ગેમ ચેન્જર મોદીએ એક જ શોટમાં તમામ વિરોધીઓની ગેમ કરી નાંખી
Ahmedabad Mirror18 Apr 2017, 10:54 am
ગુજરાત માટે એકમાત્ર ગેમ ચેન્જર છે મોદી
દીપલ ત્રિવેદી, અમદાવાદ: સોમવારે બોટાદમાં જ્યારે પીએમ મોદીએ પોતાના ભાષણમાં કહ્યું કે નર્મદાના નીર દરેક સામાન્ય માણસ માટે ગેમ ચેન્જર સાબિત થશે, ત્યારે ત્યાં હાજર મંત્રીઓ મનમાં મલકાઈ રહ્યા હતા. તેમના ચહેરા પર હાસ્યનું કારણ પણ વાજબી હતું, કારણકે ગુજરાતમાં જો કોઈ એકમાત્ર ગેમ ચેન્જર હોય તો તે છે નરેન્દ્ર મોદી. ભાજપ માટે પીએમ મોદી રોકસ્ટાર છે, અને તેમણે ખરેખર ગેમ જ પલ્ટી નાખી છે.
બે દિવસમાં વિરોધીઓ ઝાંખા પડી ગયા
પાટીદાર આંદોલન, આમ આદમી પાર્ટી તેમજ કોંગ્રેસ મોદીના બે દિવસના ગુજરાતના પ્રવાસથી ગમ ખાઈ ગયા છે. મોદીની આ મુલાકાતે ન માત્ર ભાજપની પરંપરાગત વોટ બેન્ક ગણાતા મધ્યમ વર્ગને મજબૂત બનાવી છે, પરંતુ તેની સાથે ભાજપથી દૂર થઈ રહેલા આદિવાસીઓ અને ખેડૂતોને પણ નવી આશા આપી છે.
મોદીએ હોશિયારીપૂર્વક સુરતમાં જાહેર સભા ન કરી
મોદીએ પોતાની વ્યુહાતમક નીતિને અનુસરતા સુરતમાં 16 કલાક વિતાવ્યા. ગુજરાતની રગેરગથી વાકેફ નરેન્દ્ર મોદીએ સુરતમાં જાહેર સભા સંબોધવાનું પણ ટાળ્યું, અને તેના બદલે તેમણે ડાયમંડ સિટીમાં 12 કિલોમીટર લાંબો રોડશો કરીને લોકોનો મૂડ પારખ્યો હતો. મોદીની આ રેલીમાં 10 લાખ લોકો તેમના રુટની આસપાસ લાઈનો લગાવીને ઉભા હતા.
ભાજપ વિરોધી મૂડને બદલી નાખ્યો
જેમાં યુવાનો, યુવતીઓ બુરખો પહેરેલી મહિલાઓ પણ સામેલ હતી, અને લોકો સવા બે કલાક સુધી તેમની રાહ જોઈ ઉભા રહ્યાં હતાં. ગુજરાતમાં અડધોઅડધ લોકો બહારથી આવીને વસેલા છે, ત્યારે શહેરમાં ભાજપ વિરોધી જુવાળ ઉભો થઈ રહ્યો હતો. એક તરફ પાટીદાર આંદોલન તો બજી તરફ, આમ આદમી પાર્ટીએ પણ પોતાની ગતિવિધિઓનું કેન્દ્ર સુરતને બનાવ્યું હતું. સુરત આદિવાસી પટ્ટા સાથે પણ જોડાયેલું છે, જેમાં કોંગ્રેસ પોતાની પકડ મજબૂત કરવા પ્રયાસ કરી રહી હતી.
મોદીએ સભાના બદલે રોડશો કર્યો
હજુ ગયા વર્ષે જ સુરતમાં અમિત શાહને પણ પાટીદારોના વિરોધને કારણે પોતાનું ભાષણ ટૂંકાવ્યું પડ્યું હતું. માટે જ, પીએમે સુરતની પસંદગી ઘણી ગણતરીપૂર્વક કરી હતી. પીઢ રાજકારણી અને પબ્લિકનો મૂડ સારી રીતે જાણતા મોદીએ માટે જ હોંશિયારીપૂર્વક સુરતમાં જાહેર સભા સંબોધવાના બદલે રોડશો યોજવાનું પસંદ કર્યું હતું.
મિશન 150 માટે મચી પડશે ભાજપ
રાજકીય પંડિતોનું કહેવું છે કે, મોદીના સુરત પ્રવાસ બાદ ભાજપ 150 બેઠકના પોતાના લક્ષ્યાંકને હાંસલ કરવા મચી પડશે. વર્તમાન સરકારની મુદ્દત ડિસેમ્બરમાં પૂર્ણ થઈ રહી છે, અને ભાજપને આ ચૂંટણીમાં પણ સતત પાંચમી વાર જીત મેળવવાની આશા છે. ગુજરાત દેશનું એક માત્ર એવું રાજ્ય છે કે જ્યાં ભાજપ છેક 1995થી પૂર્ણ બહુમતી સાથે સત્તા પર છે.
દોઢ વર્ષમાં સર્જાયા અનેક પડકાર
જોકે, છેલ્લા દોઢ વર્ષમાં ભાજપ માટે એક પછી એક પડકાર ઉભા થયા છે, અને પક્ષને પોતાના સીએમ બદલવાની પણ ફરજ પડી હતી. આનંદીબેન પર પોતાની દીકરી અનારની કથિત રીતે તરફેણ કરવાના અને તેમની કથિત સંડોવણી ધરાવતા કૌભાંડો સામે આંખ આડા કાન કરવાના આરોપ થતાં તેમને ખુરશી છોડવાની ફરજ પડી હતી, અને તેમના સ્થાને રુપાણીને સીએમ બનાવાયા હતા.
AAP, હાર્દિક, અલ્પેશ સાઈડ પર રહી ગયા
રાજ્યમાં આ મોટો રાજકીય બદલાવ થતાં આમ આદમી પાર્ટીને ગુજરાતમાં પોતાના પગ જમાવવાની આશા જાગી હતી. તો બીજી તરફ, પાટીદાર આંદોલન અલ્પેશ ઠાકોરના ઓબીસી મંચ અને જોશમાં આવી ગયેલી કોંગ્રેસે પણ ભાજપ માટે મુશ્કેલી વધારી હતી, પરંતુ મોદીએ પોતાની એક જ વિઝિટમાં તમામ વિરોધીઓને સફાચટ કરી નાખ્યા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.