ગાંધીનગર જે રીતે વિકસી રહ્યું છે તેની સાથે ગુનાઓની સંખ્યામાં પણ વધારો થઈ રહ્યો છે. શહેરના કુડાસણમાં ખેતરમાં બર્થડે પાર્ટી મનાવવા ગયેલા બર્થડે બોય સાથે તેના જ મિત્રોએ ધોકાવાળી કરી હોવાની ઘટના બની છે. જેમાં જે યુવકનો જન્મદિવસ હતો તેના સિવાય એકને ઈજાઓ થઈ હતી. આ યુવાનો અમદાવાદથી ગાંધીનગરમાં પાર્ટી કરવા માટે આવ્યા હોવાની વિગતો પણ મળી રહી છે. ઘાયલ થયેલા યુવાનોને સારવાર માટે હોસ્પિટલ ખસેડવામાં આવ્યા હતા જેમાંથી એકને બે હાથમાં ફેક્ચર થયું હતું.
બનાવની મળતી વિગતો એવી છે કે કુડાસણ પેટ્રોલપંપ પાસેના ખેતરમાં અમદાવાદથી આવેલા કેટલાક યુવાનો બર્થડે ઉજવી રહ્યા હતા. જેમાં નિકુંજસિંહ વિજયસિંહ વાઘેલા નામના યુવકના મિત્ર રોનક રાણાનો જન્મ દિવસ હતો માટે તેઓ બન્ને અને રાજ રાઠોડ નામનો મિત્ર એમ ત્રણેય ગાંધીનગર પહોંચ્યા હતા. આ દરમિયાન એક અન્ય મિત્ર વિપુલ ઠાકોર પણ ત્યાં પહોંચ્યો હતો. આ ચારેય મિત્રો મોડી રાત્રે બર્થડે પાર્ટી કરી રહ્યા હતા. જે દરમિયાન બોલાચાલી બાદ તેમની વચ્ચે ઝઘડો થઈ ગયો હતો.
રોનક રાણા નામના જે યુવકનો જન્મદિવસ હતો તેની વિપુલ ઠાકોર સાથે બોલાચાલી થઈ હતી. આ દરમિયાન નિકુંજસિંહે બન્નેને છૂટા પાડવાની કોશિશ કરી હતી. જોકે, સ્થિતિ વધુ વણસી જતા વિપુલે તેના મિત્રોને સ્થળ પર ફોન કરીને બોલાવ્યા હતા. જે પછી ઝઘડો વધારે આક્રામક બની ગયો હતો.
ધોકાવાળી થતા એકના બન્ને હાથ ફ્રેક્ચર
વિપુલ ઠાકોરના મિત્રો ધોકા લઈને બર્થડે બોય રોનક રાણા અને તેના મિત્રો પર ફરી વળ્યા હતા. મામલો વધારે ગરમાઈ જતા રોનક ત્યાંથી પોતાનો જીવ બચાવીને ભાગી ગયો હતો જ્યારે નિકુંજસિંહ પકડાઈ જતા તેના પર હુમલો કરવામાં આવ્યો હતો. એકથી વધારે લોકો દ્વારા કરાયેલા હુમલાના કારણે નિકુંજસિંહને પીઠ, બન્ને હાથ અને શરીરના અન્ય ભાગે ઈજાઓ થઈ હતી.
ધોકાવાળી થતાં માંડ નિકુંજસિંહ પોતાનો જીવ બચાવીને રોડ સુધી પહોંચયા હતો જે બાદ ત્યાંથી તેને 108 એમ્બ્યુલન્સની મદદથી હોસ્પિટલ ખસેડવામાં આવ્યો હતો. જ્યાં ડૉક્ટરોએ તેના બન્ને હાથમાં ફ્રેક્ચર થયું હોવાથી તેની સારવાર કરી હતી. બર્થડે પાર્ટીમાં તોફાન મચાવનારા વિપુલ ઠાકોર અને તેના મિત્રોએ બર્થડે બોય રોનક રાણાની કાર પર પણ ધોકાવાળી કરીને નુકસાન પહોંચાડ્યું હતું. રોનક રાણા અને નિકુંજસિંહ પર થયેલા જીવલેણ હુમલા મામલે વિપુલ ઠાકોર અને તેના બે મિત્રો સામે પોલીસ ફરિયાદ નોંધાઈ છે. પોલીસે આ મામલે વધુ પૂછપરછ અને તપાસ શરુ કરી છે.
Read Latest Gujarati News
બનાવની મળતી વિગતો એવી છે કે કુડાસણ પેટ્રોલપંપ પાસેના ખેતરમાં અમદાવાદથી આવેલા કેટલાક યુવાનો બર્થડે ઉજવી રહ્યા હતા. જેમાં નિકુંજસિંહ વિજયસિંહ વાઘેલા નામના યુવકના મિત્ર રોનક રાણાનો જન્મ દિવસ હતો માટે તેઓ બન્ને અને રાજ રાઠોડ નામનો મિત્ર એમ ત્રણેય ગાંધીનગર પહોંચ્યા હતા. આ દરમિયાન એક અન્ય મિત્ર વિપુલ ઠાકોર પણ ત્યાં પહોંચ્યો હતો. આ ચારેય મિત્રો મોડી રાત્રે બર્થડે પાર્ટી કરી રહ્યા હતા. જે દરમિયાન બોલાચાલી બાદ તેમની વચ્ચે ઝઘડો થઈ ગયો હતો.
રોનક રાણા નામના જે યુવકનો જન્મદિવસ હતો તેની વિપુલ ઠાકોર સાથે બોલાચાલી થઈ હતી. આ દરમિયાન નિકુંજસિંહે બન્નેને છૂટા પાડવાની કોશિશ કરી હતી. જોકે, સ્થિતિ વધુ વણસી જતા વિપુલે તેના મિત્રોને સ્થળ પર ફોન કરીને બોલાવ્યા હતા. જે પછી ઝઘડો વધારે આક્રામક બની ગયો હતો.
ધોકાવાળી થતા એકના બન્ને હાથ ફ્રેક્ચર
વિપુલ ઠાકોરના મિત્રો ધોકા લઈને બર્થડે બોય રોનક રાણા અને તેના મિત્રો પર ફરી વળ્યા હતા. મામલો વધારે ગરમાઈ જતા રોનક ત્યાંથી પોતાનો જીવ બચાવીને ભાગી ગયો હતો જ્યારે નિકુંજસિંહ પકડાઈ જતા તેના પર હુમલો કરવામાં આવ્યો હતો. એકથી વધારે લોકો દ્વારા કરાયેલા હુમલાના કારણે નિકુંજસિંહને પીઠ, બન્ને હાથ અને શરીરના અન્ય ભાગે ઈજાઓ થઈ હતી.
ધોકાવાળી થતાં માંડ નિકુંજસિંહ પોતાનો જીવ બચાવીને રોડ સુધી પહોંચયા હતો જે બાદ ત્યાંથી તેને 108 એમ્બ્યુલન્સની મદદથી હોસ્પિટલ ખસેડવામાં આવ્યો હતો. જ્યાં ડૉક્ટરોએ તેના બન્ને હાથમાં ફ્રેક્ચર થયું હોવાથી તેની સારવાર કરી હતી. બર્થડે પાર્ટીમાં તોફાન મચાવનારા વિપુલ ઠાકોર અને તેના મિત્રોએ બર્થડે બોય રોનક રાણાની કાર પર પણ ધોકાવાળી કરીને નુકસાન પહોંચાડ્યું હતું. રોનક રાણા અને નિકુંજસિંહ પર થયેલા જીવલેણ હુમલા મામલે વિપુલ ઠાકોર અને તેના બે મિત્રો સામે પોલીસ ફરિયાદ નોંધાઈ છે. પોલીસે આ મામલે વધુ પૂછપરછ અને તપાસ શરુ કરી છે.
Read Latest Gujarati News