અમદાવાદ: લગ્નની સીઝનમાં હોટેલોના ભાડાં આસમાને પહોંચ્યા

I am Gujarat

ઈવેન્ટ્સનો માહોલ

અમદાવાદ: ડિસેમ્બરમાં શહેરમાં ઈવેન્ટ્સનો માહોલ જોવા મળે છે. કોર્પોરેટ ઈવેન્ટ્સથી લઈને લગ્ન પ્રસંગો સુધી, શામેલ થવા માટે NRIs શહેરમાં મોટા પ્રમાણમાં આવતા હોય છે. અને આ કારણે આ સમયગાળામાં હોટેલમાં રુમ્સની ડિમાન્ડ વધી જાય છે. ઉપરથી વિધાનસભાની ચૂંટણીને કારણે શહેરમાં VVIP લોકોની અવરજવર વધી ગઈ હોવાને કારણે ડિમાન્ડમાં ઘણો વધારો થયો હતો અને સાથે સાથે હોટેલના ભાડામાં પણ વધારો જોવા મળ્યો છે.

બમણું ભાડુ

હોટેલ માલિકો, ઈવેન્ટ મેનેજર્સ અને ટ્રાવેલ એજ્ટ્સના અનુમાન અનુસાર, હોટેલના ટેરિફમાં 30% સુધીનો વધારો થયો છે અને અમુક કેસમાં તો ડબલ પણ થઈ ગયા છે. અમદાવાદના પ્રોફેશનલ મહેશ શેઠ જણાવે છે કે, મારા ફ્રેન્ડના આ વીકેન્ડ પર લગ્ન છે અને હું તેમના માટે રુમ બુક કરાવવા માંગતો હતો. હું મારા બિઝનેસ ક્લાયન્ટ્સ માટે બુકિંગ કરાવતો હોવુ છુ માટે મને ખબર છે કે રેટ્સ સામાન્યપણે કેટલા હોય છે. પરંતુ અત્યારે ભાવ એટલા વધી ગયા છે કે સામાન્યપણે જે હોટેલમાં 6000 ભાડુ હોય છે તે વધીને 15000 સુધી થઈ ગયું છે.

ચૂંટણીએ વધારી ડિમાન્ડ

ક્રાઉન પ્લાઝા અમદાવાદના જનરલ મેનેજર સંજય કૌશિક જણાવે છે કે, આ બિઝનેસ ઈવેન્ટ્સની સીઝન છે. આ સિવાય ચૂંટણીને કારણે નેતાઓની અને અન્ય અધિકારીઓની અવરજવર વધી ગઈ હોવાને કારણે ડિમાન્ડ વધી ગઈ છે અને તે કારણે કિંમત પણ વધી છે.

ટૂરિસ્ટ્સની સીઝન

રેડિસન બ્લૂ, અમદાવાદના સેલ્સ એન્ડ માર્કેટિંગ ડિરેક્ટર રજનીકાંત પટેલ જણાવે છે કે, આ સીઝનમાં વિદેશી ટૂરિસ્ટ્સની સંખ્યામાં પણ ઘણો વધારો થાય છે. મોટાભાગના ટૂરિસ્ટ અહીં આવે છે અને પછી રણોત્સવ અને અન્ય કાર્યક્રમોમાં ભાગ લેવા જાય છે.