્યું કે, ‘અમે પહેલાથી જ શહેરી અને અર્ધ શહેરી બેઠકો પર પ્રભુત્વ ધરાવીએ છીએ. કેમ કે અહીં અમારી પાસે કાર્યકર્તાઓની ટીમ છે.’
અમે 2012ની જેમ આ વખતે પણ ભાજપની વોટબેંકમાં ગાબડું પાડીશું
જ્યારે આ અંગે કોંગ્રેસના પ્રવક્તા મનિષ દોષીએ કહ્યું કે, ‘2012માં અમે સારુ પ્રદર્શન કર્યું હતું અને 2017માં અમે ભાજપની વોટબેંકમાં ગાબડા પાડીને સારુ પ્રદર્શન કરીશું.’
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.