પાટીદારો અને કોંગ્રેસ વચ્ચે આજે ફરી બેઠક, હાર્દિકે કહ્યું બધું સારું થશે

I am Gujarat

કપિસ સિબ્બલ વડોદરા પહોંચ્યા

નવી દિલ્હીઃ ગુજરાતમાં યોજાનારી વિધાનસભાની ચૂંટણીને લઈને રાજકારણ ગરમાયું છે. હવે સમાચારો આવ્યા છે કે કોંગ્રેસ અને પાટીદાર નેતાઓ વચ્ચે આજે ફરી બેઠક થશે. આ બેઠક વડોદરામાં થઈ શકે છે. કારણ કે કોંગ્રેસના નેતા કપિલ સિબ્બલ પણ વડોદરા પહોંચી ચૂક્યા છે. કપિલ સિબ્બલ પાસના નેતા હાર્દિક સાથે પણ બેઠક કરી શકે તેવા અહેવાલો આવી રહ્યા છે. ગઈ કાલે દિલ્હી પહોંચેલા પાસના નેતાઓ સાથે બેઠક ન થતા તેમણે કોંગ્રેસને અનામત મુદ્દે સ્ટેન્ડ ક્લિયર કરવા માટે 24 કલાકનું અલ્ટિમેટમ આપ્યું હતું. આ પણ વાંચોઃ PAAS અને કોંગ્રેસ વચ્ચે ડખો, અનામત મદ્દે આપ્યું અલ્ટિમેટમ

કોંગ્રેસને 24 કલાકનું અલ્ટિમેટમ

મળી રહેલી જાણકારી મુજબ પટેલ નેતાઓ 30-35 બેઠકો પર પોતાના ઉમેદવારોને ટિકિટની માંગણી કરી રહ્યા છે. પરંતુ સૂત્રોએ જણાવ્યું છે કે કોંગ્રેસ આટલી બેઠકો આપવા માટે તૈયાર નથી. મોડી રાત્રે પાટીદાર નેતાઓએ પોતાની નારાજગી જાહેર કરી હતી. હાર્દિક પટેલના સાથીદાર પાસ નેતા દિનેશ બાંભણીયાએ આરોપ લગાવ્યો હતો કે કોંગ્રેસે પાટીદારોનું અપમાન કર્યું છે. આ પણ વાંચોઃ રાજદ્રોહનો આરોપી PAASનો પૂર્વ કન્વીનર ચિરાગ પટેલ ભાજપમાં જોડાયો

આ મુદ્દે હાર્દિકે શું કહ્યું, જાણો

આ મુદ્દા પર પાટીદાર નેતા હાર્દિક પટેલે જણાવ્યું હતું કે ગઈ કાલે કોઈ ગેરસમજ થઈ હતી. કોંગ્રસે કહ્યું છે કે બધુ સારું થશે અને આપણો વિજય થશે. આમ હવે જોવાનું છે કે પાસના 24 કલાકના અલ્ટિમેટમ બાદ કોંગ્રેસ અને પાસ વચ્ચે કોઈ સમજૂતી થાય છે કે ફરી કોઈ નવા સમીકરણો સર્જાશે.